Чʹәʹв Бьдьне Нәһум Пʹехәмбәр
1. Жь кʹьтеба Нәһум әм чь һин дьбьн?
1 Әԝ йәк кӧ Нәйноԝайе һатә ԝеранкьрьне, избат дькә кӧ чаԝа кӧ Нәһум пʹехәмбәрти кьр ӧса жи ԛәԝьми. Йаһоԝа һʹәйфа хԝә вәкьр жь дьжмьнед хԝә, бәле әԝ дьжмьне зӧльм нькарьбун пешбәри Хԝәде бьсәкьньн (Нәһ. 1:2, 6). Һәрге әм һур бь һур пебьһʹәсьн дәрһәԛа пʹехәмбәртийа Нәһум, әм хԝәрʹа дәрсәки баш һьлдьн.
2. Әм чаԝа дькарьн әʹламәтийе алийе башда дәрбази мәрийа бькьн?
2 Бәрдьли у Гӧмане Бьдә: Наве Нәһум те һʹәсабе «Әԝ бәрдьлйе дьдә». Дь кʹьтеба Нәһумда те готьне дәрһәԛа әʹламәтийа хьраб бона Нәйноԝайе, йе кӧ дебажаре Ашуре бу, у гәрәке бьһата щәзакьрьне (Нәһ. 1:1; 3:7). Ле бона щьмәʹта Хԝәде әԝ әʹламәти чаԝа мьзгинийа хере бу. Чьмки Нәһум гӧман дьда щьһуйа кӧ дьжмьне ԝан зутьрәки ԝе ида тʹӧнә бә! Нәһум ӧса жи ԝана дьда баԝәркьрьне кӧ Йаһоԝа «рʹожа тәнгасийеда бьрщ ә» (Нәһ. 1:7). Чахе әм даннасин дькьн, әм жи гәрәке мьзгинийе у гӧмане бьдьнә мәрийа, ӧса жи һелан кьн кӧ сьтʹаре бал Йаһоԝа бьвиньн (Нәһ. 1:15).
3. Чьда әм диса дькарьн чʹәʹв бьдьнә Нәһум?
3 Бьдә Хәбате Мәсәла: Нәһум жь бина бәр Хԝәде, бәранбәр кьр Нәйноԝа у шәһәрәки Мьсьре Тебес (Но-амон), йе кӧ һатьбу ԝеранкьрьне бь дәсте Ашурийа (Нәһ. 3:8-10). Чахе әм тʹәви мәрийа дәрһәԛа рʹожед пашьн хәбәр дьдьн, у дьхԝазьн ԝана бьдьнә баԝәркьрьне кӧ һәр созед Хԝәде бь һур-гьли ԝе бенә сери, әм дькарьн мәсәлә пʹехәмбәртике биньн йе кӧ ида һатә сери. Мәсәлә, чахе Бабилонийа у Мәдийа сала 632 Б.Д.М. пешбәри Нәйноԝа чун, барана ԛәԝи бари у ава чʹәме Тигрис уса зедә бун, кӧ аликә диԝаред Нәйноԝайе сьст бу. Ӧса Нәйноԝа кʹәт, у пʹехәмбәртийа Йаһоԝа һатә сери (Нәһ. 1:8; 2:6).
4. Чаԝа бькьн кӧ хәбәрдана мә фәʹмдари бә?
4 Бьра Хәбәрдана Тә Фәʹмдари бә: Нәһум бь мәсәла у бь драматик дьньвиси. Фькьред ԝи гәләк фәʹмдари бун (Нәһ. 1:14; 3:1). Әм жи дьхԝазьн бь щурʹәки ӧса хәбәр дьн, кӧ һеса у фәʹмдари бә (1 Корн. 14:9). Чахе щара пешьн кәсәкирʹа даннасин дькьн, жерʹа шьровәкә кӧ мәʹнийа һатьна тә чь йә. Чахе һинбуна Кʹьтеба Пироз дәрбаз дьки, али ԝи мәрьви бькә кӧ незики Хԝәде бә, ӧса жи али ԝи бькә кӧ фәʹм кә чаԝа әԝ дькарә тьштед һинбуйи бьшекьринә у бьдә хәбате (Рʹом. 10:14).
5. Кʹьтеба Нәһум чь гӧмане дьдә?
5 Кʹьтеба кӧ Нәһум ньвиси бь наве ԝи һатә навкьрьне. Ԝе кʹьтебеда рʹьнд те кʹьфше, ԝәки Нәһум баԝәр дькьр кӧ созед Хԝәде ԝе әʹсә бенә сери. Һʹәта кӧ кʹӧтабуна ԝе дьнйайе хьраб незик дьбә, әм бәрдьлийе дьбиньн ԝан хәбәрада, кӧ «щара дӧԝәмин [дӧда] тәнгаси ԝе» нәйе сәр мә (Нәһ. 1:9).