Аудио Ньвисандьна, Чаԝа Бьдьнә Хәбате
1. Хенщи әʹдәбйәтед нәшьркьри, диса чь тьштед керһати щәм мә һәнә?
1 Гәләка хԝәш те бьдьнә хәбате jԝ.org сәва кӧ готьнед рʹастийе йә хԝәш у рʹаст, бьхуньн (Ԝаиз 12:10). Ле һун дьдьнә хәбате аудио ньвисандьна? Бь сайа ԝе йәке әм дькарьн гәләк информасийона кӧ дь малпәра мәда һәйә, бьхуньн. Чаԝа аудио ньвисандьн дькарьн мәрʹа керһати бьн?
2. Чаԝа әм дькарьн бона һинбуна шәхси у һинбуна малбәте, аудио ньвисандьна бьдьнә хәбате?
2 Бона Һинбуна Шәхси у Һинбуна Малбәте: Чахе әм дәрдькʹәвьн рʹеԝитийе йан шьхӧле хԝәйә һәр рʹожива мьжул дьбьн, әм дькарьн гӧһ бьдьнә аудио ньвисандьне йе Кʹьтеба Пироз, журнала, йан әʹдәбйәтед дьн. Әв йәк дькарә али мә бькә сәва кӧ ԝәʹде хԝә һе баш бьдьнә хәбате (Әфәс. 5:15, 16). Ԝәʹде ԛӧльхкьрьна хԝәйә тʹәви малбәте әм дькарьн нә кӧ тʹәне жь әʹдәбйәте нәшеркьри бьхуньн, ле ӧса жи бьбьһен аудио ньвисандьне йа ԝе тʹемайе кӧ әм дәрбаз дьбьн. Бь ве йәке хьзмәта мә һʹәԝас дьбә. Хенщи ԝе йәке, әм дькарьн аудио ньвисандьна ԝәʹде һинбуна Кʹьтеба Пирозә шәхси жи бьдьнә хәбате. Әԝе аликʹарийа мә бькә хут ԝи чахи гава әм дьхԝазьн хԝәндьна хԝә һе баш кьн йан чахе кӧ зьман һин дьбьн.
3. Кʹи дь мьһала мәда дькарә кʹаре бьстинә жь аудио ньвисандьна?
3 Сәва Хьзмәткьрьне: Мәрьвед мьһала мә дькарьн бежьн кӧ ԝәʹде ԝан тʹӧнә әʹдәбйәта бьхуньн, ле дьԛәԝьмә әԝана ԝе ԛайил бьн гӧһ бьдьнә аудио ньвисандьна. Йан дьԛәԝьмә әме рʹасти ԝан мәрийа бен, йед кӧ ль сәр зьмане дьн хәбәр дьдьн, у йед кӧ һе һазьр ьн мьзгинийа Пʹадшатийе, ль сәр зьмане хԝә бьбьһен (Кʹар. Шанд. 2:6-8). Һьнә културада кӧ гӧһ бьди кәсәки, әв тьштәкә фәрз ә. Мәсәлә, култура Һмонгда мәрьв тʹәрихийа хԝә тʹьме бь зар-зьмане хԝә, дәрбази щаһьла дькьн. У әԝ щаһьл рʹьнд бира хԝәда хԝәй дькьн әʹламәтийа кӧ әԝана дьбьһен. Хенщи ԝе йәке, дь гәләк култура Африкайеда жи, мәрьв ләзәт дьстиньн чахе тьштәки педьһʹәсьн дәрһәԛа сәрһатийа кӧ ԝанарʹа гьли дькьн.
4. Әм чь пьрс дькарьн бьдьнә хԝә, сәва кӧ аликʹарийе бьдьнә мәрьвед мьһала хԝә?
4 Дь мьһала ԝәда ԝе керһати бә, һәрге кәсәкирʹа аудио ньвисандьне ль сәр зьмане ԝи вехьн? Дьԛәԝьмә кӧ кәсәк кʹаре бьстинә жь аудио әʹдәбйәте, кӧ әм бь ә-нәʹма ԝирʹа дьшиньн? Әм дькарьн аудио ньвисандьне ль сәр CD бьдьнә кʹьшандьне, сәва кӧ бьдьнә хԝәйе мале, у сәрда жи әʹдәбйәта нәшьркьри? Һәр кʹьтебәкә әләктроне, брошур, журнал, йан бәлавок, йа кӧ әм кәсәкирʹа ԝәʹде хьзмәткьрьне дьдьн, әм дькарьн һʹәсабед бәлакьрьнеда кʹьфш кьн. Аудио ньвисандьн сәва мә һатьнә сазкьрьне, кӧ һинбуна хԝәйә шәхсида әм бьдьнә хәбате у ӧса жи кӧ бькарьбьн дачʹкиньн тʹохьмед рʹастийе йа Пʹадшатийе (1 Корн. 3:6).