Чаԝа Пешәнг Пәсьна Бьдьнә Йаһоԝа

Исраелийа пәсьн дьданә Йаһоԝа. Мәʹнийа ве йәке әԝ бу, кӧ әԝи әԝана жь Мьсьре дәрхьстьн у жь дәсте ордийа Фьрәԝьн хьлаз кьрьн! (Дркʹ. 15:1, 2) Иро жи Йаһоԝа ԛәнщийа хԝә һьндава щьмәʹта хԝә дьдә кʹьфше. Ле әм ча дькарьн бона ве йәке рʹазибуна хԝә бьдьнә кʹьфше? (Зб. 116:12)

Рʹазибуна мә ԝе бе кʹьфше, һәрге әм ча пешәнге ԝәʹдәлу йан пешәнге һәртʹьм хьзмәт кьн. Тӧ дькари жь Йаһоԝа һиви ки, ԝәки хԝәстьн у ԛәԝате бьдә тә, кӧ ча пешәнг хьзмәт ки (Флп. 2:13). Гәләк хушк-бьред мә дәстпедькьн ча пешәнге ԝәʹдәлу хьзмәт кьн. Тӧ дькари бьжбери 30 йан 50 сьһʹәта хьзмәт ки ԝәʹде мәһед Адар у Нисане, у ӧса жи ԝәʹде сәрледана бәрпьрсийаре мьһале. Чахе тӧ жь пешәнгтийа ԝәʹдәлу шабуне тʹәхмин ки, дьԛәԝьмә һьнге тӧ бьхԝази ча пешәнге һәртʹьм хьзмәт ки. Һәла һе әв хушк-бьра жи, кʹижан кӧ гәләк дьхәбьтьн йан жи сьһʹәт-ԛәԝата ԝан сьст  ә, йәкә дькарьн ча пешәнге һәртʹьм хьзмәт кьн (mwb16.07 8). Чь жи һәбә, Йаһоԝа һежа йә, ԝәки әм һʹәму ԛәԝата хԝә бьдьнә хәбате, сәва кӧ пәсьна бьдьнә ԝи (1 Др. 16:25).

БЬНЬҺЕРʹЬН ВИДЕО «СЕ ХУШКЕД ЖЬ МОНГОЛЙАЙЕ», У ПАШЕ ЩАБА ԜАН ПЬРСА БЬДЬН:

• 

  Әван се хушка бәр кʹижан чәтьнайа тәйах кьрьн, сәва кӧ ча пешәнг хьзмәт кьн?

• 

  Әԝана чь кʹәрәм стандьн?

• 

  Бь сайа хьзмәткьрьна пешәнгти, диса чь мәщал ԝанрʹа вәбу?

• 

  Мәсәла ԝан чаԝа сәр йед дьн һʹӧкӧм кьр?