Щаһьлно, Кьред Ԛәнщда Хирәт бьн

Паԝлосе шанди, нәма хԝәйи Титорʹа ньвиси, ԝәки хортед щаһьл, гәрәке бьхәбьтьн кӧ бьбьнә мәсәләки баш (Тит. 2:6, 7). Һьнә ԝәхт шунда дь ве сәрида, Паԝлос дьдә кʹьфше, ԝәки щьмәʹта Йаһоԝа ԝе бе паԛьжкьрьне, кӧ бьбьнә «хирәтк′ешед кьрьнед ԛәнщ» (Тит. 2:14). Йәк жь ԝан кьред ԛәнщ әв һәйә бәлакьрьна мьзгинийе дәрһәԛа Пʹадшатийа Хԝәде у һинкьрьн. Һәрге тӧ щаһьл и, ԝе баш бә ԛәԝата хԝә бьди хәбате, ԝәки пәшәнге кʹомәкдар йан пешәнге һәртʹьм хьзмәт ки (Мтʹл. 20:29).

Һәрге тӧ дьхԝази ԝәк пешәнг хьзмәт ки, дькари нетед реали дайни пешийа хԝә (Лԛ. 14:28-30). Бәʹса хәбәре, те чаԝа әʹбура хԝә бьки, һәрге ԝәк пешәнге һәртʹьм хьзмәт ки? Дӧа бькә кӧ Йаһоԝа али тә бькә (Зб. 37:5). Дәрһәԛа ве нета хԝә, тʹәви де-баве хԝә хәбәр дә, ӧса жи тʹәви әԝед кӧ ида гәләк ԝәхт пешәнг ьн. Паше, ԛәԝате бьдә хәбате кӧ һәрʹи бәрбь нета хԝә. Бешьк Йаһоԝа ԝе хирәта тә хьзмәтеда кʹәрәм кә!

БЬНЬҺЕРʹӘ ВИДЕО «ЩАҺЬЛ, ЙАҺОԜА ҺӦРМӘТ-РʹУМӘТ ДЬКЬН», У ПАШЕ ЩАБА ԜАН ПЬРСА БЬДӘ:

• Һьнәка рʹасти чь чәтьнайа һатьн, кӧ бькарьбьн ча пешәнг хьзмәт кьн, у чаԝа ԝана әве йәке кьр?

• Чь щурʹәйи де-бав дькарьн али зарʹед хԝә бькьн, бьбьнә пешәнгед һәртʹьм?

• Чьма фәрз ә, ԝәки бәрнамәкә баш щәм тә һәбә бона хьзмәте?

• Чь щурʹәйи әндәмед щьвате дькарьн пьштгьрийа пешәнга бькьн?

• Чь кʹәрәма дьстиньн әԝед кӧ пешәнг хьзмәт дькьн?