Чьма Гәрәке Хԝә Тʹәсмили Хԝәде кьн у Бенә Ньхӧмандьне?

Чахе әм дьхԝазьн хԝә тʹәсмили Йаһоԝа бькьн, әм бь дӧа соз дьдьнә ԝи, ԝәки тʹәне ԝи бьһʹәбиньн у жийина хԝәда ԛьрара ԝи дайньн щийе пешьн (Зәбур 40:8). Паше әм тенә ньхӧмандьне. Ӧса әм мәрьварʹа дьдьнә кʹьфше, кӧ мә хԝә тʹәсмили Йаһоԝа кьрийә. Әва әʹмьре мәда сафикьрьнәкә лапә фәрз ә. Гәло чь мә һелан дькә әве гаве бавежьн, йа кӧ жийина мә педа дьгӧһезә.

1. Чь мә һелан дькә, кӧ хԝә тʹәсмили Йаһоԝа кьн?

Һʹьзкьрьна мәйә һьндава Йаһоԝа мә һелан дькә, ԝәки хԝә тʹәсмили ԝи кьн (1 Йуһʹәнна 4:10, 19). Кʹьтеба Пирозда ньвисар ә: «Хӧдан Хԝәдейе хԝә һʹьз бькә, бь тʹәмамийа дьле хԝә, бь тʹәмамийа щанийа хԝә, бь тʹәмамийа һʹьше хԝә у бь тʹәмамийа ԛәԝата хԝә» (Марԛос 12:30). Әм нә тʹәне бь зар-зьмане хԝә һʹьзкьрьна хԝә һьндава Хԝәде дьдьнә кʹьфше, ле ӧса жи бь кьред хԝә. Анәгори ԝе йәке, ча һʹьзкьрьн дӧ мәрийа һелан дькә һәв бьстиньн, һʹьзкьрьна һьндава Йаһоԝа жи мә һелан дькә, ԝәки хԝә тʹәсмили ԝи бькьн у бенә ньхӧмандьне.

2. Йаһоԝа чь соз дьдә хьзмәткʹаред хԝәйи ньхӧманди?

Чахе тӧ бейи ньхӧмандьне, тӧйе бьби әндәме малбәта Йаһоԝайә бәхтәԝар. Паше тӧйе һʹәму алийава һʹьзкьрьна ԝи сәр хԝә тʹәхмин ки у дьһа незики ԝи би (Бьхунә Малахи 3:16-18.) Хенщи ԝе йәке, Йаһоԝа дьбә Баве тәйи әʹзмани у тӧ малбәтәкә рʹӧһʹани ԛазанщ дьки, кʹижанеда мәрьвед жь щурʹә-щурʹә мьләта нә. У әԝана һьм Йаһоԝа һьм жи тә һʹьз дькьн (Бьхунә Марԛос 10:29, 30.) Һәмьки пешийа кӧ бейи ньхӧмандьне, тӧ гәрәке һьнә тьшт бьки. Тӧ гәрәке дәрһәԛа Йаһоԝа пебьһʹәси, ԝи һʹьз бьки, у баԝәрийа хԝә Кӧрʹе ԝи бини. Паше ида тӧ дькари жийина хԝә тʹәсмили Йаһоԝа ки. Һәрге тӧ ԝан тьшта бьки у бейи ньхӧмандьне, тӧйе һʹәта-һʹәтайе жийинерʹа ша би. Хәбәра Хԝәдеда те готьне, ԝәки ньхӧмандьн «ԝә хьлаз дькә» (1 Пәтрус 3:21).

КʹУР ЛЕКОЛИН КӘ

3. Һәр кәс жь мә гәрәке сафи кә кʹерʹа хьзмәт кә

Исраела бәреда һьнә мәрьв дьфькьрин, кӧ дькарьн һьм Йаһоԝа бьһʹәбиньн, һьм жи хӧдане ԛәлп, Баәʹл. Ле Йаһоԝа пʹехәмбәре хԝә Елйас шанд, ԝәки али ԝан бькә, кӧ ньһерʹандьна хԝә рʹаст кьн. Бьхунә 1 Пʹадшати 18:21, у паше әве пьрсе шеԝьр кә:

• Исраелийа кʹижан бьжартьн гәрәке бькьрана?

Чаԝа кӧ Исраелийа гәрәке сафи кьрана кʹерʹа хьзмәт кьн, ӧса жи әм гәрәке сафикьрьне бькьн. Бьхунә Луԛа 16:13, у паше ван пьрса шеԝьр кә:

• Әм чьма нькарьн һьм Йаһоԝа, һьм жи кәсәки дьн йан жи тьштәки бьһʹәбиньн?

• Әм ча дькарьн Йаһоԝарʹа бьдьнә кʹьфше, кӧ мә ԝи бьжартийә?

4. Дәрһәԛа һʹьзкьрьна Йаһоԝа бьфькьрә

Йаһоԝа гәләк пʹешкʹешед ԛимәт дайә мә. Ле гәло әм чь дькарьн бьдьнә ԝи? Вехә ВИДЕО.

ВИДЕО: «Дийарийед Хԝә Пʹешкʹеши Хԝәде Бькьн» (3:04)

Йаһоԝа чь щурʹәйи һʹьзкьрьна хԝә һьндава тәда дьдә кʹьфше? Бьхунә Зәбур 104:14, 15 у 1 Йуһʹәнна 4:9, 10, у паше ван пьрса шеԝьр кә:

• Тӧ илаһи сәва кʹижан пʹешкʹеша жь Йаһоԝа рʹази йи?

• Әв пʹешкʹеш тәрʹа дәрһәԛа Йаһоԝа чь әʹйан дькьн?

Чахе әм пʹешкʹешәкә кӧ гәләк мә хԝәш те, дьстиньн, әм дьхԝазьн рʹазибуна хԝә ԝи мәрьвирʹа бьдьнә кʹьфше, йе кӧ әв пʹешкʹеш дайә мә. Бьхунә Ԛануна Дӧщари 16:17, у паше әве пьрсе шеԝьр кә:

• Чахе тӧ дәрһәԛа һәр тьштед кӧ Йаһоԝа бона тә кьрийә, дьфькьри, һьнге тӧ һелан дьби чь бьди Йаһоԝа?

5. Тʹәсмилбуйин гәләк кʹәрәма тинә

ВИДЕО: «Мьн Бе Футбол Нькарьбу Бьжита» (5:45)

• Чаԝа жь видеойе һатә кʹьфше, чьма футболчи тʹәрка карийера хԝәйә һʹьзкьри да?

• Әԝи сафи кьр хԝә тʹәсмили Йаһоԝа бькә, нә кӧ тʹәсмили футболе. Бь тʹәхмина тә сафикьрьна ԝи рʹаст бу? Чьма ӧса дьфькьри?

Паԝлосе шанди пешийа кӧ бьбуйа Мәсиһи, һәр тьшт дькьр кӧ пешда һәрʹә у бьбә йәки навдар. Әԝ щәм мамостәки нав у дәнг ԛануна Щьһуйа һин дьбу. Ле сәва кӧ Паԝлос бьбуйа Мәсиһи, тʹәрка ве йәке да. Гәло әԝ паше бона сафикьрьна хԝә ԛә пʹошман бу? Бьхунә Филипи 3:8, у паше ван пьрса шеԝьр кә:

• Чьма Паԝлос кьред хԝәйә бәре, ча «гәмар һʹәсаб» кьр?

• Әԝи дәԝсе чь ԛазанч кьр?

• Тӧ ча дькари хьзмәткьрьна Йаһоԝа бәрамбәри ԝан тьшта бьки, чь кӧ тә пьшт хԝәва һиштийә?

ТʹӘМАМКЬРЬН

Һʹьзкьрьн мә һелан дькә хԝә тʹәсмили Йаһоԝа кьн у бенә ньхӧмандьне.

Ԝәкʹьландьн

• Чьма Йаһоԝа һежа йә, кӧ әм ԝи һʹьз кьн у бьһʹәбиньн?

• Йаһоԝа хьзмәткʹаред хԝәйи ньхӧманди чаԝа хәлат дькә?

• Тӧ дьхԝази хԝә тʹәсмили Йаһоԝа ки?

ҺЕ ЗЕДӘ ПЕБЬҺʹӘСӘ

Пебьһʹәсә, кӧ чьма сазбәндәке у спортсменәки сафи кьрьн хԝә тʹәсмили Йаһоԝа кьн.

«Пьрсед Щаһьла, Жийина Хԝә Тʹәсмили Чь Бькьм?; Жийина Бәре» (6:54)

Шеԝьр кә мәʹнийед зедә, кӧ чьма гәрәке хԝә тʹәсмили Йаһоԝа кьн.

«Чьрʹа Гәрәке Әʹмьре Хԝә Тʹәсмили Йаһоԝа кьн?» («Бьрща Ԛәрәԝьлийе», 15 Чьләйе, 2010)

Ве видео-мьԛамеда дина хԝә бьдә шабуна ԝан мәрийа, йед кӧ хԝә тʹәсмили Йаһоԝа кьрьнә.

«Әз Әʹмьре Хԝә Тʹәсмили Тә Дькьм» (4:30)

Ве сәрһатийеда: «Әз бь Сала Дәрһәԛа Нета Әʹмьр Дьфькьрим», дина хԝә бьде, чь кʹӧлфәтәке һелан кьр ԝәки бьфькьрә, кӧ чь бона ԝе дьһа фәрз ә.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Мьждаре, 2012)