Йәктийа Щьвате Хԝәй кьн

Чахе әм тʹәви хушк-бьра нә, әм хԝә мина Даԝьд Пʹадша тʹәхмин дькьн, йе кӧ гот: «Чаԝа ԛәнщ ә, чаԝа хԝәш ә, кӧ бьра һәврʹа йәктийеда нә!» (Зәбур 133:1). Йәктийа мә бь хԝә пешда найе. Ле һәр кәс жь мә ԛәԝате дьдә хәбате, ԝәки йәктийе хԝәй кә.

1. Щьмәʹта Хԝәде чьда щӧдә дьбә?

Һәрге ԝәлатәки дьнда тӧ һәрʹи сәр щьватед мә, дьбәкә тӧ зьмане ԝан ньзаньби, ле диса жи тӧйе хԝә аза у ча нава нәфәред хԝәда тʹәхмин ки. Чьма? Чьмки әʹдәбйәтед мәйә бона леколина Кʹьтеба Пироз, һʹәму дәра йәк ьн. Һьм жи әм һәр тьшти дькьн, ԝәки һьндава һәвда һʹьзкьрьне бьдьнә кʹьфше. Фьрԛи тʹӧнә әм кʹидәре дьжин, әм гьшк «бь дьләки» Йаһоԝарʹа хьзмәт дькьн (Сефанйа 3:9).

2. Тӧ ча дькари йәктийе хԝәй ки?

«Һәвдӧ ԛайим һʹьз бькьн» (1 Пәтрус 1:22). Тӧ ча дькари әве ширәте бьди хәбате? Дәԝса кӧ дина хԝә бьди кемасийед мәрьва, хәйсәт-һʹӧнӧред баш нав ԝанда бьгәрʹә. У сәва кӧ тʹәви мәрьвед мина хԝә тʹәне һәвалтийе нәки, ԝе баш бә насийа хԝә бьди ԝан хушк-бьра, кʹижан кӧ жь тә щӧдә дьбьн. Әм ӧса жи гәрәке сәр хԝә бьхәбьтьн, ԝәки фьрԛийе нәкьнә нава мәрьва (Бьхунә 1 Пәтрус 2:17.)a

3. Тӧйе чь бьки һәрге ортʹа тә у кәсәкида нәфәʹмкьрьн һәбә?

Рʹаст ә әм нәԛәданди нә, ле диса жи йәктийеда ньн. Щарна әм дьле һәв дешиньн, ләма жи Хәбәра Хԝәдеда те готьне: «Ль һәв бьбахшиньн, . . . чаԝа Хӧдан бахшандә ԝә, һун жи ӧса бьбахшиньнә һәв» (Бьхунә Колоси 3:13.) Әм гәләк щар дьле Йаһоԝа дешиньн, ле йәкә әԝ дьбахшинә мә. Әԝ дьхԝазә ԝәки әм жи бьбахшиньнә хушк-бьред хԝә. Һәрге тӧ дьвини кӧ тә дьле кәсәки ешандийә, гава пешьн бавежә ԝәки тʹәви ԝи мәрьви ль һәв бейи (Бьхунә Мәтта 5:23, 24.)b

КʹУР ЛЕКОЛИН КӘ

4. Фьрԛийе нәкә ортʹа мәрьва

Әм дьхԝазьн һʹәму хушк-бьра һʹьз бькьн. Ле дьԛәԝьмә мәрʹа чәтьн бә ԝан мәрийа һʹьз бькьн, йед кӧ жь мә щӧдә дьбьн. Ве йәкеда чь дькарә али мә бькә? Бьхунә Кʹаред Шандийа 10:34, 35, у паше щаба ван пьрса бьдә:

• Йаһоԝа мәщале дьдә һʹәму мәрийа, ԝәки ԝирʹа хьзмәт кьн. Әԝ йәк ча дькарә һʹӧкӧм бә сәр ньһерʹандьна тә һьндава ԝан мәрьва, йед кӧ жь тә щӧдә дьбьн?

• Жь чь те кʹьфше кӧ мьһала тәда фьрԛийе дькьнә ортʹа мәрьва?

Бьхунә 2 Корьнтʹи 6:11-13, у паше әве пьрсе шеԝьр кә:

• Тӧ чь дькари бьки ԝәки хушк-бьра һе зедә һʹьз бьки?

5. Һәв бьбахшиньн у әʹдьлайе хԝәй кьн

Рʹаст ә Йаһоԝа һʹәԝще бахшандьна мә нинә, ле диса жи һазьр ә бь дьл бьбахшинә мә. Бьхунә Зәбур 86:5, у паше ван пьрса шеԝьр кә:

• Әм чь дькарьн бежьн дәрһәԛа бахшандьна Йаһоԝа?

• Тӧ чьрʹа рʹази йи бона бахшандьна Йаһоԝа?

• Жь бо кʹижан дәрәща мәрʹа дькарә чәтьн бә тʹәви хушк-бьра әʹдьлайе хԝәй кьн?

Әм ча дькарьн чʹәʹв бьдьнә Йаһоԝа у тʹәви хушк-бьра йәктийеда бьн? Бьхунә Мәтʹәлок 19:11, у паше әве пьрсе шеԝьр кә:

• Һәрге кәсәк тә дьдә хәйдандьне, тӧ чь дькари бьки ԝәки һун һәврʹа баш бьн?

Щарна әм мәрийа дьдьнә хәйдандьне. Ԝи чахи әм чь гәрәке бькьн? Вехә ВИДЕО, у паше әве пьрсе шеԝьр кә:

ВИДЕО: «Хԝәйкьрьна Әʹдьлайе, Кʹәрәма Тинә» (6:01)

• Ча жь видеойе һатә кʹьфше, хушкәке чь кьр, ԝәки әʹдьлайе хԝәй кә?

6. Нав хушк-бьрада һʹӧнӧред баш бьгәрʹә

Чахе әм хушк-бьра рʹьнд нас дькьн, әм һьм һʹӧнӧред ԝани баш дьвиньн, һьм жи кемасийед ԝан. Ле әм ча дькарьн һе зедә дина хԝә бьдьнә һʹӧнӧред ԝани баш? Вехә ВИДЕО, у паше әве пьрсе шеԝьр кә:

ВИДЕО: «Тʹәви Хушк-Бьред Хԝә, Әʹдьлайеда бә!» (5:10)

• Чь дькарә али тә бькә, ԝәки һʹӧнӧред баш нав хушк-бьред хԝәда бьвини?

Йаһоԝа дина хԝә дьдә һʹӧнӧред мәйи баш. Бьхунә 2 Дирок 16:9а, у паше әве пьрсе шеԝьр кә:

• Тӧ чь дьфькьри дәрһәԛа ве йәке, кӧ Йаһоԝа дина хԝә дьдә һʹӧнӧред тәйи баш?

ТʹӘМАМКЬРЬН

Тӧ дькари йәктийа щьвате хԝәй ки, һәрге бьбахшини хушк-бьра у һʹьзкьрьна хԝә һьндава һʹәмуйада бьди кʹьфше.

Ԝәкʹьландьн

• Тӧ чь дькари бьки, ԝәки фьрԛийе нәки нава мәрьва?

• Тӧйе чь бьки һәрге ортʹа тә у кәсәкида һәвнәфәʹмкьрьн һәбә?

• Чьма тӧ дьхԝази бахшандьнеда чʹәʹв бьди Йаһоԝа?

ҺЕ ЗЕДӘ ПЕБЬҺʹӘСӘ

Бьньһерʹьн кӧ ча мәсәлед Иса дькарьн али мә бькьн, ԝәки фьрԛийе нәкьнә ортʹа мәрьва.

«Кʹеране Чʹәʹве Хԝә Дәрхә» (6:56)

Гәло әм гәрәке бахшандьне бьхԝазьн, һәрге жи мә тьштәки нәрʹаст нәкьрийә?

«Бахшандьн Кʹьлита Әʹдьлайе йә» («Бьрща Ԛәрәԝьлийе», 1 Мьждаре, 2002)

Пебьһʹәсә чава гәләк кәс һин бу, ԝәки фьрԛийе нәкьнә ортʹа мәрьва.

«Ль гора Дитьна Чʹәвед Хԝә Диване Нәкьн» (5:06)

Пебьһʹәсә кӧ тӧ чь дькари бьки, ԝәки тʹәви фьлан кәси ль һәв бейи пешийа кӧ һәвнәфәʹмкьрьна ԝә һе чәтьн нәбуйә.

«Чәтьнайед Нав Һәвда бь Һʹьзкьрьн Сафи кьн» («Бьрща Ԛәрәԝьлийе», Гӧлан, 2016)