Зәԝаща Хԝә Бьпарезә

Йаһоԝа созе зәԝаще кӧ мер у жьн һәврʹа дьдьн, фәрз һʹәсаб дькә. Йаһоԝа готьбу, ԝәки жьн у мер гәрәке һәв нәԛәтьн (Мт. 19:5, 6). Нава хьзмәткʹаред Хԝәдеда гәләк зәԝащед бәхтәԝар һәнә. Һәмьки зәԝаща ӧса тʹӧнә, кʹижанеда ԛә проблем тʹӧнә бьн. Ле әм гәрәке мина мәрьвед ве дьнйайе нәфькьрьн, ԝәки жийина жь һәв башԛә у һәвԛәтандьн һʹәму проблемед жьн-мера сафи дькә. Гәло Мәсиһийед зәԝьщи чаԝа дькарьн зәԝаща хԝә бьпарезьн?

Ԝәрә әм дина хԝә бьдьнә пенщ ширәта.

1. Дьле хԝә бьпарезә, демәк хԝә жь флирте у жь ԝәʹдәдәрбазкьрьнед бенамуси дур бьгьрә, чьмки әв дькарьн һәләԛәтийа ԝә сьст кьн (Мт. 5:28; 2 Пт. 2:14).

2. Достийа хԝә тʹәви Хԝәде ԛәԝи кә у бал хԝә хԝәстьне пешда бинә, ԝәки пе зәԝаща хԝә дьле ԝи ша ки (Зб. 97:10).

3. Бәрдәԝам кә мәрьвәки ну ль хԝә бькә у һәла һе тьштед бьчʹукда жи ԛәнщийе бькә, чь кӧ ԝе жийина һәвалпʹаре тә бәхтәԝар кә (Кл. 3:8-10, 12-14).

4. Бьра хәбәрдана тә тʹәви һәвалзәԝаще тә, бь ԛәдьр у мәʹрифәт бә (Кл. 4:6).

5. Борще хԝәйи зәԝаще бь һʹьзкьрьне бинә сери (1 Кр. 7:3, 4; 10:24).

Чахе Мәсиһи һьндава зәԝащеда бь ԛәдьр ьн, ӧса әԝана ԛәдьре Сазкʹаре зәԝаще дьгьрьн, демәк Йаһоԝа.

БЬНЬҺЕРʹЬН ВИДЕО «ӘМ ГӘРӘКЕ БЬ СӘБЬР БЬРʹӘВЬН; ХԜӘ ЛЬ ГОРА ԚӘЙДЕД ЛӘЩЕ БЬГЬРЬН», У ПАШЕ ЩАБА ԜАН ПЬРСА БЬДЬН:

• 

  Дәстпекеда дьԛәԝьмә зәԝащеда һәр тьшт баш бә, ле диса жи чь чәтьнайи дькарьн пешда бен?

• 

  Чаԝа принсипед Кʹьтеба Пироз дькарьн али ԝан бькьн, йед кӧ зәԝащеда бәхтәԝар ниньн?

• 

  Йаһоԝа чь ԛәйдә бона зәԝаще кʹьфш кьрьнә?

• Сәва кӧ зәԝащ бәхтәԝар бә, жьн у мер чь гәрәке бькьн?