Рʹупʹела Сәрәкә жь JW.ORG Хьзмәтийеда Бьдә Хәбате

Малпәра мәда сәр рʹупʹела сәрәкә һәнә щурʹә-щурʹә готар у видео бона мәрьвед дьлсах (Кʹр.Шн. 13:48). Сәр ве рʹупʹеле тʹьме тʹемед ӧса һәнә, йед кӧ нучәйада һәнә у дәрһәԛа кʹижана мәрьв хәбәр дьдьн у дьфькьрьн.

Тӧ чаԝа дькари рʹупʹела сәрәкә жь jw.org хьзмәтийеда бьди хәбате?

• Тʹьме дина хԝә бьдьнә малпәре. Бьньһерʹә кӧ ве дәме сәр рʹупʹела сәрәкә чь тʹема һәнә у бьфькьрә кӧ тӧ ча дькари вана бьди хәбате, сәва кӧ али ԝан мәрьва бьки, һʹәԝаса кʹижана пешда һатийә. (Сәва кӧ тьштед тʹәзә бьвини, йед кӧ сәр рʹупʹела сәрәкә һатьбунә дайине, бьтькинә «Һе Зедә Бьньһерʹьн»). Һәрге тӧ тʹьме һаш жь рʹупʹела сәрәкә һәби, хьзмәтийа тә ԝе тʹьме һʹәԝас дәрбаз бә.

• Сәва кӧ пешанине дәстпеки, бьдә хәбате готар у видеойед жь рʹупʹела сәрәкә. Әв йәк дькарә али мә бькә, кӧ әм тедәрхьн һәла мәрьвед мьһала мәда чь дьфькьрьн.

• Рʹупʹела сәрәкә нишани мәрьва кә. Һьнә тʹема нишани ԝан кә у шьровәкә ча малпәра мә бьдьнә хәбате.

• Линке ԝанрʹа бьшинә. Һьнә мәрьв нахԝазьн тʹәви мә бькʹәвьнә хәбәрдане, ле ԝанрʹа һʹәԝас ә бькʹәвьнә сәр малпәра мә. Ләма жи шәрм нәкә у ԝан мәрьварʹа линка рʹупʹела сәрәкә, готар йан жи видеоке бьшинә.