Елйас, Тьрс у Тʹәнебун ль сәр Хwә Тʹәхмин Кьрийә

Һәла дина хwә бьдә шькьл. Тö гәде бьчʹук дьвини? Те кʹьфше wәки әw тʹәне йә у дьтьрсә, öса нинә? Ле тә, тьрс у тʹәнебун ль сәр хwә тʹәхмин кьрийә?~ Һәр кәс жь мә, щарна әв йәк ль сәр хwә тʹәхмин дькә. Дь Кʹьтеба Пирозда жи те гьликьрьне дәрһәqа һәвалед Йаһоwа, йед кö тʹәне манә у тьрсийанә. Йәк жь wан мәрийа Елйас бу. Wәре әм дәрһәqа wи пебьһʹәсьн.

Һе гәләк сал пешийа буйина Иса, Елйас дь Исрайеледа дьжит. Аһаб пʹадше Исрайеле, Хwәдайе рʹаст демәк Йаһоwа нәдьһʹәбанд. Әw у кʹöлфәта wи Изабел, сәре хwә бәр хwәдане qәлп Баәʹл, датанин. Ләма гәләк мәри жи дь Исрайеледа дәстпекьрьн Баәʹл бьһʹәбиньн. Жьн пʹадша Изабел зöлмкʹар бу, у дьхwәст wан һʹәму мәрийа бькöшта, йед кö Йаһоwа дьһʹәбандьн. У Елйас жи әwе дьхwәст бькöшта! Ле тö зани Елйас чь кьр?~

Елйас рʹәви! Әw чу кʹурайа бәрийе у дь шкәфтеда хwә вәшарт. Ча тö дьшьрмиш дьби әw чьрʹа рʹәви?~ Бәле, әw тьрсийа. Ле Елйас гәрәке нәтьрсийа. Чьрʹа? Чьмки әwи заньбу, wәки Йаһоwа дькарьбу али wи бькьра. Һе пешийа wе йәке, Йаһоwа qәwата хwә Елйасрʹа нишан кьр. Щарәке Йаһоwа агьр жь әʹзман баранд, у бь ве йәке щаба дöайе Елйас да. Ләма ньһа жи, Йаһоwа дькарьбу али wи бькьра!

Чахе Елйас дь шкәфтеда бу, Йаһоwа тʹәви wи хәбәр да у жь wи пьрси: ‹Тö вьра чь дьки?› Елйас щаба хwә да: ‹Тʹәне әз мам жь wан мәрийа, йед кö тәрʹа qöльх дькә. У әз дьтьрсьм, чьмки мьн дьхwазьн бькöжьн›. Елйас дьшьрмиш бу, wәки һʹәму qöльхкʹаред Йаһоwа ида һатьнә кöштьне. Ле Йаһоwа готә Елйас: ‹На, әв öса нинә. Хенщи тә диса 7 000 мәрийед дьн жи һәнә, йед кö мьнрʹа qöльх дькьн у мьн дьһʹәбиньн. Мерхас бә. Щәм мьн диса гәләк шьхöл сәва тә һәйә кö бьки!› Ча тö дьшьрмиш дьби, Елйас ша бу чахе дәрһәqа ве йәке бьһист?~

Жь мәсәла Елйас тö чь дькари һин би?~ Тʹö щар нәтьрсә у дьшьрмиш нәбә wәки тö тʹәне йи. Һәвалед тә һәнә, йед кö тә у Йаһоwа һʹьз дькьн. Хенщи wе йәке, qәwата Йаһоwа зәʹф ә, у әwе һәртʹьм али тә бькә! Бәле Йаһоwа wе тʹьме тʹәви тә бә у пьштовани тә бә. Жь бо ве йәке тö бәхтәwар у ша йи?~