Али Мәрийа Бькьн Ԝәки Гӧһ Бьдьнә Хԝәде
Чаԝа Брошура «Гӧһ Бьдә Хԝәде» Һатийә Чекьрьне: Текст дь ве брошуреда бьчʹук ьн. Жере ль сәр һәр рʹупʹеләке щӧмләк һатийә ньвисаре, у ӧса жи рʹез жь Кʹьтеба Пироз кʹижан кӧ фькьра сәрәкә нишан дькә. Чьрʹа? Бьдьнә һʹәсабе хԝә кӧ ԝәрʹа брошурәк данә, ле һун ԛә гьлики жи, жь ве брошуре нькарьн бьхуньн, чьмки һʹәрфед ве алифбайе ԝәрʹа нәнас ьн. Ле гәло һәгәр шькьлед бәдәԝ жи дь ве брошуреда һәбуна, кʹефа ԝә ԝе перʹа бьһата? Фәʹмдарийә на. Анәгори ве йәке жи, әԝ брошур кʹижанида кӧ текст мәзьн ә, нькарә ԝи мәрьвирʹа һʹәԝас бә, йе кӧ хԝәндьне ньзанә. Ләма жи ль сәр һәр рʹупʹеләке, шькьл щийе әʹԝльн дьгьрьн. Сәва кӧ фәʹм бькьн кʹижан шькьл пәй кʹижане те, ль сәр шькьла нишан һәнә, йед кӧ ӧса жи дьдьнә кʹьфше кӧ чь пәй чь шьровәкьн.
Чаԝа Дькарьн Әве Брошуре Бәла кьн: Хԝәйе малерʹа рʹупʹела 2-3 нишан кә у бежә: «Ԝәйе бьхԝәста дьнйакә ӧсада бьжита, чаԝа кӧ ль вьр те кʹьфше?» [Һивийе бә бьра щаба хԝә бьдә.] Кʹьтеба Пироз соз дьдә ԝәки Хԝәде ԝе зутьрәке дьнйайе бькә щьнәт, кʹидәре кӧ нәхԝәши у кʹәсиббун тʹӧнә бә, у әʹрд ԝе бь әʹдьлайе тʹьжә бә. Ԝәрен әм бьньһерʹьн, кӧ чь гәрәке бькьн ԝәки дьнйа ӧсада бьжин. [Бьхунә Йуһʹәнна 10:27, 28, йе кӧ жоре ль сәр рʹупʹела 3 йә.] Ль вьр те готьне ԝәки әм гәрәке гӧһ бьдьнә Хԝәде сәва кӧ һʹәта-һʹәтайе бьжин. Ле гәло ча әм дькарьн гӧһ бьдьнә Хԝәде? Вәкә рʹупʹела 4-5 у шеԝьр бькә дәрһәԛа щаба ве пьрсе. Һәгәр ԝәʹде ԝи тʹӧнә, һьнге дькари брошуре бьди ԝи у хәбәр ди дәрһәԛа сәрледана дӧбарә, кӧ паше дәрһәԛа ве пьрсе шеԝьр бьки.
Мәщала Дьн: Һәр кәс жь мә дьхԝазә ԝәки малбәта ԝан бәхтәԝар бә. Һун ве йәкерʹа ԛайил ьн? [Һивийе бә бьра щаба хԝә бьдә.] Әз дькарьм пьрсәке бьдьмә ԝә? Дь малбәтеда һәр кәс чь дькарә бькә, ԝәки нәфәред мала ԝан бәхтәԝар бьн? Ԝе гәләк баш бә, ԝәки әм бьзаньбьн һәла Кʹьтеба Пироз чь ширәте дьдә [Бьхунә Колоси 3:18, 19.] Чаԝа жь вьр те кʹьфше кʹӧлфәт гәрәке гӧрʹа мере хԝәда бә, у мер жи гәрәке жьна хԝә һʹьз бькә. [Вәкә рʹупʹела 26, 27 у паше жи дькари бежи] Ль вьр гәләк ширәт тенә дайине дәрһәԛа ԝе йәке кӧ чь гәрәке бькьн ԝәки малбәта мә бәхтәԝар бә. Әз дьхԝазьм әве брошуре бьдьмә ԝә. [Һәгәр ԝәʹдә дәст дьдә, тӧ дькари бәрдәԝанки тʹәви ԝи шеԝьр бьки ль сәр һʹиме рʹупʹелед 26 у 27.] Ле һәгәр ԝәʹде ԝи тʹӧнә дькари брошуре ԝирʹа бьһели, у хәбәр ди дәрһәԛа сәрледана дӧбарә.