Һин бә ԝәки дь Хьзмәтеда Һе Щерʹьбанди би; Шәʹдәти пе Камера у Домофона

ӘВ ЙӘК ЧЬМА ФӘРЗ Ә: Иро ԛачахти гәләк бәлабуйи йә, ләма жи гәләк мәрьв мала хԝәда системед бехофийе датиньн кӧ хԝә бьпарезьн. Мәсәлә, әԝана камера у домофона датиньн. Дьбә кӧ әм бәрхԝә дькʹәвьн, кӧ чаԝа шәʹдәтийе бьдьнә ԝан мәрийа, кʹижана кӧ әм навиньн, ле әԝана мә дьвиньн. Ширәтед жере дайи ԝе али мә бькьн, ԝәки әм нәтьрсьн гава бәр камера у домофона шәʹдәтийе дьдьн.

ЧАԜА БЬКЬН:

• Ньһерʹандьна позитив хԝәйи кә. Гәләк мәрьв, бәр дәре кʹижана кӧ камера йан домофон һәнә, һазьр ьн тʹәви мә хәбәр дьн

• Бир нәкә, ԝәки һьнә камера ӧса чекьри нә, кӧ пешийа тӧ зәнгьл хи жи, камера ида тә дькʹьшинә у хԝәйе мале дькарә тә бьвинә у бьбьһе

• Чахе хԝәйе мале щаба тә бьдә, тʹәви ԝи ӧса хәбәр дә, ча бежи әԝ бәр тә сәкьни йә. Бьра бәшәра тә хԝәш бә у жестед тә бь тʹәбийәти бьн. Ԝан тьшта бежә, чь кӧ тә дьхԝәст бәр хԝәйе мале бьгота. Һәрге дәрива камера һәйә, сәр чʹәʹве хԝә гәләк незики камере нәкә. Һәрге хԝәйе мале щаба тә надә, нәлазьм ә информасийа бь дәнг бьһели

• Гава һун хәбәрдане хьлаз кьн, бир нәкьн ԝәки хԝәйе мале диса жи дькарә пе камере ԝә бьвинә у дәнге ԝә бьбьһе