Чь йә Пʹадшатийа Хwәде?

1. Чь те һʹәсабе Пʹадшатийа Хwәде?

Пʹадшатийа Хwәде әв һәйә сәрwерти, йе кӧ ль сәр әʹзмана йә. Әw wе дәwса һʹәму пʹадшатийед дьнйайе бе кʹьфшкьрьне. Бь сайа ве Пʹадшатийе, Хwәде qьрара хwә ча ль сәр әʹзмана ӧса жи ль сәр әʹрде wе бьqәдинә. Әв йәк рʹасти жи мьзгиникә гәлә баш ә. Зутьрәке Пʹадшатийа Хwәде wе инсанәтерʹа әwе йәке бьдә, чь кӧ wанарʹа гәләк лазьм ә, әв һәйә сәрwертийа баш. Пʹадшатийа Хwәде нава һʹәму мәрийа wе бькә әʹдьлайи у йәкти. Бьхунә Данийел 2:44; Мәтта 6:9, 10; 24:14.

Дь һәр пʹадшатикеда гәрәке пʹадша һәбә. Хwәде дь пʹадшатийа хwәда, кӧрʹе хwә Иса Мәсиһ кʹьфш кьр ча пʹадша. Бьхунә Әʹйанти 11:15.

Видео: Чь йә Падшатийа Хwәде?

2. Чьрʹа әм дькарьн баwәр кьн, кӧ Иса Мәсиһ пʹадшаки гәлә баш ә?

Иса Мәсиһ пʹадшаки гәлә баш ә, чьмки әw дьлрʹәʹм ә у әw хwә мьqим ль рʹастийе дьгьрә (Мәтта 11:28-30). Ӧса жи qәwата wи дьгьһиже кӧ али мәрийа бькә. Әw wе жь әʹзмана ль сәр тʹәмамийа дьнйайе сәркʹартийе бькә. Чахе Иса Мәсиһ һатә сахкьрьне, әw вәгәрʹийа ль әʹзмана у кʹеләка Хwәдейә рʹасте рʹуньшт, кӧ һивийа wи wәʹдәйи бә, кʹәнге кӧ әw ль сәр тʹәхт рʹуне (Ибрани 10:12, 13). Пашwәхтийе Йаһоwа Хwәде qәwат да Иса, кӧ әw дәстпекә сәркʹартийе бькә. Бьхунә Данийел 7:13, 14.

3. Кʹи wе тʹәви Иса Мәсиһ сәркʹартийе бькьн?

Кʹомәкә мәрийа, кӧ тенә навкьрьне йед «пироз» демәк йед бьжарти, wе тʹәви Иса Мәсиһ ль әʹзмана сәркʹартийе бькьн (Данийел 7:27). Әв мәрийед пироз пешийе жь шагьртед Исайә амьн һатьнә бьжартьне, ль сәр кʹижана шанди дьһатә готьне. Жь wи чахи дәстпебуйи һʹәта иро Йаһоwа Хwәде кʹьфш дькә меред у жьнед амьн, кӧ бьбьнә пироз у бьжарти. Әwана жи мина Иса Мәсиһ wе бенә сахкьрьне ча кәсед рʹӧһʹани. Бьхунә Йуһʹәнна 14:1-3; 1 Корьнтʹи 15:42-44.

Ле чьqас мәри wе һәрʹьнә ль әʹзмана? Иса Мәсиһ ль сәр wан «кәрийе пези бьчʹук» гот (Луqа 12:32). Әw кʹи wе тʹәви Иса Мәсиһ ль сәр әʹрдерʹа сәркʹартийе бькьн, бь тʹәмами wе 144 000 мәрьв бьн. Бьхунә Әʹйанти 14:1.

4. Чь qәwьми чахе Иса Мәсиһ бу пʹадша?

Пʹадшатийа Хwәде дь сала 1914-да дәстпекьр пʹадшатийе бькәa. Чахе Иса Мәсиһ бу пʹадша, әwи пешийе Шәйтʹан у щьн авитьнә ль сәр әʹрде. Wи чахи Шәйтʹан гәләки һерс кʹәт у дәстпекьр кӧл-дәрда бинә ль сәр әʹрде (Әʹйанти 12:7-10, 12). Паши ван йәка, ль сәр әʹрде кӧл-дәрд зедә бун. Шәрʹ, хәлайи-щәлайи, нәхwәши у әʹрдһʹәж, әва һʹәму тьшт «нишан» ьн кӧ зутьрәке Пʹадшатийа Хwәде wе бькʹәвә нав шьхӧлед сәр әʹрде. Бьхунә Луqа 21:7, 10, 11, 31.

5. Чь дькә Пʹадшатийа Хwәде иро у чь wе бькә ль ахьрийе?

Бь сайа шьхӧле даннасинкьрьна һʹәмдьнйайе, Пʹадшатийа Хwәде әʹлаләтәкә мәзьн жь һʹәму мьләта у щьмәʹта дькә йәк. Бь милйона мәрийед мьлук, дьбьнә бьнәлийед ве пʹадшатийе. Чахе Пʹадшатийа Хwәде qьрʹа ве дьнйа хьраб бинә, әw wе һʹәму бьнәлийед хwә хwәй кә. Ләма жи һәр кәс кʹи кӧ дьхwазә жь Пʹадшатийа Хwәде кʹаре бьстинә, гәрәке һин бә wәки бьбә бьнәлийе гӧһдар. Бьхунә Әʹйанти 7:9, 14, 16, 17.

Нава 1 000 салийа пʹадшатийе, Пʹадшатийа Хwәде wе qьрара wийә пешьн дәрһәqа инсанәте бинә сәри. Әʹрд тʹәмам wе бьбә щьнәт. Хьлазийе, Иса Мәсиһ пʹадшатийе wе пашда бьдә дәсте Баве хwә (1 Корьнтʹи 15:24-26). Жь нава насед хwә тәйе кʹерʹа дәрһәqа Пʹадшатийа Хwәде бьхwәста бьгота? Бьхунә Зәбур 37:10, 11, 29.