Һин бә ԝәки дь Ԛӧльхкьрьнеда Һе Щерʹьбанди би; Шәʹдәтикьрьн ль Щийед кӧ Домофон Һәнә

Әв Йәк Чьрʹа Фәрз ә: Дьбәкә ль һьнә щийа кʹидәре кӧ әме даннасин бькьн, домофон һәбьн. Шәʹдәтикьрьн ль щийед кӧ домофон һәнә, дькарә тьрс бькә сәр мә. Ле ча әм дькарьн тьрса хԝә бьдьнә алики, йа кӧ дькарә хирәта мә дь ԛӧльхкьрьнеда бьтәмьринә? Бира хԝәда хԝәй кә, ԝәки шәʹдәтикьрьн ль щийед кӧ домофон һәнә, мәщаләкә баш дьдә кӧ мьзгинийа хере бьгьһиньнә дьле мәрийа (Рʹом. 10:14). Ԛәԝьмандьн дьдьнә кʹьфше, ԝәки шәʹдәтикьрьна бь хирәт, ви щурʹәйи те кьрьне. (Бьньһерʹә кʹьтеба «Һәрсали» сала 2011, рʹупʹелед 65-66, у кʹьтеба «Һәрсали» сала 2000, рʹупʹела 54, абз. 3 (ru).) Дина хԝә бьдә ширәтед жере кʹьфшкьри.

Чаԝа Бькьн:

• Пешанина кьн һазьр кә, у хԝәрʹа бьньвисә кӧ бькарьби перʹа-перʹа хԝәйе малерʹа бәр домофоне бьхуни. Әв йәк дькарә тә бьшьдинә. Пешийе нета һатьна хԝә шьровәкә. Наве хԝәйе мале бьдә хәбате, һәрге нав ль сәр домофоне ньвисар ә. Хьлазийе, хԝәйе малерʹа бежә кӧ дьхԝази ԝирʹа бьди бәлавок йан журнале (йан дькари бәр дәре хԝәйе мале бьһели), кʹидәре кӧ һе зедә әʹламәти ԝе һәбә.

• Ньһерʹандьна позитив хԝәй кә. Һәрге тӧ тʹәви хԝәйе мале рʹу бь рʹу хәбәр дьди, бьра бәшәра тә хԝәш бә у жеста жи бьдә хәбате

• Сәрбәст бә у хԝә кәр нәкә. Хәбәрдана тә бьра фәʹмдари у мәʹрифәт бә. Паузед нәлазьм нәкә, у ләзә-ләз хәбәр нәдә.

• Сәрԝахт бә. Дь авайед мәзьнда дькарьн гәләк домофон һәбьн. Тӧ дькари сафи ки чьԛас мәрийарʹа зәнгьле хи у бь домофоне хәбәр ди. Ӧса жи хԝәрʹа кʹьфш кә, ԝәки тә кʹерʹа зәнгьле хьст. Һәрге әм гәләк ԝәʹдә ль ԝьр сәкьнинә, сәва кӧ тʹәмамарʹа зәнгьле хьн, һьнге хԝәйед мале дькарьн бькʹәвьнә бьн шьке, һәла әм чьма һаԛас ԝәхт ль ԝьр ьн.

Әве Йәке ве Мәһеда Бьдә Хәбате:

• Ԝәʹде ԛӧльхкьрьна тʹәви малбәте, әве йәке бь тʹәмаше нишан кә. Мәрьвед кӧ ԝе тʹәмашеда кʹар дькьн, гәрәке ӧса рʹунен ԝәки һәв нәньһерʹьн кӧ те бежи бь домофоне һәврʹа хәбәр дьдьн.