Ԛәԝата Хәбәра Хԝәде ль сәр Жийина Тәйә Һәр Рʹожи Һʹӧкӧм Дькә?

Хԝәндьна Кʹьтеба Пирозә һәр рʹожи али мә дькә «баԝәрийеда шьдийайи һʹимгьрти бьн» (Колс. 2:6, 7). Сәва кӧ ԛәԝата Хәбәра Йаһоԝа ль сәр жийина мә һʹӧкӧм кә, әм гәрәке кʹур бьфькьрьн дәрһәԛа принсипа у ԝана бьԛәдиньн (Ибрн. 4:12; Аԛуб 1:22-25). Кʹьтеба Йешу 1:8 мәрʹа нишан дькә се гавед керһати, чь кӧ әм дькарьн ԝәʹде хԝәндьне бьдьнә хәбате: (1) Хәбәра Хԝәде «шәв у рʹож» бьхунә. (2) Нивдәнги бьхунә, әв те һʹәсабе ӧса бьхуни кӧ бьфькьри у бьди бәр чʹәʹве хԝә һʹәму сәрһати у ԛәԝьмандьнед кӧ дьхуни. (3) Бь дьл у щан бьдә хәбате һʹәму тьштед кӧ теда ньвисар ьн. Һәрге әм әван ширәта бьдьнә хәбате, әԝе али мә бькә кö жийина хԝәйә һәр рʹожида «сәрфьраз» бьн у рʹаст хԝә кʹьфш кьн.