Кʹи бу Һʹимдаре Организасиона Ԝә?

Организасиона Шәʹдед Йаһоԝайә модерн, жь кʹотасийа ԛӧрʹна 19 дәстпебуйә. Дь ԝан чахада, кʹомәкә бьчʹук йед кӧ Кʹьтеба Пироз леколин дькьрьн, у кʹижана кӧ Ԝәлатед Әмерике Йәкбуйида, дь Пәнсилванийеда незики Питсбурге дьжитьн, дәстпекьрьн кʹур Кʹьтеба Пироз һинбьн. Әԝан леколинкʹара дәстпекьрьн һинкьрьнед дера бәрамбәри ԝе йәке бькьн, чь кӧ бь рʹасти Кʹьтеба Пироз һин дькә. Паше чь кӧ ԝана леколин кьр, дь кʹьтебада, рʹожнәмада у ӧса жи дь ԝе журналеда нәшьр дькьрьн, йа кӧ иро те навкьрьне «Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә».

Нав ԝан леколинкʹаред Кʹьтеба Пирозә һʹәлалда, хортәки щаһьл һәбу, наве ԝи Чарлз Тейз Рассел бу. Рʹаст ә ԝи чахи Рассел шьхӧле һинкьрьна Кʹьтеба Пироз һьлда дәсте хԝә, у бу редакторе «Бьрща Ԛәрәԝьлийе» йә пешьн, ле чь жи һәбу, әԝ нибу һʹимдаре религийа тʹәзә. Нета Рассел у Леколинкʹаред Кʹьтеба Пирозә дьн, чаԝа кӧ бәре әԝана дьһатьнә навкьрьне, әԝ бу, ԝәки һинкьрьна Иса Мәсиһ бәла кьн у һʹәму тьштида чʹәʹв бьдьнә мәсәла щьвата мәсиһийед ԛӧрʹна йәке. Иса йә һʹимдаре Мәсиһтийе, ләма жи ча һʹимдаре организасиона мә, әм ԝи һʹәсаб дькьн (Колоси 1:18-20).