Һин бә ԝәки дь Ԛӧльхкьрьнеда Һе Щерʹьбанди би; Шагьрта Һин кә, кӧ Рʹьнд Хԝә сәва Һинбуне Һазьр кьн
Әв Йәк Чьрʹа Фәрз ә: Сәва кӧ шагьрт рʹӧһʹанида ԛәԝи бә, әԝ гәрәке һьш-аԛьл у дьле хԝә тʹьжә кә бь гәләк һинкьрьнед сәрәкә жь Хәбәра Хԝәде (Ибрн. 5:12-6:1). Сәва һинбуне лазьм ә ԛәԝате бьдьнә хәбате. Әв те һʹәсабе кӧ әԝ информасийона тʹәзә кӧ әм педьһʹәсьн, гәрәке йед дьненарʹа гьли кьн у ԛимәта ԝе бьзаньбьн (Мәтʹлк. 2:1-6). Чахе шагьрт һин дьбә хԝәха леколине бькә, әв йәк али ԝи дькә кӧ ль сәр һʹиме әʹдәбйәтед мә, щабед хԝә бьдә. Хенщи ԝе йәке чахе әԝ дьхәбьтә кӧ бьдә хәбате әԝ тьштед кӧ һин дьбә, бь ԝе йәке әԝ дькарә щерʹьбандьнада ԛәԝи бьсәкьнә (Луԛа 6:47, 48).
Әԝе Йәке ве Мәһеда Бьдә Хәбате:
Кʹӧтасийа сәри йан бьнсәрийе, бежә шагьрт кӧ бь гьлийе хԝә кьн бежә әԝ фькьред фәрз, чь кӧ әԝ ԝәʹде һинбуне пеһʹәсийа. Һәрге шагьрте тә тʹӧнә, һьнге тӧ дькари хԝәха ԝәʹде хԝәндьна Кʹьтеба Пироз йан «Бьрща Ԛәрәԝьлийе», хԝәрʹа бьԝәкʹьлини фькьред фәрз, сәва кӧ фәрәсәтед хԝәйә фәʹмкьрьне һе баш ки.