Кʹи йә Мьхайиле Сәрәкмьлйакʹәт?

ДЬ КʹЬТЕБА Пирозда дәрһәqа әʹфрине рʹӧһʹани бь наве Мьхайил, тʹәне чәнд щара те готьне. У ван һәр щара ньвисар ә кӧ әw, ча бежи шьхӧл дькә. Дь кʹьтеба Данийелда те готьне кӧ Мьхайил тʹәви мьлйакʹәтед зӧлм шәрʹ дькә, дь нәʹма Щьһудада әw мьqабьли Мире-щьна дәрдькʹәвә, ле дь кʹьтеба Әʹйантида те готьне, кӧ әw тʹәви щьна у Мире-щьна шәрʹ дькә. Мәʹна наве Мьхайил әв ә: «Кʹи Мина Хwәде йә?». Бь ве йәке кӧ Мьхайил пьшта сәрwертийа Йаһоwа дьгьрә у тʹәви дьжмьнед Хwәде шәрʹ дькә, әw рʹьнд дьдә кʹьфше кӧ наве wи чь те һʹәсабе.

Һәнә мәрьвед ӧса кӧ чәнд навед ван һәнә. Мәсәлә, Аqуб пʹехәмбәр әʹйан бу ча Исраел, Пәтрусе шандирʹа жи дьготьн Шьмһʹун (Дәстпебун 49:1, 2; Мәтта 10:2). Ләма жи анәгори ве йәке, Мьхайил әв диса навәки Иса Мәсиһ йә, ӧса wирʹа дьготьн пешийа wе йәке ча әw һатә ль сәр әʹрде у паши wе йәке, ча әw жь мьрийа рʹабу. Wәрә әм бьньһерʹьн, кӧ ль сәр һʹиме кʹижан рʹеза жь кʹьтеба Пироз, әм дькарьн әве йәке избат кьн.

Сәрәкмьлйакʹәт. Дь Хәбәра Хwәдеда ньвисар ә кӧ Мьхайил һәйә «сәрәкмьлйакʹәт» (1 Тʹесалоники 4:16). Дина хwә бьде кӧ дь Кʹьтеба Пирозда әв хәбәр «сәрәкмьлйакʹәт», тʹәне йәканида те ньвисаре у тʹӧщар гәләканида найе ньвисаре. Демәк тʹәне мьлйакʹәтәк дькарә сәрәкмьлйакʹәт бә. Хенщи ве йәке жь Кʹьтеба Пироз әм педьһʹәсьн, кӧ дәрһәqа Иса Мәсиһ ча дәрһәqа сәрәкмьлйакʹәт те ньвисаре. Дәрһәqа Иса Мәсиһ, кӧ жь мьрийа һатә рʹакьрьне дь 1 Тʹесалоники 4:16-да ньвисар ә: «Хӧдане хwәха бь әʹламәтикә фәрмани, бь дәнге сәрәкмьлйакʹәт у лехьстьна борʹийа Хwәде жь әʹзмен бе хwаре». Ча жь ве рʹезе те кʹьфше Иса бь дәнге сәрәкмьлйакʹәт хәбәр дьдә, демәк Иса һәйә Мьхайиле сәрәкмьлйакʹәт.

Сәрwере Ордийа. Дь Кʹьтеба Пирозда ньвисар ә, кӧ «Мьхайил мьлйакʹәтед хwәва тʹәви зийе шәрʹ кьр, зийе жи мьлйакʹәтед хwәва тʹәви wан» (Әʹйанти 12:7). Демәк Мьхайил әв һәйә Сәрwере ордийа мьлйакʹәтед амьн. Ӧса жи дь Әʹйантида ньвисар ә, кӧ Иса йә Сәрwере ордийа мьлйакʹәтед амьн (Әʹйанти 19:14-16). Паwлосе шанди жи дьньвиси дәрһәqа «Хӧдан Иса» у «мьлйакʹәтед» wийә зор (2 Тʹесалоники 1:7; Мәтта 16:27; 24:31; 1 Пәтрус 3:22). Жь Кʹьтеба Пироз әм дьбиньн кӧ һьн Мьхайил ә сәрәке мьлйакʹәта, һьн Иса Мәсиһ (Мәтта 13:41). Ле хенщи ве йәке, дь Кʹьтеба Пирозда тʹӧ щикида найе ньвисаре кӧ ль әʹзмана дӧ ордийед мьлйакʹәтед амьн һәнә у wәки сәрwере ордики Мьхайил ә, йе дьне жи Иса йә. Ләма жи әм фәʹм дькьн, кӧ Мьхайил әв һәйә Иса Мәсиһ.a