Әʹламәти сәва Һазьра

ЩЬВАТЕД МӘХСУС

QÖЛЬХКЬРЬН ЛЬ БӘЙТʹӘЛЕ Һәр qöльхкʹаре ньхöманди һʹәта 35 сали йе кö дәрһәqа qöльхкьрьна ль Бәйтʹәле дьфькьрә, дькарә бе ль сәр ве щьвате, йа кö wе рʹожа Ини паши нан хwарьне дәрбаз бә. Wәʹдә у щийе дәрбазкьрьна ве щьвате, пешда wе бе әʹламкьрьне.

МӘКʹТӘБА СӘВА МЬЗГИНДАРЕД ПʹАДШАТИЙЕ Пешәнгед жь 23 һʹәта 65 сали, йед кö дьхwазьн qöльхкьрьна хwә һе зедә кьн, тенә тʹәглифкьрьне ль сәр ве щьвате, демәк Мәкʹтәба сәва Мьзгиндаред Пʹадшатийе. Әв щьват рʹожа Ләʹде паши нан хwарьне wе дәрбаз бә. Wәʹдә у щийе дәрбазкьрьна ве щьвате, wе бе әʹламкьрьне.

ӘʹЛАМӘТИ СӘВА ҺАЗЬРА

БЬРЕД ЩАБДАР Шьхöле wан бьра әw ә, кö али мә бькьн. Ләма жи, жь кʹәрәма хwә бь тʹәмами тʹәви wан шьхöлкʹарийе бькьн у чь кö әwана дьбежьн бькьн. Мәсәлә кʹидәре авта хwә гәрәке бьдьнә сәкьнандьне, чаwа тʹәрбәтийе хwәй кьн, щийед хwә бьгьрьн у диса тьштед дьн.

НЬХÖМАНДЬН Әwед кö бенә ньхöмандьне, гәрәке рʹожа Шәʹмийе шәбәqе щийед хwә бьгьрьн wе дәре, кʹидәре кö wанарʹа һатийә кʹьфшкьрьне, сәва кö гöһ бьдьнә готара ньхöмандьне. Һәр кәс жь wана гәрәке тʹәви хwә пʹежгир у кʹьнще лайиq сәва ньхöмандьне бинә.

QÖРБАНКЬРЬН Ль сәр щьвата мәзьн епʹещә щийед сәва рʹуньштандьне һәнә, һʹащәтед дәнгбьһистьне у öса жи тьштед дьн. Әв һʹәму тьшт бь рʹасти жи хәрщава гьредайи нә. Чь жи һәбә әwед кö тенә ль сәр щьвата мәзьн, wанарʹа хwәш те һазьр бьн сәр ве щьвате. Чьмки әв йәк али мә дькә һе незики Йаһоwа бьн. Qöрбанед wәйә рʹәзәдьли аликʹарийе дьдьн, wәки хәрщед кö дәрбазкьрьна щьвата мәзьнва гьредайи нә, бенә дадане. Әв öса жи пьштгьрийа шьхöле мәйә һʹәмдьнйайе дькә. Qöтʹийед сәва qöрбанкьрьне һун дькарьн һеса дь ода щьвата мәзьнда бьвиньн, әwана öса жи бь нишана һатьнә кʹьфшкьрьне. Һʹәму qöрбанкьрьнед wә пʹьр тенә qимәткьрьне. Кʹома Рʹебәрийе рʹазибуна хwә һьндава wә һʹәмушка дьдә кʹьфше, кö һун бь мәрдани пьштгьрийа шьхöле Пʹадшатийе дькьн.

АЛИКʹАРИЙА ПЕШЬН Жь кʹәрәма хwә бира хwәда хwәй кьн, кö ль wьр ТʹӘНЕ АЛИКʹАРИЙА БЬ ЛӘЗ дьдьн.

ИДАРА ТЬШТЕД ÖНДАКЬРИ Һʹәму тьштед öндакьри, йед кö һатьнә дитьне, гәрәке биньн ве Идаре. Һәрге wә тьштәк öнда кьр, жь кʹәрәма хwә wәрен ве Идаре у тьштед хwә бьвиньн. Зарʹед кö һатьнә öндакьрьне, öса жи гәрәке биньн ве Идаре. Ле бира хwәда хwәй кьн wәки әва әw щи нинә кʹидәре кö зарʹ дькарьн хwәрʹа тʹоп бьн. Жь кʹәрәма хwә мьqати зарʹед хwә бьн у бьра гöһе wә ль сәр wе йәке бә, кö әwана кʹеләка wә бьн.

ЩИЙЕ РʹУНЬШТАНДЬНЕ Жь кʹәрәма хwә һьндава йед дьнена жи бәрбьһер бьн. Щи тʹәне сәва wан мәрийа һун дькарьн бьгьрьн, йед кö тʹәви wә автеда һатьнә, йан жи әwед кö тʹәви wә дьминьн, йан жи сәва wан тʹәви кʹижана кö һун ньһа һинкьрьна Кʹьтеба Пироз дәрбаз дькьн. Жь кʹәрәма хwә ль сәр щийе кʹеләка хwә, тʹö тьшт нәһельн сәва кö йед дьнена бьвиньн wәки әw щи вала йә, у бькарьбьн хwәрʹа щи бьгьрьн.

QÖЛЬХИЙА РʹӘЗӘДЬЛИ Һәрге һун дьхwазьн аликʹарийе бьдьнә шьхöле кö дәрбазкьрьна щьвата мәзьнва гьредайи йә, дькарьн незики Идара Әʹламәтийа у Qöльхийа Рʹәзәдьли бьн.