Ԝәʹдә Дәрбаз кә Тʹәви Мәрьвед, кӧ Йаһоԝа Һʹьз Дькьн

Чьма әм гәрәке ԝәʹдә дәрбаз кьн тʹәви мәрьвед кӧ Йаһоԝа һʹьз дькьн? Һәвалтийа мә дькарә йан баш йан жи хьраб ль сәр мә һʹӧкӧм кә (Мтʹл. 13:20). Мәсәлә, һʹәта кӧ Йоаш Пʹадша тʹәви Йәһойада Сәроккʹаһин бу, әԝ ль бәр чʹәʹве Йаһоԝа тьштед рʹаст дькьр (2 Др. 24:2). Паши мьрьна Йәһойада, Йоаш жь бо һәвалтийа хьраб жь Йаһоԝа дур кʹәт (2 Др. 24:17-19).

Ԛьрна йәке Д.М.-да, Паԝлосе шанди щьвата Мәсиһийа бәрамбәри маләкә мәзьн кьр у әндәмед щьвате жи бәрамбәри дәрдане кьр. Әме һьнге бьбьнә «дәрданәкә дәрәща бьльнд», һәрге хԝә дур бьгьрьн жь ԝан мәрьвед хԝәйи незик у әндәмед щьвате, кʹижан кӧ тьштед ӧса дькьн чь кӧ Йаһоԝа хԝәш найен (2 Тим. 2:20, 21). Ԝәрен әм һәвалтийе бькьн тʹәви мәрьвед кӧ Йаһоԝа һʹьз дькьн у йед кӧ мә һелан дькьн ԝирʹа һе зедә хьзмәт кьн.

БЬНЬҺЕРʹӘ ВИДЕО «ҺИН БӘ ЖЬ ҺӘВАЛТИЙА ХЬРАБ ХԜӘ ДУР БЬГЬРИ» У ПАШЕ ЩАБА ԜАН ПЬРСА БЬДӘ:

• Жь бо чь бәндә һеди-һеди дькʹәвә бәр байе һәвалтийа хьраб?

• Чаԝа кӧ видеойеда һатә кʹьфше, чь али се Мәсиһийа кьр, ԝәки һәләԛәтийа хԝә тʹәви һәвалед хьраб бьдьнә сәкьнандьне?

• Кʹижан принсипед Кʹьтеба Пироз дькарьн али тә бькьн, бь билани хԝәрʹа һәвала бьвини?