ҺӘР ТЬШТ БЬҺА ДЬБӘ ЧА ӘʹБУРА ХԜӘ БЬКЬН?

Гӧмана Хԝә Ӧнда Нәкьн

Гәло ԝәлате тәда хәрщед мәрьва жь һәԛе кӧ әԝана дьстиньн зедәтьр ә? Гәло тӧ бәр хԝә дькʹәви кӧ ча әʹбура хԝә йан малбәта хԝә бьки? Һәрге әре, дьбәкә тӧ бәр хԝә дькʹәви кӧ ахьрийеда ԝе һʹале тә ча бә. Һәла һе дәрәщед ӧса чәтьнда жи гӧман дькарә али мә бькә.

ЧЬРʹА ӘВ ЙӘК ФӘРЗ Ә?

Мәрьвед хԝәйигӧман нә тʹәне дьхԝазьн ԝәки һәр тьшт баш бә, ле гӧман ԛәԝате дьдә ԝан кӧ һәр тьшти бькьн, ԝәки дәрәща хԝә рʹаст кьн. Мәсәлә, һьнә лекʹолин дьдьнә кʹьфше, ԝәки мәрьвед хԝәйигӧман . . .

дьһа һеса чәтьнайада сәбьр дькьн
дьһа һеса һини дәрәщед тʹәзә дьбьн
сафикьрьнед дьһа билан дькьн, чь кӧ али ԝан дькә сьһʹәт-ԛәԝата хԝә бьбьнә хԝәйи у бь әʹмьрәки рʹьһʹәт бьжин

ТӦ ЧЬ ДЬКАРИ БЬКИ?

Йа пешьн, бьфькьрьн кӧ дәрәща ԝәда Кʹьтеба Пироз ча дькарә али ԝә бькә. Кʹьтеба Пирозда гәләк ширәтед керһати һәнә, йед кӧ дькарьн али ԝә бькьн, гава һәр тьшт бьһа дьбә. Әв ширәт дькарьн али ԝә бькьн ԝәки хԝә бечʹарә тʹәхмин нәкьн у дьһа баш бона чәтьнайед кӧ дькарьн паше рʹасти ԝә бен, һазьр бьн.

«Фьрасәте тә хԝәй кә у аԛьле мьԛатийе ль тә бькә» (Мәтʹәлок 2:11).

Йа дӧда, дина хԝә бьдьне кӧ Кʹьтеба Пирозда дәрһәԛа ахьрийе чь те готьне. Гава һун ԛимәта Кʹьтеба Пироз фәʹм кьн, әв йәк дькарә ԝә һелан кә кӧ дьһа кʹур лекʹолин кьн һәла ве кʹьтебеда дәрһәԛа ахьрийе чь те готьне. Мәсәлә, һуне пебьһʹәсьн кӧ Хԝәде нә кӧ тʹәне дьхԝазә ԝәки гӧмана ԝә сәр ахьрийа баш һәбә, ле әԝ ӧса жи избатийед һʹимгьрти дьдә, ԝәки әԝ йәк ԝе әʹсәйи бе сери (Йерәмйа 29:11). Һʹиме ве гӧмане Пʹадшатийа Хԝәде йә.

ПʹАДШАТИЙА ХԜӘДЕ ЧЬ ЙӘ, У ӘԜЕ ЧЬ БЬКӘ?

Пʹадшатийа Хԝәде әв һәйә сәрԝерти, йа кӧ ԝе сәр тʹәмамийа дьнйайе һʹӧкӧмтийе бькә (Данийел 2:44; Мәтта 6:10). Ԝи чахи тʹӧ кәс ԝе ида нәчәрчьрә, кʹәсиббун ԝе тʹӧнә бә, һәр дәра ԝе әʹдьлайи бә у тʹӧ кәс ԝе һʹәԝще тʹӧ тьшти нибә.

«Те хԝәзьли би у хер-хԝәшийеда би!» (Зәбур 128:2).

«[Бьнәлийед Пʹадшатийе] ԝе бәрʹәдайи кʹәда хԝә нәдьн» (Ишайа 65:23, ИМ).

«Гәньме ԝәлет бьбә бьрʹ-бәʹр» (Зәбур 72:16).

Бь милйона мәрьв итʹбарийа хԝә ԝан соза тиньн, чьмки баԝәр ьн, кӧ «Хԝәдейе хԝәйе готьна хԝә» нькарә дәрәԝа бькә (Тито 1:2). Ләма жи ԝе гәләк баш бә ԝәки әм хԝәха Кʹьтеба Пироз лекʹолин кьн. Гӧмана кӧ әԝ дьдә, мә ԛәԝи дькә ԝәки әм бькарьбьн чәтьнайед економикида тәйах кьн у бь баԝәрийе һивийа ахьрийа баш бьн.