Чь ԝе Али Тә Бькә Һәр Рʹож Кʹьтеба Пироз Бьхуни?

Жь бо хәбате йан шьхӧлед дьн, гәло тәрʹа щарна чәтьн ә Кʹьтеба Пироз һәр рʹож бьхуни? (Йешу 1:8) Һәрге әре, дина хԝә бьдә ԝан ширәта:

• Зәнгьле дайнә. Сәр тʹела хԝә зәнгьла һәррʹожи дайнә, ԝәки бькә бира тә кӧ Кʹьтеба Пироз бьхуни.

• Кʹьтеба Пироз дайнә бәр чʹәʹв. Һәрге тӧ Кʹьтеба Пирозә нәшьркьри дьхуни, ле дайни щики ӧса, кӧ тӧ бькарьби һеса һәр рʹож бьвини (Ԛануна Дӧщари 11:18).

• Гӧһ бьдә аудио ньвисандьне. Сәр һьнә зьмана, Кʹьтеба Пироз бь аудио-ньвисандьне һәнә. Гава шьхӧл дьки, гӧһ бьдә ван аудиойа. Хушкәкә бь наве Тара, йа кӧ һьм пешәнг ә һьм жи дайика се зарʹа йә у шәв дьхәбьтә, ӧса дьбежә: «Гава әз шьхӧлед мале дькьм, әз гӧһ дьдьмә аудио-ньвисандьна Кʹьтеба Пироз. Әв йәк али мьн дькә хԝәндьна Кʹьтеба Пироз бәрʹнәдьм».

• Хирәта хԝә ӧнда нәкә. Һәрге плана тәйә хԝәндьна Кʹьтеба Пироз жь бо тьштәки хьраб бә, пешийа рʹазане һәма чәнд рʹеза бьхунә. Һәрге тӧ һәр рʹож тʹәне чәнд рʹеза бьхуни жи, әв йәк ԝе кʹарәкә мәзьн тәрʹа бинә (1 Пәтрус 2:2).