Һин бә ԝәки дь Ԛӧльхкьрьнеда Һе Щерʹьбанди би; Дәстпедькьн Һинкьрьна Кʹьтеба Пирозә бәр Дәри, бь Брошура «Мьзгинийа Хԝәде сәва Мәрийа»
Әв Йәк Чьрʹа Фәрз ә: Сәва кӧ мәрийа бькьнә шагьрт, әм гәрәке бьбьнә дәрсдаред Хәбәра Хԝәде (Мәт. 28:19, 20). Һәр кәс жь мә дькарә бь хирәт рʹастийе һин кә, һәрге бьдә хәбате һʹәщатед кӧ мәрʹа һатьнә дайине. Брошура «Мьзгинийа Хԝәде сәва Мәрийа», һатийә һазьркьрьне сәва кӧ али мә бькә мәрийа рʹастийе һин кьн. Ләма жи әм дькарьн әве брошуре бьдьнә хәбате ԝәʹде сәрледана хԝәйә пешьн, сәва кӧ тʹәви хԝәйе мале дәстпекьн һинкьрьна Кʹьтеба Пирозә бәр дәри.
Әве Йәке ве Мәһеда Бьдә Хәбате:
Дӧа бькә кӧ хԝәстьна тә һәбә тʹәви кәсәки һинкьрьне дәрбаз ки. Ӧса жи лавайа Йаһоԝа бькә кӧ али тә бькә дәстпеки һинкьрьна Кʹьтеба Пироз, у бьби дәрсдаре хирәт (Фили. 2:13).
Ԝәʹде ԛӧльхкьрьна тʹәви малбәте йан жи ԝәʹде һинбуна шәхси, чәнд дәԛә вәԛәтинә сәва кӧ пешанине бь әзбәри һин би. Ӧса тӧйе бькарьби бь баԝәри хәбәрди у дәстпеки һинкьрьна Кʹьтеба Пирозә бәр дәри.