Һʹәму Мәщале Бьдә Хәбате сәва кӧ Мьзгинийа Пʹадшатийе Даннасин ки!
1. Чь дәрс әм дькарьн һьлдьн жь мәсәла Даԝьд?
1 Пʹадша Даԝьд мәрьвәки ӧса бу, йе кӧ тʹӧ щар изьн нәдьда ԝәки дәрәщед чәтьн сәр ԝи һʹӧкӧм бьн. Мәсәлә, Даԝьд дьхԝәст бона Йаһоԝа пʹарьстгәһ авакьра. Чахе әԝи бьһист кӧ ԝе нькарьбә әв йәк бькә, Даԝьд нете хԝә гӧһаст у пешда али Сьлеман кьр, ԝәки әԝ пʹарьстгәһе ава кә (1 Пʹадш. 8:17-19; 1 Дир. 29:3-9). Дәԝса кӧ бәрхԝәкʹәвә дәрһәԛа ԝе йәкә чь кӧ Даԝьд нькарьбу бькьра, әԝ дина хԝә дьдә сәр ве йәке чь кӧ әԝи дькарьбу бькьра. Чахе әм мәщале дьгәрʹьн сәва кӧ Мьзгинийа Пʹадшатийе бәла кьн, ԝи чахи ча әм дькарьн чʹәʹв бьдьнә мәсәла Даԝьд?
2. Ча әм дькарьн дәрәщед хԝә бьщерʹьбиньн?
2 Бькә әԝ, Чь кӧ Тӧ Дькари Бьки: Гәләк хушк-бьред мә әʹмьре хԝә һеса кьрьн, ԝәки ԛӧльх кьн чаԝа пешәнгед кʹӧмәкдар йан жи ча пешәнгед һәр тʹьм (Мәт. 6:22). Ле тӧ чь дькари бьки? Дь дӧакьрьнеда бьщерʹьбинә дәрәщед хԝә, у дьбәк тӧ бьвини чь «дәргәһәки херейи мәзьн ль бәр» тә ԝе вәбә. Ԝи чахи, әве мәщале жь дәсте хԝә бәрʹнәдә (1 Корн. 16:8, 9).
3. Чь мәщалед мә һәйә кʹижан кӧ әм дькарьн бьдьнә хәбате, һәрге әм нькарьн ԛӧльх кьн чаԝа пешәнг?
3 Ле һәрге дәрәщед тә ӧса нә, кӧ тӧ нькари ԛӧльх ки чаԝа пешәнг? Бал тә мәщалед дьн һәнә. Мәсәлә, дьбәкә кʹидәре кӧ тӧ дьхәбьти һәнә мәри кʹи кӧ нә Шәʹдед Йаһоԝа нә. Әԝ дькарә мәщаләкә баш бә кӧ ԝанрʹа даннасин ки. Йан жи һәрге тӧ нәхԝаши у дьчи бал һʹәкима, әԝ жи мәщаләкә баш дьдә, сәва кӧ ԝанарʹа шәʹдәтийе бьди. Бир нәкә кӧ мәрьвед әʹмьрда мәзьн йан жи әԝед кӧ жь бо нәхԝашийа гьран нькарьн гәләк ԛӧльх кьн, ԝанрʹа мәщала ӧса һатийә дайин, ԝәки дь һʹәсабе хԝәда нә кӧ тʹәне сьһʹәта ле дәԛа жи лекьн. Мәсәлә 15, 30, йан 45 дәԛә. Хьлазийа мәһе дь һʹәсабе хԝәда, тӧ һеса дькари бьньвиси сьһʹәте даннасинкьрьна нәформал, ӧса жи һʹәму әʹдәбйәта, бәлавока, тʹәглифкьрьна ль сәр Евара Биранине у щьвата мәзьн. Тӧ дькари әʹщебмайи бьмини жь һʹәсабе сьһʹәте хԝә, чьмки тә һʹәму мәщал дайә хәбате!
4. Чь мәщала тӧ дьхԝази бьди хәбате?
4 Дәрәщед мә чь щурʹәйи нибьн, ԝәрен әм һʹәму мәщалә бьдьнә хәбате ԝәки Мьзгинийа хере бәла кьн. Һәрге әм сәва шьхӧле Пʹадшатийе һʹәму тʹьшти бькьн, жь ԝе йәке, әме шабунәкә мәзьн бьстиньн (Марԛ. 14:8; Луԛа 21:2-4).