СӘРЕ 2

Һьндава Һәвда Амьн бьн

«Әԝед кӧ Хԝәде әԝ кьрьнә йәк, бьра мәрьв ԝан жь һәвдӧ нәԛәтинә» (Марԛос 10:9).

Йаһоԝа жь мә дәʹԝа дькә, ԝәки ԛәнщийе һʹьз бькьн (Миха 6:8). Кʹьтеба Пироз дьбежә, кӧ ԛәнщи жь һʹьзкьрьне те. У әв һʹӧнӧр мәрийа незики һәв дькә. Бь рʹастийе жи әв йәк дь зәԝащеда гәләк фәрз ә, чьмки һәрге ԛәнщи тʹӧнә бә, ԝе итʹбари жи тʹӧнә бә. У итʹбари гәләк фәрз ә, сәва кӧ һʹьзкьрьне пешда бьвьн.

Рʹожа иройин дь гәләк зәԝащада, мер у жьн амьнийе һьндава һәвда нькарьн хԝәй кьн. Ле сәва кӧ һун зәԝаща хԝә хԝәй кьн, гәрәке дӧ тьшт һьлдьн һʹәсаб.

1 ЗӘԜАЩА ХԜӘ ԚИМӘТ КЬН

КʹЬТЕБА ПИРОЗ ЧЬ ДЬБЕЖӘ: «Кʹижан һәрә ԛәнщ ә, һун ԝе бьбьжерьн» (Филипи 1:10). Зәԝаща ԝә дь әʹмьре ԝәда, әв тьштәки лапи фәрз ә. Ләма жи һежа йә, ԝәки һун зәԝаща хԝә ԛимәт кьн.

Йаһоԝа дьхԝазә, ԝәки һун дәрһәԛа жьн йан мере хԝә хәм бькьн у ԝәки тʹәвайи «жийанәк хԝәш» дәрбаз кьн (Ԝаиз 9:9). Йаһоԝа ԝәрʹа зәлал дькә, ԝәки һун гәрәке мер йан жьна хԝә тʹӧ щар ньмьз нәкьн, ле дәԝсе мәщала бьгәрʹьн сәва кӧ һәвдӧ бәхтәԝар кьн (1 Корьнтʹи 10:24). Һәврʹа бьдьнә кʹьфше, кӧ әԝ сәва ԝә пʹьрʹ бь ԛимәт ә.

А Мер жьна хԝәра ԝәхԝәрьнәки гәрм тинә; мер ԝәдьгәрә мале у дьвинә кӧ жьна ԝи хԝәрьне һазьр дьке

ЧЬ ҺУН ДЬКАРЬН БЬКЬН:

Дьшьрмиш бьн дәрһәԛа ԝе йәке, һәла һун һәр рʹож тʹәвайи ԝәʹдә дәрбаз дькьн, йан на. Мер йан жьна хԝәрʹа тʹьме ԝәʹдә бьвиньн
Тʹәвайи тьшта сафи кьн. У чахе тьштәки сафи дькьн, бежьн «әм», нә кӧ «әз»

Мер у жьн ль сәр һәԝа тәмьз ԝәдә дәрбаз дькьн

2 ДЬЛЕ ХԜӘ ХԜӘЙ КЬН

КʹЬТЕБА ПИРОЗ ЧЬ ДЬБЕЖӘ: «Кʹи бь тәме хьраб жьнәке бьньһерʹә, әԝи дьле хԝәда иди тʹәви ԝе зьнекʹари кьр» (Мәтта 5:28). Һәрге кәсәк дәрһәԛа тьштед бенамуси тʹьме дьшьрмиш дьбә, һьнге һьндава мер йан жьна хԝә әԝ амьн наминә.

Йаһоԝа дьбежә, ԝәки тӧ гәрәке «дьле хԝә бьпʹарези [хԝәй ки]» (Мәтʹәлок 4:23; Йерәмйа 17:9). Сәва кӧ бькарьбьн әве йәке бькьн, гәрәке чʹәʹве хԝә хԝәй кьн (Мәтта 5:29, 30). Пәй мәсәла Ибо пʹехәмбәр һәрʹьн, йе кӧ пәйман тʹәви чʹәʹве хԝә гьреда бу, сәва кӧ тʹӧ щар бь тәме хьраб кʹӧлфәте нәньһерʹә (Ибо 31:1). Сәрԝахт бьн у тʹӧ щар порнографийе нәньһерʹьн. Һәйнәсәр, жь ве йәке жи хԝә дур бьгьрьн, сәва кӧ һәләԛәтийа романтики ченәкьн тʹәви ԝи мәрьви, тʹәви кʹижани кӧ һун зәԝащеда ниньн.

Ль сәр сьфра хԝәй йе хәбате, мер шькьла жьна хԝә данийә

ЧЬ ҺУН ДЬКАРЬН БЬКЬН:

Һʹәмуйарʹа бьдьнә кʹьфше, ԝәки һун бь тʹәмами һьндава мер йан жьна хԝә амьн ьн
Һʹәстед һәв һьлдьн һʹәсаб, у перʹа-перʹа бьԛәтиньн һʹәму һʹәләԛәтийед хԝәйә нәщайиз, жь бо чь жи жьн йан мере ԝә дькарьн дьлтәнг бьн