Сәрһати 70

Уньс У Мәʹсийе Мәзьн

ҺӘЛА дина хԝә бьдә ԝи мерьки йе кӧ дь аведа дьхәньԛә. Һʹале ԝи гәлә хьравә, ӧса нинә? Әв мәʹси һьндьк майә ԝи даԛoрчʹинә! Ле зани әв мер кʹи йә? Наве ԝи Уньс ә. Ԝәрә әм пебьһʹәсьн чьрʹа әв кʹәтә рʹожәкә ӧса.

Уньс пʹехәмбәре Йаһоԝа йә. Паши мьрьна Елиша, һьнә ԝәʹдә шунда Йаһоԝа готә Уньс: «Рʹабә һәрʹә шәһәрәки мәзьн Нәйноԝа. Чьмки нәһәԛийед ԝан мәрийа зәʹф зедә бун, у әз дьхԝазьм ԝәки тӧ гӧнәкʹарийа ԝан ԝанрʹа әйан ки».

Ле Уньс нәдьхԝәст бьчуйа ԝи шәһәри. Ләма жи әԝ рʹуньштә гәмийа ӧса, йа кӧ лап дь алийе дьнда дьчу, сәва кӧ жь Нәйноԝа дур кʹәвә. Ле Йаһоԝа кьред Уньс ԛәбул нәкьр. Әԝи фьртонәкә ӧса мәзьн рʹакьр, кӧ һьндьк мабу гәми һурдәхԝәши буйа. Гәмиван жь ве йәке гәләки тьрсийан, у һәр кәс жь ԝан дәстпекьрьн хӧданед хԝәрʹа дӧа бькьн ԝәки хьлаз бьн.

Уньс гәмиванрʹа гот: «Әз Хԝәдайе Йаһоԝарʹа ԛӧльх дькьм, йе кӧ әʹфьрандаре әʹрд у әзмана йә. Ле ньһа әз һәма жь ԝи дьрʹәвьм, ԝәки фәрмана ԝи нәйньм сәри». Гәмиван ле пьрсин: «Ньһа әм тә ча бькьн, ԝәки әв фьртонәк бьсәԛьрʹә?»

Уньс щава хԝә да у гот: «Мьн һьлдьн бавежьнә аве у бәʹр ԝе бьсәԛьрʹә». Пешийе гәмиван ве йәке нәдьхԝәстьн бькьн, ле гава ԝана дина хԝә дайе кӧ фьртонә һе ԛайим дьбә, ԝана дьхԝази-нахԝази ԝи авитьн бәʹре. Ԝе дәме фьртонә перʹа-перʹа сәԛьрʹи.

Чахе Уньс кʹәтә аве, мәʹсийе мәзьн ԝи даԛoрчʹанд. Ле Уньс нә мьр. Ԝәкә се рʹож у се шәв әԝ ль зьке мәʹсида мабу. Ньһа Уньс ида гәлә пʹошман дьбу кӧ гӧрʹа Йаһоԝа нәкьр у нәчу Нәйноԝа. Зани әԝи чь кьр?

Уньс Йаһоԝарʹа дӧа кьр у аликʹари жь ԝи хԝәст. Ләма жи Йаһоԝа ӧса кьр кӧ мәʹси Уньс жь дәве хԝә авитә дәве бәʹре. Гәло ньһа Уньс ԝе чь бькә? Әԝи гӧрʹа Хԝәде кьр у перʹа-перʹа чу Нәйноԝа. Жь ве сәрһатийе әм чь һин дьбьн? Чь жи Йаһоԝа жь мә бьхԝазә, фәрз ә ԝәки әм тʹьме гӧрʹа ԝи бькьн! Ӧса нинә?

Кʹьтеба Уньс.