Һин Дькьн бь Брошура «Мьзгинийа Хԝәде сәва Мәрийа»
1. Брошура «Мьзгинийа Хԝәде сәва Мәрийа», чь щурʹәйи һатийә һазьркьрьне?
1 Чаԝа дь «Ԛӧльхкьрьна Мәйә Пʹадшатийеда» йа мәһа Тирмәһе, һатьбу готьне, кӧ һащәта фәрз йа кӧ щәм мә һәйә, әԝ һәйә брошура «Мьзгинийа Хԝәде сәва Мәрийа». Рʹезед кӧ тенә дайине найенә ԝәкʹьландьне, сәва кӧ хԝәйе мале хԝәха бькарьбә жь Кʹьтеба Пироз бьньһерʹә у һин бә. Гәләк әʹдәбйәтед мә бь ԝи щурʹәйи һатьнә һазьркьрьне, сәва кӧ хԝандәван хԝәха бькарьбә жь Кʹьтеба Пироз пебьһʹәсә. Ле әв брошур ӧса һатийә һазьркьрьне, кӧ тʹәви хԝандәвана шеԝьр кә. Хенщи ԝе йәке чахе әм әве брошуре кәсәкирʹа дьһельн, әм гәрәке бьхәбьтьн кӧ хԝәйе малерʹа нишан кьн кӧ ча һинкьрьн дәрбаз дьбә. Бь ԝе йәке мәрьв ԝе бьвинә кӧ чьԛас һʹәԝас ә мьзгинийа хере жь Кʹьтеба Пироз пебьһʹәсьн (Мәт. 13:44).
2. Чаԝа әм дькарьн әве брошуре ԝәʹде сәрледана пешьн, бьдьнә хәбате?
2 Сәрледана Пешьн: Тӧ дькари ӧса бежи: «Иро гәләк мәрьв жь бо һʹале дьнйайе бәрхԝәдькʹәвьн. Ча һун дьфькьрьн, һʹале дьнйайе ԝе алийе башда бе гӧһастьне? [Һивийе бә кӧ щаба хԝә бьдә.] Дь Кʹьтеба Пирозда мьзгинийа хере һәйә, йа кӧ гӧмане дьдә мә. Ль ԝьр һьнә пьрс һәнә, щаба кʹижана кӧ Кʹьтеба Пироз дьдә». Брошуре бьдә хԝәйе мале, у бежә ԝи кӧ жь рʹупʹела пашьн пьрсәке бьжберә. Паше нишан кә кӧ чаԝа һинкьрьн дәрбаз дьбә, у бьдә хәбате абзаса пешьн жь дәрса кӧ әԝи бьжарт. Дәрәща дьн: Дькари хԝәйе малерʹа пьрсәки бьди жь ԝе дәрсе, йа кӧ тә пешда бьжарт, у паше нишан кә кӧ чаԝа әв брошур дькарә али ԝи бькә щаба Кʹьтеба Пироз бьвинә.
3. Шьровәкә, кӧ чаԝа дькарьн һинкьрьне дәрбаз кьн пе брошура «Мьзгинийа Хԝәде сәва Мәрийа».
3 Дәрбазкьрьна Һинкьрьне: (1) Бьхунә пьрса кӧ бь һәрфен рʹәш ньвисийә, сәва кӧ али хԝәйе мале бьки дина хԝә бьдә фькьрен фәрз. (2) Бьхунә абзаса кӧ паши пьрсе те дайине. (3) Бьхунә рʹезед, бәр кʹижана кӧ ньвисар ә «бьхунә» у бьдә хәбате пьрсед тактик кӧ али хԝәйе мале бьки, бьвинә кӧ чаԝа әԝ рʹез щаба пьрса кʹьфшкьри дьдә. (4) Һәрге пәйра диса абзасәк те дайине, ӧса бькә чаԝа кӧ жоре, гава 2 у 3-да һатийә готьне. (5) Паши шеԝьркьрьне диса әԝе пьрсе бьдә хԝәйе мале кӧ избат би һәла әԝ фәʹм дькә йан на. Һәрге тә ида чәнд щара ԝи мәрьвирʹа сәрледан кьрийә, демәк әԝ те һʹәсабе һинкьрьна Кʹьтеба Пироз. Паше тӧ дькари дәрбаз би сәр кʹьтеба «Чь Һин Дькә Кʹьтеба Пироз?», йан жи бь ԝе брошуре бәрдәԝам кә, һʹәта кӧ хьлаз нәки.
4. Чь ԝе али мә бькә әве һащәта ԛимәт, рʹаст бьдьнә хәбате?
4 Сәва кӧ әве һащәта ԛимәт рʹьнд бьзаньби, хԝәрʹа пешда леколин бькә. Һәр дәрәщәкә лайиԛда әԝе бьдә хәбате. Пешийа һинбуне, һәргав дәрһәԛа шагьрте хԝә бьфькьрә у ӧса жи кӧ чаԝа дькари һе рʹьнд шеԝьр ки бь сайа рʹезед дәрсе (Мәтʹлк. 15:28; Кʹар. Шанд. 17:2, 3). Чахе тӧ һеди-һеди дьби йәки щерʹьбанди, те фәʹм бьки кӧ әв брошур һащәтәкә лапә ԛимәт ә сәва тә, кӧ бькарьби рʹастийе мәрийа һин ки!