Щурʹәк жь Пешанине

Бона Кампанийа Евара Биранине

«Әм мәрийа тʹәглиф дькьн ль сәр ԛәԝьмандьнәкә фәрз. 3 Нисане бь милйона мәрьв ль тʹәмамийа дьнйайеда, ԝе тʹоп бьн сәва кӧ биньнә бира хԝә мьрьна Иса Мәсиһ у гӧһ бьдьнә готара ль сәр һʹиме Кʹьтеба Пироз, ԝәки ча мьрьна Иса дькарә кʹаре мәрʹа бинә. Дь ве тʹәглифкьрьнеда кʹьфш кьрийә ԝәʹдә у щийе дәрбазкьрьна ве ԛәԝьмандьне, йа кӧ ԝе мьһала мәда бә».

Пешийе чаԝа кӧ бь әʹдәт лазьм ә хԝәйе мале сьлав кә. Паше жи дькари ӧса бежи: «Дьбәкә дь телевизореда ԝә дитийә, кӧ ван пашԝәхтийа гәләк мәрьв дь шәрʹада тенә кӧштьне. Бьдьн бәр чʹәʹве хԝә ԝәки дь телевизореда ԝә дәнг у бәс бьһистьн кӧ: ‹Ль сәр тʹәмамийа әʹрде ньһа әʹдьлайи у рʹьһʹәти йә› (Ишайа 14:7). Ԝәйе чь ль сәр хԝә тʹәхмин кьра?» [Һивийе бә бьра щаба хԝә бьдә]. Паше тӧ дькари вәки брошура «Гӧһ Бьдә Хԝәде», ль сәр рʹупʹела 20, 21 у шеԝьр бьки абзасәке жь ван рʹупʹела. Хьлазийе дькари бьхуни 2 Пәтрус 3:7 у ӧса бежи: «Хԝәде соз дьдә ԝәки мәрьвед нәһәԛ ԝе бенә ԛьркьрьне. Щарәкә майин әме хәбәр дьн, ԝәки Хԝәде чь соз диса дьдә мәрийа».

БЬРЩА ԚӘРӘԜЬЛИЙЕ® 1 АДАРЕb

«3 Нисане әм дәрбаз дькьн щәжьна Евара мьрьна Иса Мәсиһ. Ча һун дьшьрмиш дьбьн, мьрьн у сахкьрьна Иса чь кʹаре мәрʹа тинә? [Һивийе бә бьра щаба хԝә бьдә.] Дина хԝә бьдьне Хәбәра Хԝәде дәрһәԛа ве йәке чь дьбежә. [Бьхунә 1 Корьнтʹи 15:22, 26.] Дь ве журналеда те шеԝьркьрьне, ԝәки бь сайа ԛӧрбанбуна Иса, ль ахьрийе кʹәрәмәкә ӧса һивийа мә йә, ԝәки тʹӧ кәсе ль сәр әʹрде, ԝе ида нәмьрьн».