ПЬРСА 5

Чь Бькьм, Һәрге Мәкʹтәбеда Ԛәрфе Хԝә Мьн Дькьн?

ЧЬРʹА ӘԜ ЙӘК ФӘРЗ Ә

Әԝ йәк ча тӧ хԝә бьди кʹьфше, дькарә дәрәща тә баш кә йан дьһа хьраб кә.

ТӦЙЕ ЧЬ БЬКИ?

Ве дәрәще бьдә бәр чʹәʹве хԝә: Томас нахԝазә һәрʹә мәкʹтәбе. Нә иро, нә жи ахьрийе. Әԝи се мәһ пешда дәстпекьр ӧса бьфькьрә, чахе һәвалед ԝи чʹьловиск у бохдана авитьнә ԝи. Паше жи дәстпекьрьн гьлийед нәбаш бежьнә ԝи. Һьнә зарʹ ԛәстра дәсте хԝә кʹьтебед ԝи дьхьстьн, кӧ жь дәсте ԝи бькʹәвә у хԝә ӧса дьданә кʹьфше, те бежи нәдхԝәстьн ӧса бькьн. Йан жи кәсәки ӧса Томас дәʹф дьда, ԝәки гава әԝ дьзьвьри нькарьбу фәʹм кьра, әԝ кʹе бу. Ле дӧһӧ, бь щурʹәки майин дәстпекьрьн сәр ԝи һʹьщум кьн. Әԝи нәʹмә станд у нәʹмеда ԝи дьданә тьрсандьне . . .

Һәрге тӧ дәԝса Томас буйайи, тәйе хԝә ча бьда кʹьфше?

БЬСӘКЬНӘ У БЬФЬКЬРӘ!

Нәфькьрә, ԝәки тӧ тьштәки нькари бьки! Тӧ дькари һәла һе бе шәрʹ-дәʹԝа жи һьмбәри ԝан дәрейи. Гәло ча?

ШӘРʹ НӘКӘ. Кʹьтеба Пирозда те готьне: «Ахмах һʹәму һерса хԝә дьдә дәр, ле йе сәрԝахт хԝәда зәфт дькә» (Мәтʹәлок 29:11). Һәрге тӧ һерса хԝә бькарьби зәфт ки, ԝи чахи әԝе кӧ тә дьхәйидинә дькарә тә бьһʹәԝә, чьмки ԝирʹа ԝе ида һʹәԝас нибә.
КʹИНЕ НӘЖО. Кʹьтеба Пирозда те готьне: «Жь бәр хьрабийева хьрабийе ль тʹӧ кәси нәкьн» (Рʹомайи 12:17). Һәрге тӧ кʹине бажойи, әԝ йәк ԝе дәрәща тә дьһа чәтьн кә.
ЖЬ ДӘРӘЩЕД ХЬРАБ ХԜӘ ДУР БЬГЬРӘ. Кʹьтеба Пирозда те готьне: «Йе аԛьл хьрабийе кӧ дьбинә һʹәвза хԝә дькә» (Мәтʹәлок 22:3). Чьԛас дькари, хԝә жь мәрьвед хоф у дәрәщед хоф дур бьгьрә.
ЩАБА ӦСА БЬДӘ ЙА КӦ ӘԜ ҺИВИЙЕ НИНӘ. Кʹьтеба Пирозда те готьне: «Щаба нәрм һерсе датинә» (Мәтʹәлок 15:1). Тӧ дькари һʹәнәка бьки. Мәсәлә һәрге ԛәрфе хԝә тә дькьн у дьбежьнә тә, ԝәки тӧ гәләк йәки хӧрт и, дькари бькʹәни у бежи: «Мәрьвед баш гәрәке зәʹф бьн!»
ДЬҺА БАШ Ә ҺӘРʹИ. Нора, йа кӧ 19 сали ә, дьбежә: «Һәрге тӧ дькари һерса хԝә контрол ки, демәк әԝ йәк дьдә кʹьфше, ԝәки тӧ мәрьвәки гьһишти йи у жь ԝи мәрьви, кʹе сәр тә дькʹәнә, дьһа ԛәԝаттьр и. Те кʹьфше, ԝәки тӧ мәрьвәки ӧса йи, кӧ дькари хԝә контрол ки, әԝе йәке нькарьн бежьн дәрһәԛа ԝи, кʹе тә дьхәйидинә» (2 Тимотʹейо 2:24).
ԚӘԜАТА ХԜӘДА ДӦДЬЛИ НӘБӘ. Әԝ мәрьв, йе кӧ тә дьхәйидинә, дькарә тʹәхмин кә, ԝәки тӧ хԝә ньмьз һʹәсаб дьки у нькари дәԝса хԝә щаба хԝә бьди. Ле һәрге тӧ изьне нәди ԝи мәрьви, кӧ тә бьдә хәйидандьне у бькарьби щаба хԝә бьди, әԝ мәрьв ԝе тә бьһʹәԝә.
КӘСӘКИРʹА ДӘРҺӘԚА ԜЕ ЙӘКЕ ГЬЛИ КӘ. Шагьртәк дьбежә: «Әз ширәте дьдьмә ԝан, кʹижана дьхәйидиньн, ԝәки әԝана дәрһәԛа ԝе йәке кәсәкирʹа гьли кьн. Әԝ йәк ԝе рʹаст бә, чьмки ӧса әԝана дькарьн йед дьн хԝәйи кьн жь ԛәрфкьрьне».

Гәде щаһьл бь мерхасийе һьмбәри ԝи дәрте, кʹе ԛәрфе хԝә ԝи дькә — Һәрге тӧ хԝәда баԝәр и, әԝ йәк ԝе ԛәԝата ӧса бьдә тә, йа кӧ тʹӧнә бал ԝи, кʹе тә дьдә хәйидандьне

ГӘЛО ТӦ ЗАНИ?

Һʹьщумкьрьн дькарә нә кӧ тʹәне физики бә, ле ӧса жи:

Һʹьщумкьрьна бь гьлийа. «Әзе тʹӧ щар бир нәкьм, ԝана бь чь щурʹә сәрнава әз нав дькьрьм у чь дәрһәԛа мьн дьготьн. Жь бо ԝан әз хԝә тʹӧ тьшт һʹәсаб нәдькьрьм. Әз дьфькьрим, ԝәки әз тʹӧ кәсирʹа нәлазьм ьм у кери тʹӧ тьшти найем. Ԝе һе баш буйа, ԝана әз бь кʹӧлма бькʹӧтам». Селина, йа кӧ 20 сали йә.
Пьшта хԝә дьдьнә мьн. «Һәвалед мьнә мәкʹтәбе хԝә дур дьгьрьн жь мьн. Әԝана хԝә ӧса дьдьнә кʹьфше, те бежи кʹидәре әԝана рʹуньшти нә у нан дьхԝьн щи тʹӧнә, ԝәки әз жи рʹунем. Саләке әз дьгьрийам у тʹәне рʹудьньштьм нан дьхԝар». Һели, йа кӧ 18 сали йә.
Бь сайа һащәтед елекроник. «Бь сайа һащәтед електроник, дькарьн наве мәрьва, щарна һәла һе әʹмьре мәрьва жи хьраб кьн. Дьԛәԝьмә чәтьн ә баԝәр кьн, ле бь рʹасти әԝ йәк ӧса йә!» Даниел, йе кӧ 14 сали йә.

**ХԜӘ БЬЩЕРʹЬБИНӘ:**
РʹАСТ Ә ЙАН НӘРʹАСТ Ә	ЩАБ
1 Ида бь һʹәзара сала мәрьв рʹасти ԛәрфкьрьне тен.	1 Рʹаст ә. Кʹьтеба Пирозда те готьне дәрһәԛа кʹомәкә мәрьва, йед кӧ һатьбун навкьрьне Нәфил, чь кӧ те һʹәсабе әԝед кӧ мәрьва давежьн, демәк беһӧрмәт дькьн у дькʹӧтьн (Дәстпебун 6:4).
2 Ԛәрфкьрьн зийане найинә. Гәрәке әԝе йәке һьлнәдьнә дьле хԝә.	2 Нәрʹаст ә. Щарна ԛәрфкьрьн дьбә мәʹнийа ԝе йәке, кӧ мәрьвед щаһьл хԝә дькӧжьн.
3 Йа лапә баш ча ԛәрфкьрьне дькари бьди сәкьнандьне әԝ ә, кӧ щаба ԝан бьди.	3 Нәрʹаст ә. Гәләк щар әԝ мәрьв, кʹе дькʹәвә кʹьре тә, жь тә ԛәԝаттьр ә, ләма жи ԝе дьһа баш бә хԝә нәки кʹьре ԝи.
4 Һәрге тӧ дьвини кӧ ԛәрфе хԝә кәсәки дькьн, ԝе баш бә бәррʹа дәрбаз би.	4 Нәрʹаст ә. Ԝе нәрʹаст бә бь исафа тʹәмьз хԝә бьди алики. Һәрге тӧ дьвини, ԝәки сәр кәсәки дькʹәньн у тӧ хԝә кәр дьки, ӧса тӧ дәрәще дьһа хьраб дьки, нә кӧ баш дьки.
5 Әԝ мәрьв, йе кӧ хԝәда баԝәр нинә, дьһа зедә хԝә ԛӧрʹә у бьльнд дькә.	5 Рʹаст ә. Әԝ мәрьв йе кӧ ԛәрфе хԝә тә дькә, йәки хԝәрʹази йә, ле нав ԝанда һәнә йед ӧса, кӧ хԝә тʹӧ тьшт һʹәсаб накьн, ләма жи әԝана йед дьн беһӧрмәт дькьн, ԝәки бь сайа ԝан хԝәда баԝәр бьн.
6 Әԝ кʹе ԛәрфе хԝә мәрьва дькә, дькарә бе гӧһастьне.	6 Рʹаст ә. Һәрге али мәрьвед ԝи щурʹәйи бькьн, әԝана дькарьн бенә гӧһастьне, чаԝа фькьред хԝәда ӧса жи кьред хԝәда.