Пәй Мьн Wәрә; Чь Дькʹәвә Нава ве йәке?

9:62

Сәва кö щоткʹар хәта щот рʹаст бькә, әw гәрәке пьшт хwә наньһерʹйа. Анәгори wе йәке Мәсиһи гәрәке пьшт хwә нәньһерʹйана у дина хwә нәдана тьштед, кö wана дьнйайеда һишт (Флп. 3:13).

Чахе әм рʹасти чәтьнайа тен, һеса йә бьки бира хwә wан рʹожед бәрейә «баш», гава тö һе рʹастийеда нибуйи. У кʹәнге тö һаqас дина хwә дьди аwа готи рʹожед баш, тö ида нькари бьвини wан проблема, кö щәм тә һәбун. Һәма öса Исраели кьрьн, паши wе йәке ча әwана жь Мьсьре дәркʹәтьн (Жм. 11:5, 6). Һәрге әм гәләк щар дәрһәqа wе йәке дьфькьрьн, wи чахи әм һеса дькарьн бькʹәвьн бьн байе wе йәке, кö вәгәрʹьн рʹожед хwәйә бәре. Ләма жи чьqас баш ә һе зедә бьфькьрьн дәрһәqа кʹәрәмед кö ньһа щәм мә һәнә у öса жи шабуна кö бьн сәрwертийа Пʹадшатийа Хwәде, ль ахьрийе әме бьстиньн! (2 Кр. 4:16-18).