Дь Хьзмәтеда Һе Щерʹьбанди Бә—Дьгьһижнә Дьла бь Кʹьтеба «Хwә нава Һʹьзкьрьна Хwәдеда Хwәй кьн»

ЧЬМА ӘW ЙӘК ФӘРЗ Ә: Мәрьв гәрәке дәрһәqа нормед Йаһоwа пебьһʹәсьн у ль гора ван бьжин, сәва кö бькарьбьн Хwәде öса бьһʹәбиньн кö wи хwәш бе (Иш. 2:3, 4). Кʹьтеба «Һʹьзкьрьна Хwәде», кʹьтеба дöда йә сәва кö һинкьрьне дәрбаз кьн. Әв кʹьтеб али шагьрт дькә кö тедәрхә wәки чаwа принсипед Хwәде, жийина һәр рʹожива тʹәвгьредайи нә (Ибр. 5:14). Әм гәрәке бьхәбьтьн, сәва кö бьгьһиньн дьле мәрийа чахе wана һин дькьн. Демәк әм гәрәке öса һин кьн, кö әwана хwәха бьхwазьн бенә гöһастьне у ньһерʹандьна рʹаст һьндава ве йәкеда жи хwәй кьн (Рʹм. 6:17).

ЧА ӘВЕ ЙӘКЕ БЬКЬН:

• Хwә рʹьнд һазьр кә, у һʹәwщед шагьрте хwә тʹьме бира хwәда хwәй кә. Һьнә пьрса һазьр кә йед кö фькьред сәрәкәва гьредайи нә, у чь кö wе али тә бькьн тедәрхи фькьред шагьрт дәрһәqа тʹемайе у һәстед wи (Мтʹл. 20:5; be 259 (ru).)

• Бьдә хәбате wан чаргошә, йед кö дь ве кʹьтебеда һәнә, бь сайа чь жи шагьрт wе бьвинә, кö хәбьтандьна принсипед Кʹьтеба Пироз чьqас кʹар ә

• Дәwса шагьрт сафикьрьна нәкә, ле али wи бькә кö ль сәр һʹиме исафа хwә бькарьбә шеwьр кә (Гл. 6:5)

• Һәрге тә дит кö шагьртрʹа аликʹари лазьм ә, али wи бькә кö әw принсипед Кʹьтеба Пироз бьдә хәбате. Бь qәнщи әw һелан кә, wәки ль сәр һʹиме һʹьзкьрьна хwә һьндава Йаһоwада, бькарьбә жийина хwәда гöһастьна бькә (Мтʹл. 27:11; Йн. 14:31)