Сәрһати 86
Меред Кӧ Пәй Стәйрке Дьчун
ДЬВИНИ ча мерәк бь дәсте хԝә нишани стәйрка мәзьн дькә? Гава әв мер жь Оршәлиме дәркʹәтьн, ԝанрʹа стәйрк хӧйа бу. Әв мер стәйрнас ьн у әԝана жь рʹоһьлате нә. Әԝана баԝәр дькьн кӧ әв стәйрка ну ԝе ԝана бьвә һʹәта мәрьвәки гьринг.
Чахе әԝ һатьбун Оршәлиме, әԝана пьрса дькьрьн: «Кʹӧ йә Пʹадше щьһуйа кӧ гәрәке бьһата буйине?» Ль сәр исраелийа щьһу жи дьготьн. «Мә стәйрка ԝи ль рʹоһьлате дит у әм һатьнә, кӧ сәре хԝә ль бәр ԝи дайньн».
Чахе пʹадше Оршәлиме Һеродәс дәрһәԛа ве йәке бьһист, әԝ тʹәвиһәв бу. Әԝи нәдьхԝәст кӧ щийе ԝи кәсәк дьн бьгьрта. Ләма жи әԝи гази кʹаһина кьр у жь ԝан пьрси: «Пʹадше ԛьрар кьри кʹидәре гәрәке бе буйине?» Ԝана жерʹа гот: «Кʹьтеба Пироз дьвежә кӧ ль Бәйтләһʹме».
Паше Һеродәс гази ван меред жь рʹоһьлате кьр у готә ԝан: «Һәрʹьн бона кӧрʹьк әʹсәйи пебьһʹәсьн. Чахе кӧ һун ԝи бьбиньн, мьнрʹа бежьн, кӧ әз жи бем сәре хԝә ль бәр дайньм». Ле бь рʹастийе Һеродәс ләма дьхԝәст кӧрʹьк бьдита, ԝәки ԝи бькӧжә!
Паше стәйрк ԝан мера бьрә һʹәта Бәйтләһʹме, у һәма сәр мала кӧ Иса теда бу стәйрк сәкьни. Гава әв мер кʹәтьнә һьндӧре мале, ԝана Исайе бьчʹук тʹәви дийа ԝи Мәрйәме дитьн. Стәйрнас пʹешкʹеша кӧ сәва Иса анибун, данә ԝи. Паше Йаһоԝа дь хәԝнеда стәйрнасрʹа пешда әмьр кьр, кӧ әԝана нәчьнә щәм Һеродәс. Ләма жи әԝана бь рʹеки дьнва вәгәрʹийанә ԝәлате хԝә.
Гава Һеродәс пеһʹәсийа кӧ стәйрнас ида вәгәрʹийан мала хԝә, әԝ гәлә һерс кʹәт. Әԝи фәрман да, ԝәки һʹәму зарʹед тʹәзәбуйи һʹәта дӧ сала бенә кӧштьне. Ле Йаһоԝа дь хәԝнеда пешда һʹәму тьшт готә Усьв. Ләма жи Усьв тʹәви малбате хԝә дьрʹәвә ль Мьсьре. Пашԝәхтийе, чахе Усьв пеһʹәсийа кӧ Һеродәс мьр, әԝ тʹәви Мәрйәм у Иса, пашда вәгәрʹийа мала хԝәйә дь Ньсрәтеда. Ль ԝьр Иса зарʹотийа хԝә дәрбаз дькә.
Ча тӧ дьшьрмиш дьби, кʹи ӧса кьр ԝәки стәйрка ну кʹьвш бә у рʹе һʹәта Иса нишан кә? Те бира тә кӧ стәйрнас гава стәйрк дитьн пешийе һатьн Оршәлиме. Шәйтʹане мире щьна дьхԝәст Кӧрʹе Хԝәде бькӧшта. Шәйтʹан ӧса жи заньбу кӧ Һеродәс жи, йе дь Оршәлимеда сәркʹарти дькьр, ԝе бьхԝәста Иса бькӧшта. Ләма жи әм заньн кӧ Шәйтʹан ӧса кьр ԝәки әв стәйрк бьчʹурьсә.
Мәтта 2:1-23; Миха 5:2.