Һин бә ԝәки дь Ԛӧльхкьрьнеда Һе Щерʹьбанди би; Нишан кә ԝәки Чаԝа Дәрбаз Дьбә Һинбуна Кʹьтеба Пироз бь Пʹьртука, «Чь Һин Дькә Кʹьтеба Пироз?»
Әв Йәк Чьрʹа Фәрз ә: Гәләк мәрьв дькарьн фәʹм нәкьн, кӧ чь те һʹәсабе чахе әм ԝанарʹа дьбежьн ԝәки тʹәви ԝан һинкьрьна Кʹьтеба Пироз дәрбаз кьн. Әԝана дькарьн дьшьрмиш бьн, кӧ ԝе тʹәви кʹомәке бьбьнә йәк, йан жи гәрәке хԝә ль тьштәки бьгьрьн. Дәԝса кӧ мәрийарʹа бежьн ԝәки әм дьхԝазьн тʹәви ԝан һинкьрьне дәстпекьн, әм дькарьн ԝанарʹа нишан кьн кӧ чаԝа дәрбаз дьбә һинкьрьна Кʹьтеба Пироз. Нава чәнд дәԛада, һәла һе бәр дәри жи, тӧ дькари нишан ки ԝәки чьԛас һʹәԝас у керһати дькарә бьбә әв һинкьрьн.
Чаԝа Бькьн:
• Паши ԝе йәке чахе тӧ насийа хԝә бьди хԝәйе мале, жь ԝи бьпьрсә ԝәки дьбәкә әԝ дәрһәԛа ахьрийа дьнйайе бәрхԝә дькʹәвә.
• Беже, кӧ гәләк мәрьв жи дәрһәԛа ԝе йәке бәрхԝә дькʹәвьн у дина ԝи бьдә сәрәщәме жь кʹьтеба «Чь Һин Дькә Кʹьтеба Пироз?». Шьровәкә кӧ дь ве кʹьтебеда һәнә дәрсед ӧса, йед кӧ һеса тенә фәʹмкьрьне, у йед кӧ нишан дькьн ԝәки чь һин дькә Кʹьтеба Пироз дәрһәԛа ахьрийе. Ӧса жи бежә кӧ ль ԝьр дәрһәԛа щурʹә-щурʹә тʹемед дьн жи те шьровәкьрьне, у жь ԝи бьпьрсә ԝәки кʹижан сәри ԝи хԝәш те.
• Кʹьтебе ԝирʹа бьдә у дина ԝи бьдә ль сәр ԝи сәри, кӧ әԝи бьжарт. Шьровәкә кӧ абзасада тенә дайине щабед ԝан пьрса, йед кӧ дәстпека сәрида ньн.
• Бежә хԝәйе мале кӧ һәрге әԝ дьхԝазә, бьра абзаса пешьн бьхунә. Паше жи, пьрса абзасе бьхунә у тʹәвайи щаба пьрсе бьвиньн. Дина хԝә бьдә у шеԝьр бькә дәрһәԛа рʹезед жь Кʹьтеба Пироз, йед кӧ ве пьрсева гьредайи нә. Хԝәйе малерʹа нишан кә, ԝәки чаԝа тӧ кʹьтеба хԝәда щаба пьрса хәз дьки.
• Бьхуньн абзаса дьн, ле ижар бежә хԝәйе мале ԝәки әԝ бь гьлийе хԝә щаба пьрсе бьдә.
• Пʹайе ԝи бьдә у хәбәр дә дәрһәԛа сәрледана дӧбарә, сәва кӧ әве дәрсе хьлаз кьн.
• Һәрге дьбә, дина хԝәйе мале бьдә ль сәр видео «Ча Дәрбаз Дьбә Һинбуна Кʹьтеба Пироз?», йа кӧ ль сәр jԝ.org һәйә.
Әве Йәке ве Мәһеда Бьдә Хәбате:
• Йаһоԝарʹа дӧа бькә, ԝәки ԛәԝата тә кʹәрәм кә у ԝәки тӧ бькарьби һинкьрьна Кʹьтеба Пирозә тʹәзә дәстпеки (Фили. 2:13).
• Бьхәбьтә кӧ нишан ки, ԝәки чаԝа дәрбаз дьбә һинкьрьна Кʹьтеба Пироз бь пʹьртука «Чь Һин Дькә Кʹьтеба Пироз?». Йан жи бьхәбьтә кӧ чахе дәрдькʹәви даннасинкьрьне, лапи кем щарәке бькарьби мәрийарʹа нишан ки видео «Ча Дәрбаз Дьбә Һинбуна Кʹьтеба Пироз?».