Бәрдәԝам Дькьн Журнала Дьдьнә Хәбате

Дәстпебуйи жь сала 2018, журналед мәда йед бона бәлакьрьне, тʹәне тʹемәк те шеԝьркьрьне. Әв һʹәму журнал дькʹәвьнә нава һащәтед мәйи бона һинбуне. Ләма жи әм дькарьн ԝана хьзмәтеда бьдьнә хәбате. Гава әм щикида дьчьн, мәсәлә дькʹане, дькарьн чәнд журнала хԝәрʹа бьвьн. Һәмьки ԝан журнала әм надьнә хәбате кӧ тʹәви мәрийа һинбуна Кʹьтеба Пироз дәрбаз кьн, ле әв али мәрийа дькьн кӧ һʹәԝаса ԝан пешда бе, сәва һе зедә дәрһәԛа Хԝәде пебьһʹәсьн.

Чахе тӧ кәсәкирʹа хәбәрдане дәстпеки, дькари ԝирʹа рʹезәке бьхуни у дина ԝи бьди сәр журналәкә кӧ ԝе ԝирʹа һʹәԝас бә. Бәʹса хәбәре, һәрге зарʹед ԝи һәнә, йан әԝи мәрьвәки хԝә ӧнда кьрийә, йан жи дьлтәнг ә, дькари бежи: «Ԝан пашԝәхтийа мьн готарәкә дәрһәԛа ве тʹемайе хԝәнд. Һун дьхԝазьн нишани ԝә кьм?» Һәрге ԝирʹа һʹәԝас бә, дькари һәла һе ԝәʹде сәрледана пешьн жи журнале бьһели йан жи копийа әләктроник бьшини. Һәмьки нета мәйә сәрәкә бәлакьрьна журнала нинә, ле әв йәк али мә дькә, ԝәки бьвиньн ԝан мәрийа, йед кӧ һазьр ьн бьжин ль гора ве йәке чь кӧ жь Кʹьтеба Пироз педьһʹәсьн (Кʹр.Шн. 13:48).

2018

2019

2020