Чьма Ԛәдьр Кем Буйә Һьндава Малбәте?
ЧЬМА ФӘРЗ Ә ԚӘДЬР БЬДЬНӘ КʹЬФШЕ ҺЬНДАВА МАЛБӘТЕДА
Чахе нәфәред мале ԛәдьре һәвдӧ дьгьрьн, әв йәк ортʹа жьн, мер у зарʹада әʹдьлайе пешда тинә.
Ве кʹьтебеда йа бь наве Һʹәфт Ширәт бона Кʹара Зәԝаще (The Seven Principles for Making Marriage Work) те готьне кӧ чахе жьн-мер ԛәдьре һәвдӧ дьгьрьн, ӧса әԝана һʹәзкьрьне «нишан дькьн нә тʹәне тьштед мәзьнда, ле ӧса жи һәр рʹож тьштед бьчʹукда».
Ль гора лекʹолине, әԝ зарʹ йед кӧ һин дьбьн ԛәдьре мәрьва бьгьрьн, хԝәда баԝәр ьн, һәләԛәтийа ԝан тʹәви де-баве ԝан баш ә у проблемед психики бал ԝан һьндьк пешда тен.
ТӦ ЧЬ ДЬКАРИ БЬКИ
Тʹәви малбәта хԝә нета дайнә. Йа пешийе, избат бә кӧ һәр кәс малбәтеда фәʹм дькә чь те һʹәсабе ԛәдьр бьдьнә кʹьфше. Йа дӧда, бьньвисә кӧ тӧ дьхԝази ԝәки һәр нәфәрәкә мале чь бькә у чь нәкә. Йа сьсийа, дәрһәԛа ве нете тʹәви нәфәред малбәта хԝә шеԝьр кә, кӧ ньһерʹандьна зарʹед тә у йа тә йәк бә.
Мәсәлә бә. Гәло һун шашийед нәфәред малбәта хԝә сущдар дькьн? Гәло һун ль сәр ньһерʹандьна ԝан дькʹәньн? Гәло һун хәбәрдана ԝан дьбьрʹьн, йан жи гӧһ надьнә хәбәрдана ԝан?
Ширәт: Ԛәдьре жьн-мер йан зарʹед хԝә ԝи чахи жи бьгьрә, һәрге тӧ дьфькьри кӧ әԝана һежа ниньн.
Ԛәдьре мәрьва ԝи чахи жи бьгьрә гава ԝанрʹа ԛайил нини. Чахе тӧ фькьред хԝә дьбежи, хәбәред ӧса ча «тӧ тʹьме» йан «тӧ тʹӧ щар» нәдә хәбате. Хәбәрдана ви щурʹәйи дькарә дьле нәфәред тә бешинә у шәрʹ-дәʹԝа пешда бинә.
ШӘʹДЕД ЙАҺОԜА ЧЬ ДЬКЬН
Шәʹдед Йаһоԝа нәфәред малбәта хԝә һелан дькьн, ԝәки әԝана ԛәдьре һәвдӧ бьгьрьн. Гәләк щар дәрһәԛа ве йәке готар, кʹьтеб, брошур у видеойед мәда те шеԝьркьрьне, кʹижан кӧ бепʹәрә нә.
БОНА ЩОТЕД ЗӘԜЬЩИ: Рʹеза готара бь наве «Аликʹари бона Малбәте» дькарә али жьн-мера бькә ԝәки . . .
бь дьл у щан гӧһ бьдьнә һәв
тʹьме тʹәви һәв хәбәр дьн
шәрʹа нәкьн
(Легәрʹинеда бьгәрʹә «Аликʹари бона Малбәте» сәр jw.org)
БОНА ДЕ-БАВА: Рʹеза готара бь наве «Аликʹари бона Малбәте» дькарә али де-бава бькә, кӧ зарʹед хԝә һин кьн ԝәки . . .
гӧһдар бьн
шьхӧлед маледа аликʹарийе бьдьн
бежьн «лава дькьм» у «зәʹф рʹази мә»
(Легәрʹинеда бьгәрʹә «Ширәткьрьна Зарʹа» у «Ширәткьрьна Щаһьла» сәр jw.org)
Бьньһерʹьн әʹламәтийа зедә бь наве «Пьрсед Де-Бава», кʹьтеба Пьрсед Щаһьла у Ширәтед Керһати, Пʹара 1. (Легәрʹинеда бьгәрʹә «Пьрсед Де-Бава» сәр jw.org)
БОНА ЩАҺЬЛА: Ве пʹареда бь наве Щаһьл сәр jw.org һәнә готар, видео у дәрсед бь нәхша йед кӧ дькарьн али кәсед щаһьл бькьн ԝәки . . .
зьман де-баве хԝәрʹа у хушк-бьред хԝәрʹа бьвиньн
бь ԛәдьр тʹәви де-баве хԝә хәбәр дьн гава әԝана синора датиньн
де-баве ԝан итʹбарийа хԝә ԝан биньн
(Легәрʹинеда бьгәрʹә «Щаһьл» сәр jw.org)
Хәбьтандьна малпәра jw.org бепʹәрә йә. Сәва кӧ ве малпәре бьдьнә хәбате пʹәрә нәлазьмә, ӧса жи нәлазьмә хԝә сәр ве малпәре бьньвисьн у информасийа хԝәйә шәхси бьдьн.