2. Гәло Әм ьн Сәбәбе Кӧл-Дәрдед Хԝә?

Чьма Әв Йәк Фәрз ә

Һәрге әм ьн сәбәбе кӧл-дәрдед хԝә, демәк әм дькарьн ӧса бькьн кӧ әв кем бьн.

Дәрһәԛа ве йәке Бьфькьрьн

Гәло мәрьв чьԛаси щабдар ьн бона мәʹнийед кӧл-дәрда?

• 

  Зорбәти.

  Ль гора һʹәсабе «Организасйона Сахләмхԝәйкьрьнейә Һʹәмдьнйайе», жь 4 мәрьва 1 бьчʹуктайеда рʹасти зорбәтийа физики һатийә, ле жь 3 жьна 1 рʹасти зорбәтийа физики у сексуали һатийә.

• 

  Шин у Гьри.

  Ль гора һʹәсабе «Организасйона Сахләмхԝәйкьрьнейә Һʹәмдьнйайе» йа сала 2018, «сала 2016-да сәр тʹәмамийа дьнйайе ԝәкә 477 000 мәрьв һатьнә кӧштьне». Хенщи ԝе йәке һʹәсаб кьрьнә, ԝәки һәма ве сале 180 000 мәрьв шәрʹед мәзьн у шәрʹ-дәʹԝада һатьнә кӧштьне.

• 

  Проблемед Сьһʹәт-Ԛәԝатева Гьредайи.

  Готарәкеда жь журнала «National Geographic» ньвискʹар Фран Смит ньвиси: «Милйард мәрьва зедәтьр щьхаре дькʹьшиньн. Тʹьтʹун пенщ мәʹнийед сәрәкәйә мьрьне пешда тинә: нәхԝәшийед дьльк, инсулт (фәлч), нәхԝәшийед бинкʹьшандьнева гьредайи, нәхԝәшийед пʹьшькейә кʹроники у кʹансәра пʹьшька».

• 

  Пʹепәскьрьн.

  Пʹсихолож Щей Ԝотс ӧса дьбежә: «Нәхԝәшийед пʹсихики пешда тен жь бо кʹәсибийе, нәһәԛийе, насионализме, нӧхсанкьрьна жьна, һәврʹькʹийе у ӧса жи гава бәри мәрьва дьдьн, жь щийе ԝан дәрдьхьн».

  ҺЕ ЗЕДӘ ПЕБЬҺʹӘСЬН

  Бьньһерʹьн видео «Чьрʹа Хԝәде Әʹрд Әʹфьрандийә?», кӧ  сәр малпәра jw.org һәйә.

Кʹьтеба Пироз Чь Дьбежә

Сәбәбе кӧл-дәрда һʹәчʹи зәʹф мәрьв ьн.

Һʹәчʹи зәʹф сәбәбе кӧл-дәрда сәрԝер ьн, кʹижан кӧ әʹмьре мәрьва чәтьн дькьн.

«Дәм дьбә кӧ сәрԝәрийа зьламәки, ль сәр йәки дьн, бь хәсара [зийана] ԝи йә» (ԜАИЗ 8:9).

Кӧл-дәрд дькарьн кем бьн.

Принсипед Кʹьтеба Пироз сьһʹәт-ԛәԝата мә баш дькьн у али мә дькьн, ԝәки һәләԛәтийа мә тʹәви мәрьва баш бә.

«Дьле рʹьһʹәт жийина бәдәне йә, ле һʹәвсуди кӧрме һәстуйа йә» (МӘТʹӘЛОК 14:30).

«Дә бьра һәр тәʹлайи, һерс, бәрзәԛи, ԛарʹә-ԛарʹ у кʹьфьри-зьфьри жь ԝә дур бьн тʹәви һәр щурʹә кʹин-бохийева» (ӘФӘСИ 4:31).