Пешдачуйин дь Ԛӧльхкьрьнеда

Ԝәʹде кампанийе дь мәһа Тʹәбахеда йа сала 2014, гәләк хушк-бьред мә ԛӧльхкьрьна хԝә зедә кьрьн. Дь Гӧрщьстанеда, ԝәкә 4 866 ԛӧльхкʹар, ча пешәнгед кʹомәкдар ԛӧльх дькьрьн, ле дь Азәрбайщанеда 353. Демәк әв те һʹәсабе, ԝәки дь ве мәһеда 42.5% ԛӧльхкʹар дь Гӧрщьстанеда ча пешәнг ԛӧльх кьрьн, у дь Азәрбайщанеда жи 52.8%.

Ԝәʹде сала Хьзмәтийейә 2014 дь Гӧрщьстанеда у Азәрбайщанеда 23 щьватед мәзьнә серʹожи дәрбаз бун. Ль сәр ве сьфра рʹӧһʹани, йа кӧ Йаһоԝа һазьр кьрийә, ԝәкә 21 925 мәрьв тʹоп бун, у 402 жи һатьнә ньхӧмандьне. Бьре Лиош жь Кʹома Рʹебәрийе һатьбу ль сәр щьвата мәзьнә Азәрбайщани, йа кӧ дь Тʹьлбиседа дәрбаз бу. Ль сәр ве щьвате әԝи әʹлам кьр, дәрһәԛа дәрхьстьна Кʹьтеба Пироз, «Ԝәлгәрʹандьна Дьнйа Тʹәзә» йа ль сәр зьмане Азәрбайщани. Рʹаст ә щьвата мәзьнә Азәрбайщани дь Тʹьлбиседа дәрбаз бу, ле транслатьсийа ӧса жи ль Бакʹӧ у Московайеда бу. Бь тʹәмами 1 803 мәрьв гӧһе хԝә данә бәрнаме.