Һинбуна кʹьтебе «Чь һин дькә Кʹьтеба Пироз?», дәстпедьбә жь һʹәфтийа 20 чьләйе (Йануайе)
1. Дәстпебуйи жь һʹәфтийа 20 чьләйе, әме чь дәрбаз бьн ԝәʹде «Һинбуна Кʹьтеба Пироз дь щьватеда»?
1 Дәстпебуйи жь һʹәфтийа 20 чьләйе сала 2014, ԝәʹде һинбуна Кʹьтеба Пироз дь щьватеда, әме дәрбаз бьн кʹьтеба «Чь һин дькә Кʹьтеба Пироз?». Әв бь рʹастийе жи аликʹарикә мәзьн ә сәва һинбуне, у әм дьхԝазьн бь тʹәмами әве бьдьнә хәбате. Чахе әм әве кʹьтебе дь щьватеда тʹәвайи һин бьн, әԝе али мә бькә кӧ рʹьнд бьзаньбьн әԝе әʹламәтийе, йа кӧ ль ԝьр ньвисар ә. У ӧса жи рʹазибуна мә һьндава ве кʹьтебе, ԝе һе мәзьн кә.
2, 3. Чаԝа һинбун ԝе дәрбаз бә?
2 Бьре кӧ ԝе дәрбаз кә «Һинбуна Кʹьтеба Пироз дь щьватеда», дина гӧһдара бьдә ль сәр пьрсед кӧ дәстпебуна һәр сәрикида һәнә. Паше ԝе һинбуне дәрбаз кә бь аликʹарийа пьрсед кӧ жере, ль сәр рʹупʹеле ньвисар ьн. Рʹезед сәрәки жь Кʹьтеба Пироз ԝе бенә хԝәндьне у шьроԝәкьрьне. Ӧса жи хьлазийа һәр сәрикида һәйә чаргошә «Чь һин дькә Кʹьтеба Пироз». Әв йәк аликʹарикә мәзьн дьдә, сәва кӧ диса щарәке әве тʹемайе бьԝәкʹьлиньн. Чьмки дь ве чаргошеда тенә дайине рʹезед жь Кʹьтеба Пироз, йед кӧ щаба ԝан пьрса дьдьн, кӧ ль сәр рʹупʹела пешьн, бьн наве тʹемайеда тенә дайине. Ԝәрʹа ԝе һʹәԝас бә щаба хԝә бьдьн, чьмки дь ве кʹьтебеда гәләк һеса, у фәʹмдари щурʹә-щурʹә тʹема тенә шьроԝәкьрьне.
3 Дь ве кʹьтебеда ӧса жи һәйә, әʹламәтийа зедә, йе кӧ һур бь һур щурʹә-щурә тʹема шьроԝәдькә. Пʹаред жь әʹламәтийа зедә, ԝе бенә ньһерʹандьне ԝәʹде «Һинбуна Кʹьтеба Пироз дь щьватеда». Һʹәму тʹема жь әʹламәтийа зедә ԝе бьхунә әԝ бьра, йе кӧ сәрийа дьхунә. Готаред мәзьн дькарьн ль сәр чәнд пʹара пʹаравәкьн. Дь әʹламәтийа зедәда, пьрсед сәва шеԝьркьрьне тʹӧнә нә. Ләма жи бьре кӧ әве һинбуне дәрбаз дькә, дькарә пьрсед хԝә дайнә, йе кӧ фькьред фәрзва гьредайи нә.
4. Чаԝа һинбуна кʹьтебе «Чь һин дькә Кʹьтеба Пироз?» дь щьватеда, щӧдә дьбә жь һинбуна тʹәви мәрьвед дьн?
4 Һинбуна кʹьтебе «Чь һин дькә Кʹьтеба Пироз?», ԝе зу зу дәрбаз бә. Ле әʹсәйи нинә ԝәки әм һʹәма ӧса, демәк зу зу әве кʹьтебе дәрбаз бьн тʹәви ԝан мәрийа, кʹижана кӧ һин дькьн. Чьмки дьԛәԝьмә кӧ занәбуна ԝан дәрһәԛа Кʹьтеба Пироз кем ә, йан жи әԝана ԛә тьштәки ньзаньн дәрһәԛа ԝе кʹьтебе (Кʹар. Шанд. 26:28, 29). Чахе әм бь ве кʹьтебе тʹәви мәрийа һинбуне дәрбаз дькьн, щарна лазьм ә һе гәләк дина хԝә бьдьнә шьроԝәкьрьна рʹезед жь Кʹьтеба Пироз, мәсәла у тьштед дьн. Чахе әм әве кʹьтебе дь щьватеда тʹәвайи һин бьн, әԝ йәк ԝе али мә бькә кӧ рʹьнд бьзаньбьн әве кʹьтебе, у рʹазибуна мә жи һьндава ԝе, ԝе һе мәзьн кә.