Евара Биранине Мәщале Дьдә Мә, кӧ Рʹазибуне Бьдьнә Кʹьфше

1. Евара Биранине чь мәщаләкә баш дьдә мә?

¹ Евара Биранине ԝе 14 Нисане дәрбаз бә. Әв йәк мәщаләкә баш дьдә мә, сәва кӧ жь бо ԛәнщийа Йаһоԝа, рʹазибуна хԝә һьндава ԝи мәзьн кьн у нишан кьн. Әԝ сәрһати кʹижан кӧ дь кʹьтеба Луԛа 17:11-18-да ньвисар ә, дьдә кʹьфше кӧ ньһерʹандьна Йаһоԝа у Иса Мәсиһ ль сәр рʹазибуне чь щурʹәйи йә. Йазьх ԝәки жь ԝан дәһә кʹотийа, йед кӧ ԛәнщ бун, тʹәне йәк мәщале бәрнәда, сәва кӧ Исарʹа рʹазибуна хԝә бьдә кʹьфше. Дь ахьрийеда жи бь аликʹарийа пʹешкʹеша кʹьрине, әме жь һʹәму нәхԝәшийа хьлаз бьн у әʹмьре һʹәта-һʹәтайе бьстиньн! Һьнге әме һәр рʹож, Йаһоԝарʹа рʹазибуне бьдьнә кʹьфше сәва ван кʹәрәма. Ле гәло ча әм дькарьн ԝәʹде ве һʹәфтийа Евара Биранине, рʹазибуна хԝә бьдьнә кʹьфше?

2. Ча әм дькарьн рʹазибуна хԝә һьндава кʹьрине зедә кьн?

² Рʹазибуне Зедә кә: Рʹазибун жь фькьра те. Сәва кӧ бькарьбьн рʹазибуна хԝә һьндава кʹьрине зедә кьн, дь ве йәкеда ԝе али мә бькә бәрнама хԝәндьна Кʹьтеба Пироз, йа кӧ ль сәр һʹәфтийа Евара Биранине гәрәке бе хԝәндьне. Мәсәлә, әве бәрнаме тӧ дькари бьвини дь Салнәмеда йан жи дь ве брошуреда «Исследовать Писания» (ru). Әв бәрнамә, ԝе ӧса жи пешийа Евара Биранине ль сәр jԝ.org бе данине. Әве бәрнама хԝәндьне, әм дькарьн тʹәви малбәта хԝә бьдьнә хәбате. Чахе әм дьшьрмиш дьбьн ль сәр ԝан тьшта чь кӧ мә хԝәндийә, у тʹәви йед дьнена хәбәрдьн дәрһәԛа ԝе йәке чь кӧ Йаһоԝа у Иса сәва мә кьрьнә. Һьнге рʹазибуна мә һьндава кʹьрине ԝе һе зедә бә. Әв йәк ӧса жи гәләк баш ль сәр рʹабун-рʹуньштандьна мә ԝе һʹӧкӧм бькә (2 Корн. 5:14, 15; 1 Йуһʹн. 4:11).

3. Ча әм дькарьн рʹазибуна хԝә бьдьнә кʹьфше?

³ Рʹазибуне Бьдә Кʹьфше: Рʹазибун бь шьхӧла те избаткьрьне (Колс. 3:15). Әԝ мәри йе кӧ жь кʹотибуне ԛәнщ бу, ԛәԝата хԝә да хәбате, сәва кӧ Иса бьвинә у рʹазибуне ԝирʹа бьдә кʹьфше. Бей шьк әԝи паше бь хирәт дәрһәԛа ԛәнщкьрьна хԝә, йед дьненарʹа жи гьли дькьр (Луԛа 6:45). Ле гәло рʹазибуна мә һьндава кʹьрине, ԝе мә һелан кә ԝәки әм дь ве компанийеда хирәт бьн, йа кӧ бона тʹәглифкьрьна ль сәр Евара Биранине йә? Ԛӧльхкьрьна чаԝа пешәнгед кʹӧмәкдар ԝе али мә бькә, кӧ ԝәʹде Евара Биранине һе зедә ԛӧльх кьн. Әв ӧса жи мәщаләкә баш дьдә мә, сәва кӧ рʹазибуна хԝә бьдьнә кʹьфше. Рʹазибуна мә ԝе мә һелан кә, кӧ ль сәр Евара Биранине бь дьл-әшԛ мевана сьлав кьн, у һазьр бьн щаба пьрсед ԝан бьдьн.

4. Һʹәта кӧ ԝәʹдә һәйә, әм чь мәщале гәрәке бәрʹнәдьн?

⁴ Ле гәло дьԛәԝьмә кӧ әв Евара Биранине, әм щара пашьн дәрбаз дькьн? (1 Корн. 11:26). Әве йәке әм ньзаньн. Ле әм заньн, ԝәки һʹәта кӧ ԝәʹдә һәйә әм Евара Биранине дәрбаз кьн, әв йәк мәщаләкә баш дьдә мә, сәва кӧ рʹазибуне бьдьнә кʹьфше. Ле тӧйе әԝе мәщале бьди хәбате? Бьра готьнед мәйә рʹазибуне у дьшьрмишбуна дьле мә, шабуне Йаһоԝарʹа бинә, йе кӧ бь мәрʹданийе пʹешкʹеша кʹьрине дайә мә (Зәб. 19:14).