Һин бә ԝәки дь Хьзмәтеда Һе Щерʹьбанди би; Шәʹдәтикьрьн Корарʹа

ӘВ ЙӘК ЧЬМА ФӘРЗ Ә: Гәләк мәрьвед кор һʹьз накьн тʹәви мәрьвед хәриб хәбәр дьн. Бь рʹасти жи гәрәке ԛәԝате бьдьнә хәбате, сәва кӧ мәрьвед ӧса бьгәрʹьн у шәʹдәтийе бьдьнә ԝан. Йаһоԝа һьндава ԝанда һʹьзкьрьн у хәмгинийе дьдә кʹьфше (Ԛн.Кʹһ. 19:14). Әм гәрәке чʹәʹв бьдьнә Йаһоԝа у али ԝан бькьн, кӧ незики ԝи бьн.

ЧАԜА БЬКЬН:

• Кора бьгәрʹьн. (Мт. 10:11) Тӧ кәсед ӧса нас дьки, нәфәре кʹижани кор ә. Мьһала тәда һәнә мәкʹтәб, ханийед бона кора у щийед дьн, кʹидәре кӧ тәйе бькарьбуйа әʹдәбйәтед бона кора бәла кьра?

• Хәмгинийа хԝә бьдә кʹьфше. Чахе һун һәвалһʹьз ьн у хәмгинийа хԝә һьндава мәрьвед кор дьдьнә кʹьфше, әв али ԝан дькә хԝә һеса тʹәхмин кьн. Хәбәрдане бь тʹемәкә ӧса дәстпекә, йа кӧ ԝе ԝанрʹа һʹәԝас бә

• Аликʹарийа рʹӧһʹани бьдә ԝан. Сәва кӧ али ԝан мәрьва бькьн кʹижан кӧ чʹәʹвада бәләнгаз ьн йан жи кор ьн, тʹәшкиләта мә бь щурʹә-щурʹә формата әʹдәбйәт дәрхьстьнә. Жь ԝана бьпьрсә кӧ әԝана кʹижан формате дьдьнә хәбате. Бәрпьрсийаре хьзмәтийе гәрәке избат бә, ԝәки әԝ бьре кӧ бона ԝан әʹдәбйәта щабдар ә, әʹдәбйәтед бь ԝан формата сьфарәш дькә