«Кʹи иро ԛьрара Йаһоԝа дьԛәдинә?»
1. Кʹәнге әме дәстпекьн һин бьн брошура, «Кʹи иро ԛьрара Йаһоԝа дьԛәдинә?», у чь кʹаре әԝе мәрʹа бинә?
1 Дәстпебуйи жь һʹәфтийа 11 тʹәшрине (ноембьр), ԝәʹде һинбуна Кʹьтеба Пироз дь щьватеда, әме һин бьн брошура, «Кʹи иро ԛьрара Йаһоԝа дьԛәдинә?» Әв брошура тʹәзә һатийә дәрхьстьне ль сәр щьвата мәзьнә серʹожи, наве кʹижани кӧ ӧса бу: «Дьле хԝә хԝәй кә!». Әв брошур бона ԝе йәке һатийә дәрхьстьне, ԝәки кʹи кӧ Кʹьтеба Пироз һин дьбьн, бькарьбьн бенә тʹәшкиләта Йаһоԝа. Һинбуна ве брошуре нә тʹәне ԝе мәзьн кә рʹазибуна мә жь бо ԝе йәке кӧ әм дь тʹәшкиләта Йаһоԝада нә, ле ӧса жи ԝе али мә бькә, ԝәки рʹьнд бьзаньбьн, кӧ чаԝа әве һʹащәта ԛимәт дь ԛӧльхкьрьнеда бьдьнә хәбате (Зб. 48:13).
2. Чь щурʹәйи әве брошуре әме дь щьватеда һин бьн?
2 Һинбун ԝе чь щурʹәйи дәрбаз бә: Хәбәрван гәрәке ԝәʹде хԝә ӧса пʹара ԝәкә, кӧ һәр дәрс рʹьнд бе шьровәкьрьне. Һәр 28 дәрс әԝе дәрбаз кә бь ԝе йәке кӧ бьхунә наве тʹеме, йе кӧ бь пьрсе һатийә ньвисаре. Паше әԝе бежә ԝи бьрайерʹа кʹи кӧ гәрәке тексте бьхунә, ԝәки әԝ абзаса пешьн бьхунә. Паше хәбәрван ԝе пьрсе бьдә гӧһдара, йе кӧ әԝ һазьркьрийә бона пешхәбәре. Паше ԝе йәке, һәр пʹарәк йе кӧ бь һәрфед рʹәш кʹьфшкьри нә, гәрәке бенә хԝәндьне у башԛә-башԛә бенә шьровәкьрьне. Чахе пʹар ԝе бе хԝәндьне, хәбәрван ԝе гӧһдара пьрс кә, кӧ чь щурʹәйи әԝ щаба наве тʹеме дьдә. Дь ве брошуреда ӧса жи гәләк шькьл һәнә, йед кӧ ӧса жи дькарьн ԝәʹде щабед хԝә бьдьнә хәбате. Һәгәр ԝәʹдә дәст дьдә, рʹезед сәрәки гәрәке бенә хԝәндьне. Пешийа кӧ дәрбази ль сәр дәрса дьн бьн, хәбәрван сәва ԝәкʹьландьне, ԝан пьрса гәрәке бьдә, йед кӧ жере, хьлазийа рʹупʹеле ньвисар ьн. Һәгәр дь ве дәрседа һәйә чаргошә «Һе зедә пебьһʹәсә», әв жи гәрәке бе хԝәндьне. Паше хәбәрван ԝе гӧһдара пьрс кә, ԝәки әԝед кӧ Кʹьтеба Пироз һин дьбьн, жь ве йәке чь кʹаре дькарьн бьстиньн. Чахе һинбуна дәрсе ида хьлаз дьбә, у ԝәʹдә һе дьминә, һьнге хәбәрван, наве дәрса дькарә чаԝа пьрса ԝәкʹьландьне бьдә хәбате. Бира хԝәда хԝәй кә, кӧ әʹсәйи нинә, ԝәки әве брошуре бь ви щурʹәйи бьдьнә хәбате, сәва кӧ тʹәви мәрийа һинбуне дәрбаз кьн.
3. Ча әм дькарьн педа жь һинбуна ве брошуре кʹаре бьстиньн?
3 Сәва кӧ педа жь ве йәке кʹаре бьстиньн, лазьм ә ԝәки сәва щьвате хԝә рʹьнд һазьр кьн у ӧса бен. Ԛәԝате бьдьнә хәбате кӧ ль ԝьр щаба хԝә бьдьн. Ԝәʹде шьровәкьрьне, дәрһәԛа ԝе йәке дьшьрмиш бьн кӧ чьрʹа әв дәрс дькарә кʹар бә сәва ԝан, кʹи кӧ Кʹьтеба Пироз һин дьбьн. Бьра һинбуна әве брошура тʹәзә, мә һазьр кә, сәва кӧ али йед дьнена бькьн тʹәви мә ԛьрара Хԝәде бьԛәдиньн, ԝәки әԝана жи бькарьбьн бьстиньн әԝе гӧмане кӧ һʹәта-һʹәтайе бьжин (1 Йуһʹн. 2:17).