Пешхәбәра Пʹара 9

Ве пʹареда әме пебьһʹәсьн дәрһәԛа кәчʹькәкә бьчʹук, пʹехәмбәра у пʹадша, йед кӧ амьни һьндава Йаһоԝа дьданә кʹьфше. Сурйайеда кәчʹькәкә бьчʹук һәбу у әԝ баԝәр бу, ԝәки пʹехәмбәре Йаһоԝа, дькарә Нәʹман ԛәнщ кә. Елиша пʹехәмбәр бь тʹәмами баԝәр дькьр, ԝәки Йаһоԝа дькарә ԝи жь әскәред дьжмьна хԝәй кә. Сәрәккʹаһин Йәһойад әʹмьре хԝә кьрә бьн ԛәзийе, ԝәки Йоаше бьчʹук жь дәсте пирька ԝи, Аталйа хьлаз кә. Һьзԛийа Пʹадша баԝәр дькьр, ԝәки Йаһоԝа дькарә Оршәлиме хьлаз кә, ләма жи әԝ ԛәԝи бу у хԝә сьст нәдькьр, гава Ашур пешбәри ԝан дәркʹәтьн. Йошийа Пʹадша әʹрд жь пʹутпарьстийе тʹәмьз кьр, пʹарьстгәһ сәрида ава кьр у щьмәʹт вәгәрʹандә һʹәбандьна рʹаст.