Ахьрийа Пʹьрʹ Баш

Шәйтʹан Мире-щьна у щьнед ԝи, ԝе ида инсанәте нәхальфиньн. Йаһоԝа әԝана жь әʹзмана авитьнә ль сәр әʹрде (Әʹйанти 12:9). Дь ахьрийа незикда Хԝәде ԝе диса жи мьԛабьли Шәйтʹан у щьнед ԝи дәре. Ԝәрен әм пебьһʹәсьн кӧ Йуһʹәннайе шанди, дитьнока хԝәда кӧ жь Хԝәде бу, чь дит: «Һьнге мьн дина хԝә дайе, ва мьлйакʹәтәк жь әʹзмен дьһатә хԝаре, кʹьлита гәлийе һәй-ԝайе у зьнщирәкә мәзьн дәсте ԝида бу. Әԝи әԝ зийа гьрт, аԝа готи әԝ мәʹре бәре, кӧ хԝәха Мирещьн у Шәйтʹан ә у һʹәзар сали гьреда. Әԝи әԝ авитә гәлийе һәй-ԝайе, сәр ԝи кʹьлит кьр у мор лехьст, ԝәки иди мьләта нәхальфинә, һʹәта һʹәзар сал тʹәмам бә» (Әʹйанти 20:1-3). Ԝәʹдә шунда Шәйтʹан у щьнед ԝи ԝе бенә кʹӧтакьрьне һʹәта-һʹәтайе (Әʹйанти 20:10).

Мәрьвед зӧлм жи ԝе бенә ԛьрʹкьрьне (Зәбур 37:9, 10; Луԛа 13:5).

Мьри ԝе Сах бьн!

Паши ԝе йәке чаԝа кӧ Шәйтʹан у щьнед ԝи бенә ԛьрʹкьрьне, Йаһоԝа ԝе ль сәр инсанәте гәләк кʹәрәма бьбаринә. Бькә бира хԝә кӧ паши мьрьне, йед мьри тʹӧ щикида бәрдәԝан накьн нажин, әԝана бәтавәдьбьн. Иса Мәсиһ, мьрьн бәрамбәри хәԝа кʹур кьр, демәк хәԝа кӧ бе хәԝн ә (Йуһʹәнна 11:11-14). Әԝи ӧса гот, чьмки заньбу, кӧ ԝәʹдәки ӧса ԝе бе, чахе йед мьри ԝе жь хәԝа мьрьне вәгәрʹьнә жийине. Иса гот: «Ԝәхт незик дьбә, кӧ һʹәмуйед тʹьрбада ԝе ... рʹабьн» (Йуһʹәнна 5:28-29; бәрамбәри Кʹаред Шандийа 24:15 бькә).

Бәле, йед мьри ԝе диса вәгәрʹьнә жийине ль сәр әʹрде. Дәԝса кӧ бьбьһен әʹламәтийед дәрһәԛа мьрьне, әме әʹламәтийед хере бьбьһен кӧ мьри сах дьбьн! Бь рʹастийе жи ԝе шабунәкә чьԛаш мәзьн бә, ԝәки әм бькарьбьн мәрьвед хԝәйә незик йед кӧ ԝе жь хәԝа мьрьне рʹабьн, диса жи бьвиньн у бь дьл-әшԛ сьлав кьн!

[Шькьл сәр рʹупʹела 28]

Зутьрәке Шәйтʹан у щьнед ԝи, ԝе бенә гьредане

[Шькьл сәр рʹупʹела 29]

Йед мьри, ԝе вәгәрʹьнә жийине