Сәрһати 107

Стәйфан Данә Бәр Кәвьра

ӘВ МЕРЕ кӧ ль сәр чока рʹуньштийә Стәйфан ә. Стәйфан Шагьртәки Иса мерхас ә. Ле бьньһерʹә әԝана чь сәре ԝи дькьн! Әԝана ԝи данә бәр кәвьра. Гәло чьрʹа Стәйфан бәр чʹәʹве ԝан ӧса рʹәш бу, кӧ ԝана нәһәԛийе ӧса кьр? Ԝәрә әм пебьһʹәсьн.

Хԝәде али Стәйфан дькьр, у әԝи бь ԛәԝата Хԝәде гәлә кʹәрәмәта дькьр. Ле меред зӧлм әв йәк бәгәм нәкьрьн. Ԝана дьхԝәст избат кьра, те бежи Стәйфан нә рʹастийе мәрийа һин дькә. Ле Хԝәде билани да Стәйфан у сәрда әԝи избат кьр кӧ әԝ мәрьв хԝәха нә рʹаст ьн у һинкьрьна ԝан жи нә рʹаст ә. Жь бо ве йәке әԝана һе гәлә һерс кʹәтьн. Ләма жи ԝана Стәйфан бьрьн, у тʹәви хԝә шәʹдед дәрәԝ жи анин, ԝәки шәрʹа ԝи гьли кьн.

Һинге кʹаһине пешьн жь Стәйфан пьрси: «Әв һʹәму тьшт рʹаст ә?» Стәйфан гәлә баш щава хԝә да, у ль сәр һиме Кʹьтеба Пироз тʹәви ԝан хәвәр да. Хьлазийе әԝи гьли кьр ԝанарʹа, ԝәки бәре жи мәрьвед хьрав пʹехәмбәред Йаһоԝа нәфрʹәт дькьрьн, у сәрда зедә кьр: «Һун жи мина ԝан мәрийа нә. Ԝә гӧрʹа ԛанунед Хԝәде нәкьр у ԛӧльхкʹаре Хԝәде Иса кӧшт».

Жь ве йәке сәркʹаред дине щьһуйа һе гәлә һерс кʹәтьн. Әԝана жь һерса, хԝә хԝарьн. Ле Стәйфан сәре хԝә һьлбьранд жоре у гот: «Ва йә! Әз ль әʹзмана Исайе Мәсиһ дьвиньм, йе кӧ ль мьле Хԝәдейи рʹасте сәкьни йә!» Ԝи чахи ԝана гӧһед хԝә гьртьн, кьрьнә ԛирʹин у бәзийанә Стәйфан. Паше һьлдан у ԝи жь шәһәр дәрхьстьн.

Ль дәре шәһәре ԝана кʹьнщед хԝәйә жоре ехьстьн у данә мерәки щаһьл бь наве Шаԝул. Әԝ ль сәр шькьл жи те кʹьвше. Паше һьнә жь ԝан мера дәстпекьрьн кәвьра бавежьнә сәр Стәйфан. Стәйфан кʹәтә сәр чока у дәстпекьр Хԝәдерʹа дӧа бькә: «Йаһоԝа, жь бо ве нәһәԛийе вана щәза нәкә» Стәйфан заньбу ԝәки һьнә жь ԝан мәрьва бь сәркʹаред кʹьништа һатьнә хапандьне. Паше ве йәке Стәйфан мьр.

Һәла дьшьрмиш бә, гава кәсәк тә дьдә хәидандьне, тӧ дьхԝази щава ԝи бьди, йане дьбәк жи дӧа дьки Хԝәдерʹа ԝәки диԝана ԝи бькә? Ле бьньһерʹә, Стәйфан у Иса ӧса нәкьрьн. Әԝана һәла һе һьндава дьжмьнед хԝә жи ԛәнщ у рʹәʹм бун. Ԝәрә әм жи чʹәʹв бьдьнә ԝан.

Кʹаред Шандийа 6:8-15; 7:1-60.