ДӘРСА 22
Тӧ Ча Дькари Мьзгинийа Хере Бәла ки?
Тӧ чьԛас һе зедә Кʹьтеба Пироз һин дьби, һаԛас һе зедә фәʹм дьки ԝәки һʹәму мәрьв гәрәке әве рʹастийе пебьһʹәсьн. Ле дьбәкә тӧ бәрхԝә дькʹәви кӧ ча мәрьварʹа гьли ки дәрһәԛа ве йәке, чь кӧ тӧ пеһʹәсийайи. Ԝәрә әм шеԝьр кьн кӧ чь бькьн, ԝәки бәрхԝә нәкʹәвьн у бь шабуне мьзгинийа хере бәла кьн.
1. Тӧ ча дькари мьзгинийе гьли ки ԝан мәрьварʹа, кʹижана тӧ нас дьки?
Шагьртед Иса готьн: «Әм нькарьн бона ԝан тьштед кӧ мә хԝәха дитьн у бьһистьн нәкьнә дәнги» (Кʹаред Шандийа 4:20). Ԝана рʹастийа Кʹьтеба Пироз ӧса ԛимәт дькьр, кӧ дьхԝәстьн чьԛас дькарьн һе зедә мәрьварʹа гьли кьн. Һәрге хԝәстьна тә жи ӧса һәйә, мәщала жь дәсте хԝә бәрнәдә кӧ бь ԛәдьр нәфәред хԝәрʹа у һәвалед хԝәрʹа гьли ки ве йәке, чь кӧ тӧ пеһʹәсийайи (Бьхунә Колоси 4:6.)
Һьнә мәсәлә кӧ ча хәбәрдане дәстпекьн
Сәва тʹәви нәфәред хԝә дәстпеки дәрһәԛа Кʹьтеба Пироз хәбәр ди, тӧ дькари ӧса бежи: «Әз ԝе һʹәфтийе тьштәки һʹәԝас пеһʹәсийам».
Һәвале хԝәрʹа йе кӧ нәхԝәш ә йан жи бәрхԝә дькʹәвә, рʹезәкә ӧса бьхунә, ԝәки ԝи ԛәԝи ки.
Чахе һәвалкʹаре тә жь тә дьпьрсә тӧ чаԝа ни, ԛә чь һәйә чь тʹӧнә, һьнге жерʹа гьли кә кӧ тӧ ԝәʹде һинбуна Кʹьтеба Пироз йан жи щьватеда, чь пеһʹәсийайи.
Малпәра мә jw.org нишани һәвалед хԝә кә.
Мәрьва тʹәглифи сәр һинбуна хԝәйә Кʹьтеба Пироз кә, йан жи нишани ԝан кә, кӧ әԝана ча дькарьн хԝәха бь сайа малпәра jw.org бьхԝазьн, ԝәки тʹәви ԝан һинбуне дәрбаз кьн.
2. Чьрʹа ԝе баш бә нете дайни пешийа хԝә кӧ тʹәви щьвате хьзмәт ки?
Шагьртед Иса нә тʹәне насед хԝәрʹа шәʹдәти дьдан, ле һʹәму мәрьварʹа. Иса «әԝана дӧдӧ-дӧдӧ пешийа хԝәва шандьнә . . . щи у бажара» (Луԛа 10:1). Бь сайа ԝе йәке, гәләк мәрьва мьзгинийа хере бьһистьн. Чахе шагьртед Иса тʹәвайи мьзгини бәла дькьрьн, ԝана шабунәкә мәзьн дьстанд (Луԛа 10:17). Ле тӧ дькари тʹәви щьвате һәвкʹарийе бьки, демәк мьзгинийе бәла ки?
КʹУР ЛЕКОЛИН КӘ
Пебьһʹәсә тӧ чь дькари бьки, ԝәки зәʹф бәрхԝә нәкʹәви у жь бәлакьрьна мьзгинийе шабуне бьстини.
3. Йаһоԝа ԝе али тә бькә
Һьнәк дьтьрсьн шәʹдәтийе бьдьн, чьмки бәрхԝәдькʹәвьн кӧ мәрьв ԝе дәрһәԛа ԝан чь бьфькьрьн, йан жи ԝе ча хԝә бьдьнә кʹьфше.
Ле тәрʹа чәтьн ә чь кӧ педьһʹәси, мәрьварʹа гьли ки? Шьровәкә.
Вехә ВИДЕО, у паше әве пьрсе шеԝьр кә:
Шәʹдед Йаһоԝайи щаһьл чь кьрьн, ԝәки бәрхԝә нәкʹәвьн?
Бьхунә Ишайа 41:10, у паше әве пьрсе шеԝьр кә:
Чьрʹа гәрәке дӧа бьки чахе дьтьрси мьзгинийе бәла ки?
Ԝә заньбу?
Гәләк Шәʹдед Йаһоԝа ԝәʹдәки дьфькьрин, ԝәки ԝе тʹӧ щар нәԝерьбьн мьзгинийе бәла кьн. Мәсәлә, Сергейрʹа чәтьн бу тʹәви мәрьва хәбәр дә, чьмки әԝи хԝә бекер һʹәсаб дькьр. Ԝәʹдә шунда әԝи һинбуна Кʹьтеба Пироз дәстпекьр. Әԝ дьбежә: «Рʹаст ә тьрса мьн һәбу, ле мьн дәстпекьр мәрьварʹа гьли кьм ве йәке, чь кӧ педьһʹәсийам. Рʹаст бежьм, һәма әве йәке али мьн кьр, ԝәки хԝә керһати һʹәсаб кьм у ӧса жи баԝәрийа мьн гәләк ԛәԝи бу».
4. Бь ԛәдьр бә
Пешийа кӧ мәрьварʹа мьзгинийе гьли ки, бьфькьрә нә кӧ тʹәне дәрһәԛа ве йәке кӧ тӧйе чь бежи, ле ӧса жи тӧйе ча бежи. Бьхунә 2 Тимотʹейо 2:24 у 1 Пәтрус 3:15, у паше ван пьрса шеԝьр кә:
Тӧ ча дькари ԝан рʹеза бьди хәбате чахе тʹәви мәрьва дәрһәԛа Кʹьтеба Пироз хәбәр дьди?
Тӧ ча гәрәке хԝә бьди кʹьфше һәрге кәсәк жь нәфәред тә йан жи һәвалед тә тʹәви тә ԛайил ниньн? Тӧ чь гәрәке нәки?
Чьрʹа дәԝса кӧ зоре мәрьва бьки, ԝәки бенә сәр фькьред тә, дьһа баш ә бь тактики пьрса бьди ԝан?
5. Бәлакьрьна мьзгинийе шабуне тинә
Йаһоԝа шьхӧл дабу Иса, ԝәки мьзгинийе бәла кә. Иса ча хԝә да кʹьфше һьндава ԝи шьхӧли? Бьхунә Йуһʹәнна 4:34, у паше ван пьрса шеԝьр кә:
Чахе әм хԝарьна керһати дьхԝьн, әм ԛәԝи дьбьн у шабуне дьстиньн. Чьрʹа Иса ԛәдандьна ԛьрара Хԝәде, демәк ӧса жи бәлакьрьна мьзгинийе, бәрамбәри нанхԝарьне кьр?
Бь тʹәхмина тә, чьрʹа бәлакьрьна мьзгинийе шабуне тинә?
Ширәт
Чахе щьватеда пе дәрса дәртен, дина хԝә бьде кӧ ча тʹәви мәрьва хәбәрдане дәстпедькьн.
Нете дайнә пешийа хԝә, ԝәки щьватеда пе дәрсе дәркʹәви. Әԝ йәк ԝе али тә бькә кӧ һеса тʹәви мәрьва хәбәр ди дәрһәԛа ԝе йәке, чь кӧ педьһʹәси.
Бьдә хәбате чаргоша ве кʹьтебеда, наве кʹижане йә «Һьнә Мәрьв Дьбежьн» йан жи «Дьбәкә Һьнә Мәрьв Пьрсәкә Ӧса Бьдьн», ԝәки һин би щаба ԝан пьрса бьди, кʹижан кӧ мәрьв гәләк щар дьдьн.
ДЬБӘКӘ ҺЬНӘ МӘРЬВ ПЬРСӘКӘ ӦСА БЬДЬН: «Ԛә чаԝа ни?»
Тӧ ча дькари әве мәщале бьди хәбате, ԝәки ԝи мәрьвирʹа гьли ки, кӧ тӧ ԝәʹде һинбуна Кʹьтеба Пироз чь пеһʹәсийайи?
ТʹӘМАМКЬРЬН
Бәлакьрьна мьзгинийе шабуне тинә у дәстпекьрьна хәбәрдане дькарә дьһа һеса бә, нә кӧ ча тӧ дьфькьри.
Ԝәкʹьландьн
Чьрʹа әм гәрәке мьзгинийе мәрьварʹа гьли кьн?
Тӧ ча дькари ве йәке бь ԛәдьр бьки?
Тӧ чь дькари бьки, ԝәки тьрса хԝә бьди һьлдане?
ҺЕ ЗЕДӘ ПЕБЬҺʹӘСӘ
Бьфькьрә кӧ тӧ ча дькари пе карта jw.org, бь чар метода мьзгинийе бәла ки.
Пебьһʹәсә кӧ бәлакьрьна мьзгинийеда кʹижан һʹӧнӧр ԝе али тә бькьн.
«Гәло Тӧ Һазьр и кӧ Бьби ‹Мәʹсигьр›?» («Бьрща Ԛәрәԝьлийе», Илон, 2020)
Бьньһерʹә ча мәсәла жь Кʹьтеба Пироз дькарә мерхасийе бьдә мә һʹәмуйа, чаԝа бьчʹука ӧса жи мәзьна.
Пебьһʹәсә ча тӧ дькари нәфәред мала хԝәрʹа, йед кӧ Йаһоԝа рʹьнд нас накьн, дәрһәԛа Кʹьтеба Пироз гьли ки.
«Ча Хәбәра Хԝәде Бьгьһиньн Дьле Мәрьвед Хԝәйә Нәбаԝәр» («Бьрща Ԛәрәԝьлийе», 15 Адаре, 2014)