ДӘРСА 54
«Хӧламе Амьн у Сәрԝахт» Чь Шьхӧли Дькә?
Иса Сәре щьвата Мәсиһийа йә (Әфәси 5:23). Иро Иса бь сайа «хӧламе амьн у сәрԝахт» жь әʹзмен рʹебәрийе пәйчуйед хԝә дькә (Бьхунә Мәтта 24:45.) Иса Мәсиһ әв «хӧлам» кʹьфш кьрийә, у изьн дайә ԝи, ԝәки һьнә сафикьрьна бькә, ле диса жи әв хӧлам гӧрʹа Исада нә у бьред Исарʹа хӧламтийе дькә. Гәло кʹи йә әв хӧлам? Әԝ хӧлам чь щурʹәйи бона мә хәм дькә?
1. Кʹи йә «хӧламе амьн у сәрԝахт»?
Бәре, Йаһоԝа тʹьме бь аликʹарийа мерәки йан чәнд мера, рʹебәри щьмәʹта хԝә дькьр (Малахи 2:7; Ибрани 1:1). Паши мьрьна Иса, шагьрта у рʹуспийед Оршәлиме рʹебәри щьвате дькьрьн (Кʹаред Шандийа 15:2). Иро жи Кʹома Рʹебәрийе, кʹижан кӧ кʹомәкә бьчʹукә жь рʹуспийа йә, хԝарьна рʹӧһʹани дьдә мә у рʹебәрийе шьхӧле бәлакьрьна мьзгинийе дькә. Әв кʹом һәйә «хӧламе амьн у сәрԝахт», кʹижани кӧ Иса кʹьфш кьр (Мәтта 24:45а). Һʹәму әндәмед Кʹома Рʹебәрийе, Мәсиһийед бь рʹӧһʹ кʹьфшкьри нә, йед кӧ паши мьрьне, ԝе тʹәви Иса Пʹадшатийа әʹзманида сәрԝертийе бькьн.
2. Хӧламе амьн чь щурʹәйи хԝарьна рʹӧһʹани дьдә?
Иса гот кӧ хӧламе амьн ԝе, «ԝәхтда хԝарьна ԝан [Мәсиһийа] бьдә ԝан» (Мәтта 24:45б). Чаԝа хԝарьн али мә дькә әм сьһʹәт-ԛәԝат бьн, ӧса жи хԝарьна рʹӧһʹани, демәк ширәт у рʹебәрийед жь Хәбәра Хԝәде, ԛәԝате дьдьнә мә, кӧ бькарьбьн Йаһоԝарʹа амьн бьминьн у ԝи шьхӧли бькьн, кʹижан кӧ Иса мәрʹа кʹьфш кьрийә (1 Тимотʹейо 4:6). Әве хԝарьна рʹӧһʹани әм дьстиньн бь сайа щьвата, щьватед мәзьн, әʹдәбйәтед сәр һʹиме Кʹьтеба Пироз у видеойа, кʹижан кӧ али мә дькьн ԛьрара Хԝәде фәʹм бькьн у достийа хԝә тʹәви Ԝи ԛәԝи кьн.
КʹУР ЛЕКОЛИН КӘ
Пебьһʹәсә, кӧ чьма Иса «хӧламе амьн у сәрԝахт», демәк Кʹома Рʹебәрийе кʹьфш кьр.
«Хӧламе амьн», хԝарьна рʹӧһʹани, рʹебәрийе у аликʹарийа керһати дьдә Шәʹдед Йаһоԝа нав тʹәмамийа дьнйайе
3. Щьмәʹта Йаһоԝа гәрәке бь организә бә
Кʹома Рʹебәрийе бьн рʹебәрийа Исада шьхӧле тʹәшкиләта Шәʹдед Йаһоԝа организә дькә. Мина ве йәке ԛьрʹна йәкеда жи Иса рʹебәри щьвате дькьр. Вехә ВИДЕО.
Бьхунә 1 Корьнтʹи 14:33, 40, у паше әве пьрсе шеԝьр кә:
Чаԝа әв рʹез дьдьнә кʹьфше, кӧ Йаһоԝа дьхԝазә, ԝәки щьмәʹта ԝи бь организә бә?
4. Хӧламе амьн шьхӧле бәлакьрьна мьзгинийе организә дькә
Шьхӧле Мәсиһийед ԛьрʹна йәке, йа лапә фәрз бәлакьрьна мьзгинийе бу. Бьхунә Кʹаред Шандийа 8:14, 25, у паше ван пьрса шеԝьр кә:
Ԛьрʹна йәкеда кʹе рʹебәри шьхӧле бәлакьрьна мьзгинийа хере дькьр?
Пәтрус у Йуһʹәнна ча хԝә данә кʹьфше, чахе жь шандийед дьн рʹебәри стандьн?
Кʹома Рʹебәрийе, рʹебәрийа шьхӧләкә гәләк фәрз дькә, әв һәйә бәлакьрьна мьзгинийе. Вехә ВИДЕО.
Иса дина хԝә да фәрзбуна бәлакьрьна мьзгинийе. Бьхунә Марԛос 13:10, у паше ван пьрса шеԝьр кә:
Чьма Кʹома Рʹебәрийе, бәлакьрьна мьзгинийе фәрз һʹәсаб дькә?
Чьма мәйе нькарьбуйа бейи «хӧламе амьн у сәрԝахт» әв шьхӧле һʹәмдьнйайе бьанийа сери?
5. Хӧламе амьн рʹебәрийе дьдә
Кʹома Рʹебәрийе нав тʹәмамийа дьнйайе рʹебәрийа Мәсиһийа дькә. Ле әԝана ча тедәрдьхьн, ԝәки кʹижан рʹебәрийе бьдьн? Ԝәрә әм шеԝьр кьн, ԝәки ԛьрʹна йәкеда Кʹома Рʹебәрийе ча әв йәк дькьр. Бьхунә Кʹаред Шандийа 15:1, 2, у паше ван пьрса шеԝьр кә:
Бона чь һьнә Мәсиһийед ԛьрʹна йәке һәврʹа кʹәтьнә дәʹԝ-дозе?
Паԝлос, Барнабас у йед дьн чунә щәм кʹе, сәва әве пьрсе сафи кьн?
Бьхунә Кʹаред Шандийа 15:12-18, 23-29, у паше әве пьрсе шеԝьр кә:
Кʹома Рʹебәрийе пешийа кӧ тьштәки сафи кә, сәр чь дьфькьрә, ԝәки рʹебәрийа Хԝәде бьстинә? (Бьньһерʹә рʹезед 12, 15 у 28.)
Бьхунә Кʹаред Шандийа 15:30, 31 у 16:4, 5, у паше ван пьрса шеԝьр кә:
Мәсиһийед ԛьрʹна йәке хԝә ча данә кʹьфше һьндава рʹебәрийа Кʹома Рʹебәрийе?
Йаһоԝа бона гӧһдарийа ԝан, ча әԝана кʹәрәм кьрьн?
Бьхунә 2 Тимотʹейо 3:16 у Аԛуб 1:5, у паше әве пьрсе шеԝьр кә:
Иро Кʹома Рʹебәрийе сәва кӧ тьштәки сафи кә, кʹидәре рʹебәрийе дьгәрʹә?
ҺЬНӘ МӘРЬВ ДЬБЕЖЬН: «Һәрге тӧ гӧрʹа Кʹома Рʹебәрийе дьки, тӧ дькʹәви бьн рʹебәрийа мәрьва.»
Чь тә дьдә баԝәркьрьне, ԝәки Иса рʹебәрийа Кʹома Рʹебәрийе дькә?
ТʹӘМАМКЬРЬН
Иса кʹьфш кьрийә Кʹома Рʹебәрийе, кʹижан кӧ «хӧламе амьн у сәрԝахт» ә. Әв хӧлам рʹебәрийе у хԝарьна рʹӧһʹани дьдә Мәсиһийед нав тʹәмамийа дьнйайе.
Ԝәкʹьландьн
Кʹи «хӧламе амьн у сәрԝахт» кʹьфш кьрийә?
Кʹома Рʹебәрийе чь щурʹәйи бона мә хәм дькә?
Тӧ баԝәр дьки, ԝәки Кʹома Рʹебәрийе, «хӧламе амьн у сәрԝахт» ә?
ҺЕ ЗЕДӘ ПЕБЬҺʹӘСӘ
Пебьһʹәсә, ԝәки Кʹома Рʹебәрийе ча организәкьри йә.
«Чь йә Кʹома Рʹебәрийе йа Шәʹдед Йаһоԝа?» (Готара жь малпәре)
Пебьһʹәсә, ԝәки Кʹома Рʹебәрийе чь дькә, сәва кӧ әʹламәтийед әʹдәбйәтед мәда рʹаст у бь итʹбар бьн?
Әндәмед Кʹома Рʹебәрийе ча хԝә дьдьнә кʹьфше, һьндава ԝи шьхӧли, кʹижан кӧ Иса дайә ԝан?
«Бона Мә Ԛәдьрәки Мәзьн ә Ча Хӧламе Йаһоԝа Хьзмәт кьн» (7:04)
Чь щурʹәйи щьват у щьватед мәйә мәзьн избат дькьн, кӧ Йаһоԝа рʹебәрийа «хӧламе амьн» дькә?