«Щьмәʹте Бьщьвинә»
1. Чахе исрайели жь Мьсьре дәркʹәтьн, әԝана чь кьрьн? У әв ԛәԝьмандьн әм бәрамбәри кʹижан щьвине дькьн?
1 Чахе исрайели жь Мьсьре дәркʹәтьн, һьнә ԝәʹдә шунда, Йаһоԝа тʹәми да Муса, ԝәки әԝ «щьмәʹте бьщьвинә» ль сәр чʹийайе Синайе. Ль ԝьр әԝана гәрәке гӧһ бьдана хәбәред Хԝәде, сәва кӧ бькарьбуна ԝи бьтьрсийана у ль гора ве йәке зарʹед хԝә жи һинкьрана (Ԛан. Дщр. 4:10-13). Бь рʹастийе жи әԝ ԛәԝьмандьнәкә пʹьрʹ баш бу, йе кӧ нәдьһатә биркьрьне у баԝәрийе жи ԛәԝи дькьр! Һьнә мәһ шунда, щьмәʹта Йаһоԝа ԝе бьщьвьн ль сәр щьвата мәзьнә серʹожи, сәва кӧ жь Йаһоԝа бенә һинкьрьне. Ле гәло әм чь гәрәке бькьн, сәва кӧ жь ве щьвине, бь тʹәмами кʹаре бьстиньн?
2. Чь әм гәрәке бькьн, сәва кӧ бона щьвата мәзьн «һазьр бьн»?
2 «Һазьр бьн»: Йаһоԝа тʹәми дабу исрайелийа, ԝәки әԝана «һазьр бьн», ль сәр ԛәԝьмандьнәкә пʹьрʹ баш, кʹижан кӧ ль сәр чʹийайе Синайе гәрәке дәрбаз буйа (Дәркʹ. 19:10, 11). Анәгори ве йәке, гәрәке нә кӧ тʹәне әԝ мәрьв һазьр бьн, дәрсед кʹижана кӧ сәр щьвата мәзьнә серʹожи һәйә, ле ӧса жи мәрьвед дьн. Мәсәлә, гәләкарʹа лазьм ә тʹәви мәзьне хәбате пешда хәбәр дьн, кӧ изьна хԝә бьхԝазьн ԝәки чәнд рʹожа жь хәбате аза бьн. Дьбәкә дәрәща тә мина дәрәща Нәһәмийа йә. Әԝи дьхԝәст хәбата хԝәйә шәрәԝдарийе, йе кӧ әԝи щәм Артаһшашт пʹадша дькьр, бьһишта сәва кӧ һәрә ль Оршәлиме у аликʹарийе бьдә бона авакьрьна диԝаре. Ле Нәһәмийа заньбу, кӧ дьбәкә пʹадша ԝе ԛайил нибә ԝи бәрдә. Ләма жи әԝи дӧа кьр, у паше жи бь мерхаси хԝәстьна хԝә бь ԛәдьр-һӧрмәте пʹадшерʹа гот. Пʹадша изьн да Нәһәмийә кӧ әԝ һәрʹә, у һәла һе пʹадша хԝәхә жи пьштгьрийа ве авакьрьне кьр! (Нәһәм. 2:1-9). Хенщи ве йәке, дьбәкә тә ида изьн хԝәст жь мәзьне хәбате кӧ чәнд рʹожа нәйе хәбате, ле диса гәрәке һьнә тьшт пешда һьлди һʹәсаб. Мәсәлә лазьм ә сәва рʹекʹәтьне хԝә рʹьнд һазьр ки, у дьшьрмиш би һәла кʹидәре бейи щиԝаркьрьне. Рʹуспи ԝе ша бьн али һәр кәса бькьн, кʹира кӧ аликʹари лазьм ә. Демәк әԝана һʹәму тьшт ԝе ӧса сафи кьн, кӧ хушк-бьра бькарьбьн ԝәʹде хԝәда бен ль сәр һәр бәрнаме, у һазьр бьн «һе гәләки гӧһ бьдьнә» тьштед кӧ бьбьһен (Ибрн. 2:1).
3. Чь ԝе али мә бькә, сәва кӧ дьле хԝә бона бәрнаме һазьр кьн?
3 Сәва кӧ бона ве щьвата мәзьн һазьр бьн, әм диса жи гәрәке тьштәки фәрз һьлдьн һʹәсаб. Демәк лазьм ә дьле хԝә һазьр кьн кӧ бькарьбьн гӧһ бьдьн у һин бьн (Әзр. 7:10). Бәрнама щьвата мәзьн ԝе ль сәр малпәра мәйә jԝ.org пешда бе данине, у ль ԝьр һун дькарьн бьхуньн навед һәр готара, у йәк йан дӧдӧ рʹезед сәрәкә кӧ ван готарава гьредайи нә. Әв әʹламәтийа кӧ дь бәрнамеда һәйә, мәщәләкә баш дьдә, кӧ малбәт ԝәʹде ԛӧльхкьрьна тʹәви малбәте әве йәке шеԝьр бькьн ль сәр һʹәфтйа кӧ щьвата мәзьн гәрәке дәрбаз бә. Һьнә ԛӧльхкʹар әве бәрнаме сәр кʹахазе хԝәрʹа дәрдьхьн, у ԝәʹде щьвата мәзьн ԝе дьдьнә хәбате сәва кӧ ньвисаред кьн бона хԝә бькьн.
4. Чаԝа де-бав бь аликʹарийа щьвата мәзьн дькарьн зарʹед хԝә һин кьн?
4 «Зарʹед Хԝә Һин кьн»: Нета щьвина исрайелийа ль сәр чʹийайе Синайе әԝ бу, кӧ де-бав бькарьбуна «зарʹед хԝә» һинкьрана (Ԛан. Дщр. 4:10). Щьвата мәзьнә серʹожи мәщәләкә баш дьдә де-бава кӧ әԝана жи ӧса бькьн. Де-бав гәрәке зарʹед хԝә ԝәʹде бәрнаме кʹеләка хԝә бьдьнә рʹуньштандьне, у али ԝан бькьн кӧ рʹьнд гӧһ бьдьнә бәрнаме. Хьлазийа һәр рʹоже, йан жи ԝәʹде ԛӧльхкьрьна тʹәви малбәте, нәфәре мале дькарьн тʹәвайи дәрһәԛа бәрнаме шеԝьр бькьн.
5. Ча әм дькарьн кʹаре бьстиньн жь щьвата мәзьнә серʹожи?
5 Чахе исрайели ль сәр чʹийайе Синайе щьвийан, әԝ ԛәԝьмандьнәкә ӧса бу кӧ нәдьһатә биркьрьне. Әв йәк али исрайелийа кьр ԝәки ԛимәт кьн әве мәщәләкә пʹьрʹ баш кӧ әԝана щьмәʹта Хԝәде нә (Ԛан. Дщр. 4:7, 8). Щьвата мәйә мәзьн жи, сәва ве йәке һатийә кʹьфш кьрьне, кӧ ӧса али мә бькә у кʹаре бинә. Әв се рʹож ԝе али мә бькьн кӧ әм бькарьбьн жь ве дьнйа Шәйтʹан ә зӧлм дәрьн, йа кӧ мина бәри йә. Ле жь щьнәта хԝәйә рʹӧһʹани әм рʹьһʹәтийе у дьлгәрмийе дьстиньн (Иша. 35:7-9). Рʹожа Йаһоԝа ида гәләк незик ә, ләма жи ԝәрен әм әве мәщале бәрнәдьн кӧ бьщьвьн сәр ве щьвате йа кӧ һәрсал дәрбаз дьбә, ԝәки һелана бьдьнә һәв! (Ибрн. 10:24, 25).