ХӘБӘРДАНЕ ДӘСТПЕКЬН
ДӘРСА 6
Мерхас бьн
Принсип: «Мә бь ԛәԝата Хԝәде хԝә диса тӧрӧш кьр, нава ԝе мьԛабьлийа гьранда Мьзгинийа Хԝәде ԝәрʹа бежьн» (1 Тʹеслн. 2:2).
Мәсәла Иса
1. Бьньһерʹьн ВИДЕО, йан жи бьхуньн Луԛа 19:1-7. Паше ван пьрса шеԝьр кьн:
а. Чьрʹа дьбәкә һьнә мәрьва хԝә жь Зәхайо дур дьгьртьн?
б. Чь Иса һелан кьр шәʹдәтийе бьдә Зәхайо?
Әм жь Иса Чь Һин Дьбьн?
2. Әм гәрәке мерхас бьн, сәва кӧ һәр кәсирʹа дәрһәԛа Пʹадшатийа Хԝәде гьли кьн.
Чʹәʹв Бьдьнә Иса
3. Гӧмана хԝә бьдьнә сәр Йаһоԝа. Рʹӧһʹе Пироз ԛәԝат дьда Иса кӧ Мьзгинийе бәла кә, у әԝ дькарә ԝә жи ԛәԝи кә (Мәт. 10:19, 20; Луԛа 4:18). Йаһоԝарʹа бона мерхасийе дӧа кьн, сәва кӧ бькарьбьн шәʹдәтийе бьдьнә ԝан мәрьва жи, тʹәви кʹижана кӧ һун дьтьрсьн хәбәр дьн (Кʹар. Шанд. 4:29).
4. Пешда дәрһәԛа мәрьва хьраб нәфькьрьн. Әм дькарьн хԝә дури һьнә мәрьва бьгьрьн жь бо рʹәнг-рʹуйе ԝан, һʹале ԝанә материали, щурʹе жийина ԝан, йан жи жь бо религийа ԝан. Ле бир нәкьн:
а. Йаһоԝа у Иса дьла дьвиньн, ле әм нькарьн.
б. Йаһоԝа рʹәʹм ә у мәщале дьдә һәр кәси кӧ бенә гӧһастьне.
5. Мерхас бьн, ле ӧса жи мәʹрифәт у фәсал бьн (Мәт. 10:16). Мәрьварʹа нәкʹәвьнә дәʹԝе. Гава һун дьвиньн кӧ мәрьв нахԝазә гӧһ бьдә Мьзгинийе, йан жи гава һун тедәрдьхьн кӧ тьштәки нәбаш дькарә бьԛәԝьмә, бь мәʹрифәти хәбәрдана хԝә хьлаз кьн (Мәтʹлк. 17:14).