Пешийе Һәрʹә Бьре Хwәрʹа ль һәв Wәрʹә; Чаwа?

Бьдә һʹәсабе хwә тö дь Щәлиледа дьмини wәʹде Иса. Тö дьчи ль Оршәлиме бона Щәжьна Һʹолькчекьрьне. Бажар тʹьжә дьбә бь баwәрмәнда йед кö жь щийед дур тен. Тö дьхwази һʹәдийа хwә пʹешкʹеши Йаһоwа ки. Тö тʹәви хwә карәк һьлдьди у рʹе чедьки. Тö бәрбь һәрема дәрбаз дьби, йед кö бь мәрийа тʹьжә йә кʹижан кö дьчьнә пʹарьстгәһе. Чахе тö дьгьһижи щи, дьвини wәки пʹарьстгәһ тʹьжә буйә бь мәрийа йед кö öса жи мина тә дьхwазьн qöрбанед хwә биньн. Ньһа wәʹде тә гьһишт сәва кö карәк хwә бьди дәсте кʹәшиша. Ньшкева ве дәме дькʹәвә бира тә, wәки дьле бьре тә жь тә майә. У дьqәwьмә әв жи ньһа ве бажaреда нава щьмʹәта тʹопбуйида нә. Иса шьровәдькә, кö чь гәрәке бьки. (Бьхунә Мәтта 5:24.) Чаwа тö у бьре тәйи хәйиди, дькарьн ль һәв бен демәк әʹдьлайе бьгәрʹьн, чаwа кö Иса дьбежә? Һәр чаргошеда кö жере те дайине, бь qәʹләме щаба рʹаст кʹьфш кә.

ТÖ ГӘРӘКЕ . . .

• бьре хwәрʹа тʹәне һьнге хәбәр ди, һәрге дьфькьри кö бь рʹасти мәʹнийа wи һәйә сәр тә бьхәйидә

• һʹәму тьшти бьки, кö ньһерʹандьна бьре хwә рʹаст ки, һәрге дьфькьри wәки әв йәки хәйдок ә у wәки әв жи нәһәq ә

• бь сәбьр гöһ бьди бьре хwә чахе әw хәбәр дьдә, у һәрге тö бь тʹәмами ле фәʹм наки жи, жь дьл бахшандьне бьхwазә кö тә дьле wи ешанд у һәрге әв сәр wи хьраб һʹöкöм кьрьбу

БЬРЕ ТӘ ГӘРӘКЕ . . .

• пьштгьрийа мәрьвед дьн дь щьватеда бьгәрʹә у wанарʹа гьли кә, кö чаwа тә әw да хәйдандьне

• тʹәви тә шәрʹ кә, һур бь һур дәрһәqа шашийа тә гьли кә, у һивийе бә wәки тö әв шаши һьлди сәр хwә

• тедәрхә мьлукти у мерхасийа тә, бь сайа чь жи тә карьбуй незики wи би, у бь дьл әw бьбахшини

Рʹаст ә иро һʹәбандьна хwәда әм һʹәйwана накьнә qöрбан, ле чь һәвгьредан һәйә ортʹа һинкьрьна Иса дәрһәqа әʹдьлайе тʹәви бьре хwә у һʹәбандьна кö Хwәде qәбул дькә?