Чьрʹа Хԝәде Дьхԝазә кӧ Әм Ԝирʹа Дӧа Бькьн

Әԝ мәщале дьдә мә кӧ әм бьбьнә достед ԝи.

Һәвал тʹәви һәв хәбәрдьдьн, сәва кӧ һәләԛәтийа ԝан баш бә. Хԝәде дьхԝазә кӧ әм тʹәви ԝи хәбәрдьн, чьмки әԝи хԝәха мәрʹа рʹе вәкьр кӧ һәләԛәтийа мәйә баш тʹәви ԝи һәбә. Хԝәде дьбежә: «Һуне банги мьн бькьн у һуне һәрʹьн у жь мьнрʹа дӧа бькьн у әзе ԝә бьбьһизьм» (Йерәмйа 29:12). Һәрге һун тʹәви Хԝәде хәбәрдьн һуне «незики Хԝәде бьбьн, у әԝ жи ԝе незики ԝә бьбә» (Аԛуб 4:8, ИМ). Кʹьтеба Пироз мәрʹа избат дькә кӧ: «Хԝәде незики ԝан һʹәмуйан ә, кӧ банг [гази] дькьне» (Зәбур 145:18, ИМ). Чьԛас зәʹф әм Хԝәдерʹа дӧа дькьн, һаԛас зәʹф һәләԛәтийа мә тʹәви ԝи һе мәзьн дьбә.

Хԝәде дьхԝазә али ԝә бькә.

Иса гот: «Жь ԝә кʹижан ә әԝ мәрьв, кӧ кӧрʹе ԝи нан же бьхԝазә, әԝ кәвьр бьде? Йан жи мәʹси бьхԝазә, әԝ мәʹр бьде? Һун . . . заньн тьштед ԛәнщ бьдьнә зарʹед хԝә, ле Баве ԝәйи әʹзмана ԝе чьԛас тьштед ԛәнщ бьдә әԝед кӧ жь ԝи дьхԝазьн» (Мәтта 7:9-11). Бәле, Хԝәде дьхԝазә кӧ һун ԝирʹа дӧа бькьн чьмки әԝ «бона ԝә хәм дькә» (1 Пәтрус 5:7). Әԝ һәла һе дьхԝазә кӧ һун проблемед хԝә жи ԝирʹа гьли кьн. Кʹьтеба Пироз дьбежә: «Бона тʹӧ тьшти хәм нәкьн, ле хԝәстьна ԝә бьра бь дӧа-дьрозга, рʹазибунева тʹәвайи, Хԝәдева әʹйан бә» (Филипи 4:6).

Мәрьв һʹәԝще рʹӧһʹани нә.

Експерта кӧ псиколожийа мәрьва леколин дькьн, дина хԝә данә кӧ бь сәда милйона мәрьв тʹәхмин дькьн кӧ һʹәԝще дӧакьрьне нә. Нава ԝан мәрьвада һәнә һәла һе атеист у агностик жи.a Әв йәк избат дькә кӧ мәрьв һатьнә әʹфьрандьне бь һʹәԝщәтийа рʹӧһʹани. Иса шьровәкьр кӧ мәрьв гәрәке фәʹм кьн, кӧ әԝана һʹәԝще рʹебәрийа Хԝәде нә, ләма әԝи гот: «Хԝәзи бь ԝан йед кӧ бь рʹӧһʹ бәләнгаз ьн» (Мәтта 5:3, ИМ). У әԝе һʹәԝщәтийе әм дькарьн рʹази кьн чахе тʹьме тʹәви Хԝәде хәбәрдьн.

Һәрге әм Хԝәдерʹа дӧа бькьн, әме чь кʹаре бьстиньн?