Мәкʹтәба Даннасинкьрьне йа 2015, Али Мә Дькә кӧ Һинкьрьна Хԝә Баш кьн
1 Даԝьде зәбурбеж ньвиси: «Готьна кӧ дәрте жь дәве мьн, фькьра кӧ дьчә жь дьле мьн, бьла маԛул бә дитьн ль пеш тә, йа Хӧдан [Йаһоԝа, ДТʹ] тӧ йи зьнар у рьзгаркʹаре [хьлазкʹаре] мьн» (Зәб. 19:14, ИМ). Әм жи дьхԝазьн ԝәки готьнед мә Йаһоԝарʹа хԝәш бен, чьмки әм ԛимәт дькьн әԝ ԛәдьре кӧ мәрʹа һатийә дайине. Демәк кӧ әм дькарьн дь щьватеда у ԛӧльхкьрьнеда, рʹастийе бежьн. Мәкʹтәба Даннасинкьрьне әв йәк жь ԝан мәщала йә, бь сайа кʹижани кӧ Йаһоԝа сәва ԛӧльхкьрьне мә һин дькә у һазьр дькә. Әв һинкьрьн, һәр һʹәфти нав тʹәмамийа дьнйайеда ԝәкә 111 000 щьватада зедәтьр, дәрбаз дьбә. Әв һинкьрьн, аликʹари да хушк-бьред жь тʹәмамийа дьнйайе у жь щурʹә-щурʹә мьләта, ԝәки әԝана бьбьнә даннасинкʹаред щерʹьбанди, у бькарьбьн бь баԝәрбуне, тактик у мерхаси мәрийа һин кьн (Кʹар. Шанд. 19:8; Колс. 4:6).
2 Дь бәрнама мәкʹтәбеда йа сала 2015, ԝе бенә һьлдане тʹемед жь буклета «Чь Әм Дькарьн Һин бьн жь Хәбәра Хԝәде?» (igԝ), «Тʹемед Кʹьтеба Пироз сәва Хәбәрдане» (td), у «Сәрһатийед Кʹьтеба Пироз» (my). Хенщи ԝе йәке һьнә гӧһастьн һатьнә кьрьне дь ԝи ԝәʹдәйида, йе кӧ сәва фькьред бьжарти жь Кʹьтеба Пироз дьһатә дайине, у ӧса жи гӧһастьн дь дәрса № 1-да һәнә. Дәрһәԛа ԝан гӧһастьна, у рʹебәрийе кӧ чаԝа пʹаред жь мәкʹтәбе гәрәке бенә дәрбазкьрьне, жере те шьровәкьрьне.
3 Фькьред Жьбарти жь Кʹьтеба Пироз: Әԝ бьред кӧ ве дәрсе дьстиньн, гәрәке нава дӧ дәԛада шеԝьр бькьн дәрһәԛа рʹезәки керһати жь Кʹьтеба Пироз, йа кӧ ль ве һʹәфтийе гәрәке бьхуньн. Һазьрбуна баш ԝе аликʹарийе бьдә, сәва кӧ ԝәʹде кʹьфшкьрида, бькарьбьн фькьред ԛимәт дәрбази щьвате бькьн. Хенщи ԝе йәке, щьватерʹа 6 дәԛә те дайине, сәва кӧ әԝана нава 30 сәнийада йан һе кем, щаба хԝә бьдьн у бежьн кӧ чь тьштед һʹәԝас ԝана сәва хԝә дит ԝәʹде хԝәндьна Кʹьтеба Пирозә ль ве һʹәфтийе. Сәва кӧ әм бькарьбьн щабед керһати нава 30 сәнийада бьдьн, лазьм ә хԝә пешда һазьр кьн у дьшьрмиш бьн. У әв йәк һинкьрьнәкә баш ә сәва мә. Әв ӧса жи мәщале дьдә йед дьнена, ԝәки щаба хԝә бьдьн у бежьн әԝ фькьред һʹәԝас, кӧ ԝана ԝәʹде леколинкьрьна хԝә дит.
4 Дәрса № 1: Әԝ ԝәʹде кӧ сәва хԝәндьна Кʹьтеба Пироз дьһатә дайине, кем бу сәр се дәԛә йан һе кем у рʹезед сәва хԝандьне жи кем бун. Әԝед кӧ әве дәрса хԝәндьне бьстиньн, гәрәке чәнд щәра бь дәнге бьльнд хԝәрʹа бьхуньн у рʹьнд дина хԝә бьдьнә сәр готьна хәбәра, кӧ бькарьбьн һеса бьхуньн у фькьра бь фәʹмдари дәрбаз кьн. Һәр ԛӧльхкʹарәки Йаһоԝа, гәрәке жь алийе хԝәда һʹәму тьшти бькә кӧ бькарьбә рʹьнд хԝәндьне бьзаньбә, чьмки хԝәндьн жи әв ролакә фәрз ә дь ԛӧльхкьрьна мәда. Әм чьԛаси ша нә, кӧ гәләка жь зарʹед мә, хԝәндьне рʹьнд заньн. Ләма жи де-бав һежайи пʹайидайине нә, чьмки әԝана бь һʹьзкьрьн ԛәԝате дьданә хәбате, сәва кӧ али зарʹед хԝә бькьн бьбьнә хԝәндәкʹаред баш.
5 Дәрса № 2: Әв дәрса хушка нә, йа кӧ нава пенщ дәԛада гәрәке бе дәрбазкьрьне. Хушк гәрәке әԝе тʹеме һазьр кьн, кʹижан кӧ ԝанарʹа кʹьфшкьри йә. Чахе әв дәрс ль сәр һʹиме ԝе буклете йә, «Чь Әм Дькарьн Һин бьн жь Хәбәра Хԝәде?», хушк гәрәке әве тʹемайе тʹәви щурʹәк жь даннасинкьрьне тʹәвгьредә, сәва кӧ әԝ бь реалистик у керһати бә сәва мьһала ԝан. Ле чахе дәрс ль сәр һʹиме «Сәрһатийед Кʹьтеба Пироз ә» (my), һьнге хушк гәрәке рʹезед лайиԛ сәва тʹема хԝә бьжберә у нишан кә кӧ чь әм дькарьн жь мәсәла Кʹьтеба Пироз һин бьн. Сәва тʹема хԝә дькарьн рʹезед зедә жи бьдьнә хәбате, йед кӧ ве тʹемайева ԝе гьредайи бьн. Бәрпьрсийаре мәкʹтәбе, хушкәкә дьн ча аликʹарчи ԝе кʹьфш кә.
6 Дәрса № 3: Әв дәрса пенщ дәԛә, ԝе бе дайине йан хушкарʹа йан жи бьрарʹа. Чахе әв дәрс хушк дьстиньн, һьнге әԝ гәрәке ӧса бе һазьркьрьне, чаԝа кӧ Дәрса № 2-да те готьне. Һәрге әв дәрс бьра дьстинә, у әв ль сәр һʹиме «Тʹемед Кʹьтеба Пироз сәва Хәбәрдане» йә (td), йан жи «Сәрһатийед Кʹьтеба Пироз» (my), әԝ гәрәке тʹема хԝә ча готаре һазьр кә. Әԝед кӧ әве дәрсе дьстиньн, гәрәке тʹема хԝә зәлал кьн, рʹезед лайиԛ жь Кʹьтеба Пироз бьжберьн у бьдьнә хәбате, ӧса жи нишан кьн ԝәки чь әм дькарьн жь сәрһатийед Кʹьтеба Пироз һин бьн.
7 Гӧһастьна Тʹәзә дь Дәрса № 3-да, сәва Бьра: Чахе әв дәрс ԝе ль сәр һʹиме ве буклете бә, «Чь Әм Дькарьн Һин бьн жь Хәбәра Хԝәде?» (igԝ), һьнге әв гәрәке бь тʹәмаше нишан кьн, дәрәща ӧсада: ԛӧльхкьрьна тʹәви малбәте йан жи даннасинкьрьн. Бәрпьрсийаре мәкʹтәбе сәва ве дәрсе ԝе кьфш кә аликʹарчийа, у дәрәща кӧ гәрәке бьдьнә хәбате. Аликʹарчийед ԝи бьрайи кʹижан кӧ әв дәрс һазьр дькә, гәрәке нәфәред мала ԝи бьн, йан жи бьраки жь щьвате. Рʹезед зедә жь Кʹьтеба Пироз кӧ ве тʹемайева гьредайи нә, дькарьн бенә хәбьтандьне. Щар-щара әв дәрс дькарә рʹуспийарʹа жи бе кʹьфшкьрьне. Ԝи чахи әв рʹуспи хԝәха дькарә бьжберә аликʹарчийа у дәрәщә. Бь рʹастийе жи әв һеланкьрьнәкә мәзьн бә сәва щьвате, кӧ бьвиньн ԝәки чаԝа рʹуспи һин дькьн нәфәред мале, йан бьред дьн.
8 Ширәт: Бәрпьрсийаре мәкʹтәбе ԝе дӧ дәԛа бьдә хәбате, сәва кӧ паши һәр дәркʹәтьна хушк-бьра пʹайе ԝан бьдә у ӧса жи ширәтед фькьранди ль сәр һʹиме кʹьтеба «Мәкʹтәба Даннасинкьрьне». Чахе бәрпьрсийаре мәкʹтәбе әʹлам дькә дәрһәԛа дәркʹәтьна хушк-бьра, әԝ пешда гәрәке нәбежә кӧ ль сәр кʹижан дәрсе әԝана дьхәбьтьн. Ле паши дәркʹәтьна ԝан, бәрпьсийаре мәкʹтәбе гәрәке бь һʹәлали пʹайе ԝан бьдә, әʹлам кә ԝәки ль сәр кʹижан дәрсе әԝ хәбьтинә. Ӧса жи гәрәке дина хԝә бьде, кӧ чьма щәм ԝана рʹьнд дәркʹәт әв дәрс, йан жи бь нәрми шьровәкә ԝәки чьрʹа фәрз у керһати йә, кӧ шагьрт дина хԝә бьдьнә ве дәрсе.
9 Навнишана дәрса, дь ве кʹьтебеда дькарьн бьвиньн «Мәкʹтәба Даннасинкьрьне» ль сәр рʹупʹела 79-81 (ru). Чахе хушк йан бьра дәрса хԝә хьлаз кьн, һьнге паше щьвате йан жи ԝәʹдәки дьн, бәрпьрсийаре мәкʹтәбе, дь кʹьтеба ԝанда гәрәке бь ԛәләме кʹьфшкьрьна бькә у башԛә бьпьрсә, ԝәки шагьрт һазьр кьр әԝ дәрса кӧ кʹотасийа ԝи сәрида нә, чь кӧ ԝирʹа һатьбу кʹьфшкьрьне. Ӧса жи әԝ дькарә башԛә пʹайи у ширәтед керһати бьдә ԝи. Чахе хушк йан бьра ширәтәке дьстиньн йа кӧ мәкʹтәбева у дәрса ԝива гьредайи йә, һьнге әв йәк гәрәке һʹәсаб кә ча мәщала кӧ ԝе али ԝи бькә рʹӧһʹанида пешда һәрʹә (1 Тимтʹ. 4:15).
10 Һәрге хушк йан бьра ԝәʹде дәркʹәтьна хԝә дьреж дькьн, һьнге бәрпьрсийаре мәкʹтәбе йан жи аликʹарчи, гәрәке бь зәнгьле, йан жи бь тьштәки дьн, ԝана бь нәрми бьдьнә сәкьнандьне. Әԝ хушк йан бьра кӧ дәрсе чедькьн, ԝәʹде зәнгьле гәрәке фәʹм бькьн кӧ әв те һʹәсабе ԝәки әԝана гәрәке щьмлед хԝә хьлаз кьн, у жь сене пәйа бьн. Бьньһерʹә кʹьтеба «Мәкʹтәба Даннасинкьрьне», рʹупʹ. 282, абз. 4 (ru).
11 Сәва кӧ дь Мәкʹтәба Даннасинкьрьнеда бь дәрса дәркʹәвьн, лазьм ә һьнә дәʹԝакьрьна бьԛәдиньн. У әм һʹәмушка һелан дькьн кӧ дь ве йәкеда кʹар бькьн. (Бьньһерʹә кʹьтеба «Мәкʹтәба Даннасинкьрьне», рʹупʹ. 282, абз. 6 (ru).) Әв һинкьрьна кӧ дь ве мәкʹтәбеда дьстиньн, аликʹарийе дьдә щьмәʹта Йаһоԝа, сәва кӧ мьзгинийа хере дәрһәԛа Пʹадшатийе, мәрийарʹа даннасин кьн у бь баԝәрбуне, тактик, у һʹьзкьрьне һин кьн. Бь рʹастийе жи Йаһоԝа һежайи йә, ԝәки һәр кәсе кӧ кʹаре дьстиньн жь мәкʹтәба даннасинкьрьне, ԝи һӧрмәт-рʹумәт кьн! (Зәб. 148:12, 13; Иша. 50:4).
[Чаргошә сәр Рʹупʹела 5]
Ԛәбул кә у бьдә хәбате ширәта, кӧ бькарьби пешда һәрʹи